المفاضلة بين سيفيك وقاشقاى

**hmostafaahm** · 18-04-2014 08:53 AM

بما أنى بصدد شرتء سيارة جديدة فتقريبا انا وبعد تفكير واستبعاد بعض السيارات لتضيق دائرة الاختيار بين القاشقاى والسيفيك
القاشقاى فيها مزايا هايلة مثلا الوسع الداخلى وعالية عن الأرض فى وسط الجبال التى يطلق عليها مجازاً لفظ مطبات فى الشوراع، بناء على بعض ما دار فى نقاشات سابقة فى المنتدى هناك إنطباع بأنها تقيلة فى السحب ومع التكييف مش بتسحب كويس
السيفيك جودة الهوندا معروفة وبطبعها اعتقد انها سيارة معمرة والعربية اكيد فيها مزايا حلوة يعنى اكيد موتورها قوى وتكييف كويس واقتصادية فى استهلاك البنزين وبغض النظر عن الشكل الخارجى لانه مش بيهمنى لكن عيبها عدم الإنتشار وما قد يمثله ذلك مستقبلا من مشكلات فى توافر قطع الغيار
ونهاية أنا طالب المشورة والرأى منكم علماً بأنى بعمل فى الشهر استهلاك تقريبى 2500 كيلو متر من أكتوبر للمهندسين يوميا وخروجات الويك أند يعنى بيهمنى عربية تفضل حالتها كويسة مع عداد كيلو متر كبير
العربية هتكون عربية ثانية مع وجود كورولا 2010 هسيبها للبيت وبالتالى تم استبعاد الكورولا من المقارنة

**Bently** · 18-04-2014 12:36 PM

اكتر حاجة بتشدنى للسيفك هو الماتور المحترم عشان فيه vvt على الكامتين و ثبات و اتزان اعلى من القشقاى.....لكن غير كده هى واطيه اووى و دا مش ميزه فى المطبات و البيارات احيانا تحس انها ممكن تتحك من تحت بسهوله.
القشقاى تديك احساس باطمان فى الارض المكسره بسبب العلو , و فيها فتيس cvt الجديد الموفر فى استهلاك البنزين على السرعات العالية.
فى النهاية الاتنين اعتماديين و لو طرققك نضيفه خليك فى الهوندا و استمتع بالموتور و لو مكسره خليك فى القشقاى و استمتع بالعلو و قوة العفشه.
و بالتوفيق

**toty_305** · 18-04-2014 04:43 PM

-قشقاي suv و سيفيك small size sedan ..بالنسبة لمتطلباتك شوف أنت عايز أيه بس قشقاي فئة مختلفة عن civic برغم تقارب سعرهم من بعض ..رأي قشقاي أفضل

**hmostafaahm** · 18-04-2014 10:21 PM

طب هل هناك حد من مالكى القشقاى يقولنا القول الفصل فى موضوع سحب العربية والتكييف

**hmostafaahm** · 19-04-2014 12:58 PM

يعنى مفيش حد من مالكى القاشقاى دخل شاف الموضوع وتطوع بالرد

**J A G U A R** · 20-04-2014 11:25 PM

سحب القشقاى معروف انه بطىء .. والعربيه عموما مش بتاعه شد وجرى

**عمر محمد مؤمن** · 21-04-2014 08:53 AM

القشقاى هنا فى الخليج مينزلش منها 1600 سي سي علشان السحب بيكون ضعيف بس المشكلة الأكبر قطع غيارها غالية جدا جدا ليه متفكرش في السبورتاج أو i35 أ بيجو 2008 أعتقد سحبهم أفضل

**hmostafaahm** · 21-04-2014 02:32 PM

المشاركة الأصلية كتبت بواسطة عمر محمد مؤمن

القشقاى هنا فى الخليج مينزلش منها 1600 سي سي علشان السحب بيكون ضعيف بس المشكلة الأكبر قطع غيارها غالية جدا جدا ليه متفكرش في السبورتاج أو i35 أ بيجو 2008 أعتقد سحبهم أفضل

أنا فعلا حاليا بفكر فى السبورتاج وix35 ادعيلى بأه أوصل لقرار