مساعدة فى تغير طقم فتيس ياريس 2007

**nannah** · 17-04-2014 01:05 AM

السلام عليكم كنت محتاج مشورتكم بالنسبة لتغير اسطوانة وديسك لسيارة تويوتا ياريس 2007 انا رحت التوكيل فى التجمع الخامس وقلولى انة يتكلف 2500 ديسك واسطوانة وبلية لان عندى رعشة بتيجى على الاول فقط بس لما تكون حرارة الجو مرتفعة جدا او مشيت بالعربية كتير على الاول لكن سحب العربية ممتاز جدا بشهادة التوكيل فانا اعتقد ان الاسطوانة فقط هى الى بايزة مش الطقم كلة لكن التوكيل لازم يغير الطقم كلة لانة بيجى فى كرتونة واحدة فمحتاج منكم حد يدلينى على ورشة صيانة لسيارات التويوتا فى حرفيين جسر السويس لانى من اسماعلية وحجيلوة مخصوص وياريت رقم التليفون عشان حزبط معاة واكون شاكر لكم جدا مساعدتكم

**aber mohamed** · 18-04-2014 04:21 AM

بص يا باشا شوف انا معايا 2007 و كان فيها نفس العيب و هو عيب موديل على فكره و جربت اغيره فى الضمان بس كل مره يقولى الدبرياج زى الفل و هو نظامه كده و بصراحه كنت بتعامل معاه و بسند بنزين شويه فى الطلعه بعد كده عادى النقل مفهوش مشكله على السرعات المشكله فى الزحمه فقط

انا غيرته فى التوكيل التجمع الخامس الطقم كله بس على فكره ده موال و هتسيب العربيه فى التوكيل مش اقل من يومين و هتستلمها ان شاء الله حاجه مختلفه فى الاداء و هتحس بكده مع الوقت
الخلاصه نصيحتى لك غيره فى التوكيل شغل نظيف و قطع غيار مضمونه و ضمان سنه على الدبرياج بالكامل.... انت ممكن تمشى بيه لغايه لما يكون فلوس تغييره فى التوكيل.... دى حاجه اساسيه و مبتتغيرش كل يوم و التكلفه هتبقى قريبه من التوكيل.... بخبرتى مفيش صنايعى الا نادرا جدا اللى يغير حاجه و ميخربش حاجه تانيه قصدها .. انا قبل الياريس كان معايا كورولا بعتها بعد 8 سنين و لا الهوا قطع غيار معمره جدا

**AHMED12345678** · 18-04-2014 04:35 AM

المشاركة الأصلية كتبت بواسطة nannah

السلام عليكم كنت محتاج مشورتكم بالنسبة لتغير اسطوانة وديسك لسيارة تويوتا ياريس 2007 انا رحت التوكيل فى التجمع الخامس وقلولى انة يتكلف 2500 ديسك واسطوانة وبلية لان عندى رعشة بتيجى على الاول فقط بس لما تكون حرارة الجو مرتفعة جدا او مشيت بالعربية كتير على الاول لكن سحب العربية ممتاز جدا بشهادة التوكيل فانا اعتقد ان الاسطوانة فقط هى الى بايزة مش الطقم كلة لكن التوكيل لازم يغير الطقم كلة لانة بيجى فى كرتونة واحدة فمحتاج منكم حد يدلينى على ورشة صيانة لسيارات التويوتا فى حرفيين جسر السويس لانى من اسماعلية وحجيلوة مخصوص وياريت رقم التليفون عشان حزبط معاة واكون شاكر لكم جدا مساعدتكم

حضرتك انا من الشرقية
ومعايا كورولا 1300 سى سى مانيوال وكان فيها مشكلة الرعشة زى حضرتك
بس انا معرفش ان كان الموتورين واحد

وفى موزع معتمد عندنا فى الزقازيق اسمه شركة العسال جبت من عنده طقم البرياج كامل اصلى ديسك واسطوانه وبلية وكان سعرهم كلهم 925 جنية وركبتهم عند ميكانيكى عندنا واخد 100 جنية
والعربية اشتغل فيها من 10 صباحا وخلصها 6 مساء
والعربية ما شاء الله زى الفل بقالها حوالى 8 شهور

نصيحة شوف موزع معتمد وهات الطقم اصلى كله وشوف ميكانيكى كويس وهتوفرلك حوالى 1500 جنية فى الموضوع ده عن التوكيل وده مش مبلغ بسيط وحضرتك اولى بيه خصوصا ان العربية بره الضمان

وكمان وان كان تغيير طقم الدبرياج بياخد وقت بس موضوع مش معقد تكنولوجيا .... مجرد فك وتركيب بس بياخد وقت
يعنى حضرتك مش محتاج فيه التوكيل فى حاجة
ومش محتاج حرفيين