عاوز اشتري عربيه مستعمله قسط لانوس ولا فيرنا ولا لوجان

**drmedo82** · 17-04-2014 01:29 PM

السلام عليكم ورحمة الله وبركاته
اتمنا من اعضاء المنتدي الكرام مساعدتي في قرار شراء سياره مستعمله بالتقسيط
ومشكلتي في نقطتين
اولا-نوع السياره حيث اني محتار بين لانوس او فيرنا او لوجان
مع العلم ان العربيه معي بتمشي كتير يعني في السنه مش اقل من ٤٠الف كيلو لاني شغال مندوب في شركة ادويه بيطريه وبتحرك كتير فمحتاج عربيه عمليه ومتعطلنيش وعزمها كويس لاني بشيل بضاعه كتير فياريت تدلوني ايه الافضل
ثانيا-انا عاوز اجيب العربيه باذن الله بالقسط فكنت عاوز اعرف فيه حد تاني ممكن يقسط لي غير كونتكت وميزودش عليا كتير
ولو فيه حد تاني فين ونظامه ايه وبيحط شرط برده ان العربيه المستعمله ميكونش عدا عليها ٤ سنين ولا لا.
اسف لاني طولت عليكم
اتمنا تفيدوني
وشكرا لكم جميعا
معلش نسيت اقول ان ميزانية العربيه لو كاش اقصي حاجه من ٦٠ الف لحد ٦٢ الف
ممكن احاول ادفع منهم ٢٠ الف او ٢٥الف بالكتير والباقي اقسطه علي ٣سنين مثلا
ياريت تساعدوني لاني بجد تعبت من التفكير
وشكرا

**SuperTest** · 20-04-2014 02:33 PM

بنك بلوم ببقسط مستعمل بفايده 10.5 سنوية.. وتأمين 3.5 او فايده 13% بدون تأمين

تدفع 40 في المية مقدم بصورة البطاقة

وحاول لو تشوف حاجه ب 25 وتشترى دماغك احسن لأنى كنت في كل الحوارات دى واتخنقت من التقسيط وهتبص تﻻقي مصاريف ادارية وترخيص وكله فوق دماغك

عموما لو ﻻبد بمك البركة بيقسط مستعمل لحد 2012.. تدفع النص والباقي فايدة 9 في المية على 3 سنين بدون تأمين

**BraveH** · 20-04-2014 06:40 PM

انت ممكن تدور علي عربيه بالسعر اللي انت عاوزه وبعدين تروح تكلم كونتاكت تشتريهالك وتدفعلهم القسط اللي هتقدر عليه بس المقدم هما اللي بيحددوه انا صحبي اشترا عربيه بالنظام ده من سنتين وفاضله 6 شهور بيسدد قسطها وتعاملهم ممتاز الصراحة

**OSaaa** · 24-04-2014 02:44 AM

المشاركة الأصلية كتبت بواسطة braveh

انت ممكن تدور علي عربيه بالسعر اللي انت عاوزه وبعدين تروح تكلم كونتاكت تشتريهالك وتدفعلهم القسط اللي هتقدر عليه بس المقدم هما اللي بيحددوه انا صحبي اشترا عربيه بالنظام ده من سنتين وفاضله 6 شهور بيسدد قسطها وتعاملهم ممتاز الصراحة

[justify]

ممكن معلومات وتفاصيل اكتر عن كونتاكت وازاي اقدر اتواصل معاهم !؟[/justify]