البشر يقطعون أرزاق الروبوتات في "تويوتا"

**Y a r i s** · 16-04-2014 03:04 PM

تنوي شركة "تويوتا" اليابانية تسريح نحو 100 روبوت واستبدالهم ببشر في خطوة تأتي تمهيدا لتطوير العملية الانتاجية وتشكيل خطوط تجميع أكثر تكنولوجية. ويجتمع في استراتيجية تويوتا الجديدة جانبان، الأول هو ضمان فهم العمال طبيعة العمل الذي يقومون به بدلا من الاكتفاء بتزويد الآلات بالقطع والوقوف عاجزين لدى تعطل إحدى هذه الآلات. ثانيهما، العثور على سبل تحسين جودة العمليات وكفاءة إنجازها على المدى الطويل، فالاعتماد على الروبوتات يعني وجود عمالة غير ماهرة دون وجود عدد كاف من الأشخاص البارعين في مهن عديدة. ويعتبر الخبراء في الشركة أن الاعتماد على العمال والمهندسين سيسمح بالتقليل من كمية المنتجات ذات العيوب. يذكر أن التخلي عن استخدام الروبوتات لن يكون شاملا لأنها تنفذ في الوقت الحاضر 96% من العمليات الخاصة بصنع السيارات. المصدر: " RT " + "فيستي. رو"

http://arabic.rt.com/news/684941/ :روسيا اليوم

@@@@@@@@@@@

خبــــــــــر زي ده أنا بصراحة أستوقفني ... أن أزاي شركة كبيرة زي تويوتا تستغني عن الروبيتات ... والاجهزة الاتوماتيكية وعاوزة تشغل بدلها عمالة بشرية في الوقت الي أحنا في عالمنا العربي نفسنا نستغنا عن العمالة ونخلي الأجهزة الحديثة هيا الي تصنع كل حاجة من الالف الى الياء .

الحقيقة موضوع غريب .

**MohammedAladel** · 16-04-2014 06:36 PM

أعتقد أنها أسباب اقتصادية فربما انتاج محدود لسيارة مثل بوجاتى فيرون لا يستدعى تصميم وحدات آلية لتجميع السيارة وتصنيع كل أجزاءها بالكامل لأن هذا يكلف الكثير والانتاج محدود

فهذا ليس تقديراً للبشر قدر ما هو حاجة اقتصادية ملحة ..... والإنسان قدراته غير محدودة ويستطيع التلائم والعمل عند ظروف عدة عكس الروبوت المصمم لمهمة محددة وانتاج محدد

**hani945** · 19-04-2014 10:42 PM

الواضح من المقال إن الروبوتات مشكلتها فى أعطالها ، حاجة كده زى مثلاً شركة مسئولة عن تركيب وتشغيل الروبوتات وصيانتها فى مصانع تويوتا ، فلما الروبوت بيعطل خط الانتاج بيفضل واقف لغاية ما يتم اصلاحه لاستئناف عمل خط الانتاج ، والانسان بطبيعته بيقدر يكتسب مهارة وخبرة مع الوقت على عكس الروبوت لو فضل شغال مائة سنة لا يكتسب أى خبرة والإنسان بس هو اللى يقدر يبرمجه ، وده تسبب فى إنه مبقاش فيه ناس كتير عندها خبرة فى الشغل بسبب الاعتماد على الروبوت ، فلما الروبوت يتعطل وييجى يستبدله بإنسان مكانه ، الانسان مبيقدرش يقوم بالوظيفة بإتقان بسبب نقص الخبرة ، لأن الروبوت هو اللى كان شغال بدلاًَ منه طول الوقت اللى فات ده كله .
وممكن طبعاً علشان يوفر فرص عمل ويقضى على البطالة ، يعنى الروبوت الواحد ممكن يعمل شغل 24ساعة ، لكن لو شغلت بداله الإنسان هتعمل بدلاً منه 3 شيفتات كل شفت 8 ساعات يعنى وفرت 3 فرص عمل لـ 3 أفراد ، كل فرد يشتغل شيفت ، أو يشغل فى الشيفت الواحد فردين يبقى وفر 6 فرص عمل ، لإنى شفت فيديو لمصنع تويوتات فى أمريكا فيه 2 عمال بيساعدوا بعض وبيركبوا الاكصدام الأمامى للتويوتا كورولا ، مع إنه كان ممكن يركب رافعة آلية تساعد العامل فى تركيب الاكصدام .
والله أعلم

الموضوع: البشر يقطعون أرزاق الروبوتات في "تويوتا"

LinkBack

أدوات الموضوع

عرض