تحذير السرعة فى 508

**trustnoone** · 16-04-2014 11:02 AM

ازيكم يا شباب
يا ترى حد يقدر يفيدنى ازاى اقدر الغى تحذير السرعة فى 120 بجد حاجة خنيقة فى الاول قولت 5 دقايق و يفصل طيب 10 دقايق و فى الاخر 4 ساعات سفر صدااااااااااااااع
و بالمرة لو حد يقدر يفيدنى عن اى عيوب موجوده فى العربية ما عادا العزل السىء لان ده انا عارفه

و شاكرين مهللين

**Hany Saad** · 16-04-2014 11:23 AM

المشاركة الأصلية كتبت بواسطة trustnoone

ازيكم يا شباب
يا ترى حد يقدر يفيدنى ازاى اقدر الغى تحذير السرعة فى 120 بجد حاجة خنيقة فى الاول قولت 5 دقايق و يفصل طيب 10 دقايق و فى الاخر 4 ساعات سفر صدااااااااااااااع
و بالمرة لو حد يقدر يفيدنى عن اى عيوب موجوده فى العربية ما عادا العزل السىء لان ده انا عارفه

و شاكرين مهللين

أعتقد تحذير السرعة ممكن حضرتك تشوف لو ينفع يتلغى عن طريق السوفت ويير من التوكيل فى أقرب زيارة له....

تحياتى

**sherifffff** · 17-04-2014 11:42 AM

مش هيتلغي
أنا آسف إني أقولك كدة
ممكن يرفعوةًل ١٢٥ في بعض البلدان
بس أحب أقولك إنك هتتعود علية وهتاخد بالك بس لما الرنين يوقف

**trustnoone** · 17-04-2014 01:12 PM

شكرآ للاخ هانى سعد هحاول اشوف الموضوع ده فى الصيانه الجاية انشاء الرحمن

**trustnoone** · 17-04-2014 01:14 PM

الاخ الكريم exact
يعنى ابقى دافع دم قلبى فى العربية واقساطها مكعبرة فوق دماغى و فى الاخر العب فى السلوك و اشيل ده و احط التانى و اجرب فى مكان (الصفارة) اللى حضرتك مقولتش مكانها فين ده كلام ؟؟؟
ربنا يسامحك

**trustnoone** · 17-04-2014 01:19 PM

طيب يا استاذ شريف ليك اى ملاحظات على العربية غير العزل
وشكرآ جزيلآ

**sherifffff** · 17-04-2014 01:47 PM

عزل العربية مش سئ لهذة الدرجة
أنا حاسة مقبول جداً لعربية بالحجم والوزن دة
ولازم نفرق بين عزل الأصوات عامة وعزل صوت الموتور وعزل صوت إحتكاك الكاوتش بالأسفلت وبين صوت الهواء المضاد لسير العربية
العربية عزلها للأصوات ممتاز بالرغم من شكوي بعض الأصدقاء
عزل صوت الموتور مقبول جدا لو أخدنا في الاعتبار انة تيربو
يبقي فقط صوت احتكاك الكاوتش علي السرعات وصوت الهواء ودول فعلاً زيادة شوية بس يغفروا ليها بسبب مميزات تانية كتير ومفيش حاجة كاملة

مأخذي علي العربية بعد ٢١ ألف كيلو هو الأستهلاك العالي للبنزين، أنا بحطلها فقط ٩٥ من بنزينات موثوقة فقط والمعدل المتوسط في آخر ١٠ آلاف هو ١٠.٩٦ ليتر لكل ١٠٠ كيلو متر ودة زيادة كتير عن المعلن اللي مفروض يكون في حدود ٨ ليتر مع العلم ان ٩٥٪ من استخدامي للسيارة علي طريق سريع مع تحديد للسرعة تحت ١١٨ كيلو علشان الرادار وعلشان صفارة انذار السرعة وبيكون معدل استهلاك البنزين عندها حوالي ٦.٦ ليتر ولكن المشكلة هي السرعات البسيطة في وسط المدينة عندها يكون المعدل ١٨ ليتر وأحيانا ٢١ ليتر

**ahmed sa3ed** · 17-04-2014 09:19 PM

المشاركة الأصلية كتبت بواسطة sherifffff

عزل العربية مش سئ لهذة الدرجة
أنا حاسة مقبول جداً لعربية بالحجم والوزن دة
ولازم نفرق بين عزل الأصوات عامة وعزل صوت الموتور وعزل صوت إحتكاك الكاوتش بالأسفلت وبين صوت الهواء المضاد لسير العربية
العربية عزلها للأصوات ممتاز بالرغم من شكوي بعض الأصدقاء
عزل صوت الموتور مقبول جدا لو أخدنا في الاعتبار انة تيربو
يبقي فقط صوت احتكاك الكاوتش علي السرعات وصوت الهواء ودول فعلاً زيادة شوية بس يغفروا ليها بسبب مميزات تانية كتير ومفيش حاجة كاملة

