الموضوع: كيفية أستخراج شهادة البيانات لدراجة بخارية جديدة

السلام عليكم :

دلوقتى أنا عايز أعرف كيفية أستخراج شهادة البيانات لدراجة بخارية جديدة بعد ما كنت بأذهب الى بين السريات فى الجيزة وأخلص شهادة البيانات بنفسى وكانت بتأخذ ساعتين بالكتير وأخذها وأرجع مرور فيصل اللى أنا تابع لية أكمل أجراءات الترخيص والفحص ..

دلوقتى فى نظام المندوبين من خلال الشركة اللى بتشترى منها ولكن المندوب أخذ منى الورق و سلمة للمرور وبيقعد هو يتابع مع المرور كل يومين ثلاثة لآن الآفراجات الجمركية أصبحت تتأخر كثير .

أنا بقالى 15 يوم فى المرور بين السريات الورق متسلم ومعاة صورة الآفراج الجمركى ولم يصل الآفراج الجمركى الآصلى الى مرور بين السريات حتى يختم الصورة بالموافقة ويعطينى شهادة البيانات .. ويقال أن الموضوع أصبح بيأخذ وقت حسب التساهيل والظروف حوالى فى خلال شهرين أو أكثر وكل واحد ونصيبة

فما العمل الآن ؟؟ أنا راكن المكنة فى البيت ومش بمشى بيها وبركب مواصلات وتعبت ومش عارف أعمل أية .. هل يوجد طريقة لآستعجال الآفراج الجمركى الآصلى أو لآستعجال شهادة البيانات وجزاكم الله خيرا ومنتظر الرد وخبراتكم فى اسرع وقت ممكن وشكرا

أية يا أساتذة يا كرام ربنا يباركلنا فيكم ويصلح حالنا وحالكم .. ألا يوجد جديد يا أهل الخبرة في الرد على السؤال . هل هضطر أنتظر شهر أو أكثر كمان ولا في طريقة متجربة لحل هذه المشكلة أم لا يوجد غير الآنتظار وشكرا على كل مساعدتكم مقدما