الموضوع: ريموت النيو صنى بيعلق احيانا

ياجماعه الريموت بتاع النيو صنى 2014 احيانا بيعلق منى وملاقيش اى استجابه خصوصا لو بقفل كذا مره حصلت معايا اضطررت لقفل الباب بالمفتاح

واحيانا بيشتغل تانى لما ادخل العربيه تانى واحطه فى الكونتاكت واشغل بيه وبعدين اشغله تانى فيقوم شغال

ياترى دى مشكله ايه وهل اقول لهم فى التوكيل ولا حله سهل ولامحتاج ايه

المشاركة الأصلية كتبت بواسطة theislamic

انا كان بيحصل معايا كدة و اكتشفت ان السبب عندي كالاتي:
مكان دخول المفتاح في الكونتاكت بيبقى فيه لسان و لما المفتاح يدخل بيزق اللسان للداخل..... و لما تطلع المفتاح اللسان بيطلع لوحده و العربية تعرف ان المفتاح طلع فتستجيب للريموت.
ساعات اللسان ده بيعلق جوة و ما يطلعش بعد ما تطلع المفتاح من الكونتاكت خصوصا لو طلعت المفتاح بشويش ،، و بالتالي العربية بتتعامل كان المفتاح لسة جوة الكونتاكت فما تستجيبش للريموت.... و لما كنت بفتح الباب كانت بتعمل صوت الصفارة ده كأن المفتاح لسة في الكونتاكت.... و بخبطة خفيفة بايدي على مكان دخول المفتاح اللسان كان بيطلع لوحده و الريموت يشتغل.

فاعتقد انها نفس الحكاية عند حضرتك .

هي حاجة بسيطة على مااظن و اعتقد التوكيل ممكن يظبط اللسان ده بحيث انه ما يعلقش .... لكن انا ما قلتلهمش في التوكيل على المشكلة لانها قليلة الحدوث فما تذكرتهاش.

اعتقد فعلا ان ممكن يكون ده السبب