مأخذي علي العربية بعد ٢١ ألف كيلو هو الأستهلاك العالي للبنزين، أنا بحطلها فقط ٩٥ من بنزينات موثوقة فقط والمعدل المتوسط في آخر ١٠ آلاف هو ١٠.٩٦ ليتر لكل ١٠٠ كيلو متر ودة زيادة كتير عن المعلن اللي مفروض يكون في حدود ٨ ليتر مع العلم ان ٩٥٪ من استخدامي للسيارة علي طريق سريع مع تحديد للسرعة تحت ١١٨ كيلو علشان الرادار وعلشان صفارة انذار السرعة وبيكون معدل استهلاك البنزين عندها حوالي ٦.٦ ليتر ولكن المشكلة هي السرعات البسيطة في وسط المدينة عندها يكون المعدل ١٨ ليتر وأحيانا ٢١ ليتر

كان نفسى اسال السؤال دا وكنت عارف انى مش هلاقى حد هيجاوب عليا
ان يعنى ايه العزل وحش يعنى ايه الاحساس الى يخلى الواحد يعرف انو وحش

وانتا شرحت ما شاء الله عليك

معلش انا خبرتى ضعيفه شويه دلوقتى انا كنت راكب ريو مع صاحبى اول لما يمشى 160 ابتدى احس بصوت الهوا الى بيخبط العربيه برا غير ان صوت الكاوتشات طبعا عالى ومحسوس هو دا بيبقى نفس الحكايه فيها يدوب الاحساس بالهوا وصوت الكاوتش ولا الموضوع مزعج اووووووووووى

مع الفارق بين الريو وال 508 طبعا

**trustnoone** · 18-04-2014 11:54 AM

المشاركة الأصلية كتبت بواسطة sherifffff

عزل العربية مش سئ لهذة الدرجة
أنا حاسة مقبول جداً لعربية بالحجم والوزن دة
ولازم نفرق بين عزل الأصوات عامة وعزل صوت الموتور وعزل صوت إحتكاك الكاوتش بالأسفلت وبين صوت الهواء المضاد لسير العربية
العربية عزلها للأصوات ممتاز بالرغم من شكوي بعض الأصدقاء
عزل صوت الموتور مقبول جدا لو أخدنا في الاعتبار انة تيربو
يبقي فقط صوت احتكاك الكاوتش علي السرعات وصوت الهواء ودول فعلاً زيادة شوية بس يغفروا ليها بسبب مميزات تانية كتير ومفيش حاجة كاملة

مأخذي علي العربية بعد ٢١ ألف كيلو هو الأستهلاك العالي للبنزين، أنا بحطلها فقط ٩٥ من بنزينات موثوقة فقط والمعدل المتوسط في آخر ١٠ آلاف هو ١٠.٩٦ ليتر لكل ١٠٠ كيلو متر ودة زيادة كتير عن المعلن اللي مفروض يكون في حدود ٨ ليتر مع العلم ان ٩٥٪ من استخدامي للسيارة علي طريق سريع مع تحديد للسرعة تحت ١١٨ كيلو علشان الرادار وعلشان صفارة انذار السرعة وبيكون معدل استهلاك البنزين عندها حوالي ٦.٦ ليتر ولكن المشكلة هي السرعات البسيطة في وسط المدينة عندها يكون المعدل ١٨ ليتر وأحيانا ٢١ ليتر

انا معاك جدآ فى ان مفيش حاجة كاملة و عزل الموتور بالنسبه ليا ممتاز انا بتكلم عن عزل الهواء بس حاسس انه زياده حبتين
و بالنسبة للبنزين كده فعلآ كتير جرب كده تصفر العداد و تخليها تحسب من الاول
انا مشيت بالعربيه دلوقتى 2050 كيلو منهم 900 كيلو سفر و الباقى استخدام يومى عادى و من اول كيلو لحد دلوقتى الاستهلاك متوسط 8.6 لكل 100 كيلو و عداد التانى انا مخليه مع كل كل تفويله متوسطه 9.3 ده زحمة على وقوف على طريق سريع و الكتلوج بيقول ان الاستهلاك بيتظبط بعد ال 3000 كيلو و تقريبا معايا التفويلة بتعمل فى العادى حولى 700 الى 750 كيلو بس فى السفر ممكن يعدى ال1000 انما الاستهلاك ده انت بتتكلم فى 6 سلندر مش 4 سلندر انا كان معايا لومينا موصلتش للمعدل بتاعك ده اطلاقا وسط البلد
و حاول كده تصفر العدادين و تحسب تانى
و ربنا يباركلك فيها و يبعد عنك و عننا شر الطريق