بـــــرجــــــاء المشاركة و الإفادة ((ضروري))

**Ahmed.55** · 18-04-2014 05:57 PM

السلام عليكم ...

في الحقيقة ده اول طلب ليا من أعضاء المنتدي المحترمين ياريت كل واحد يتكرم برأيه بنائاً علي تجربه او معلومة أكيده لانه اكيد يهمني و هيأثر علي إختياري.

أنا في حيرة شديدة

مقبل علي شراء عربية زيرو في حدود 130:150 الف

المتاح و اللي بقارن بيهم

1- أولا كان تركيزي علي الصني الشكل القديم ونظرا لعدم التوافر و انها بتتباع over price حوالي 14 ألف!!!

فكرت بالانتقال لفئة أعلي بتتباع بسعر يعادل قيمتها في السوق

(أسباب إختيار الصني : عربية إعتمادية - اسعار قطع غيار معقولة و متوفرة - ثبات - صاج خارجي قوي - جودة الخامات الداخلية مقبولة - أعطال قليلة و عيوب مقدور عليهه - أحسن قيمة بالنسبة للسعر الرسمي 102000) أ سباب الاستبعاد السعر المتوافر 114000 غير اني شايف اني محتاج في حدود 5:3ألاف زياده ما بين سماعات فرش جيد للصالون بار اتزان و (يفضل جنط بس أكيد مش ضروري) و بالتالي المبلغ اجمالا هيخلني ادخل في شريحه اعلي و اكيد افضل

الخيارات الحالية:

1- فلونس E2 اول فئة اوتو 153: 155 الف من التقارير و الكلام اللي قريته عن الفلونس العربية ممتازة بس المشكلة اني ركبت ال E1 فقيره جدا تحس انك راكب عربية مختلفة تماما عن ال E3 كاسيت زي بتاع لوجان مفبش الشاشة الداخلية اللي في التابلوه مفيش نواكل نهائي ولا مخادع الراس
انا مركبتش ال E2 فمشعارف الصالون الداخلي هيكون مختلف كتير عن صالون ال E3 انا مش مشكله عندي الجنط و الحساسات و ال Smart key

2 - لانسر شارك تاني فئة 145 الف اللي مخوفني اسعار قطع الغيار المبالغ فيه و كمان فرق الكماليات الكبير عن ال high line وهل الخليجي لو عن طريق الرواس هتكون مضمونه

3- سيراتو خليجي ثاني فئة عند سمير ريان ب 145000 Airbag وشوية كماليات زياده عن الوكيل زي شاشة حساس ركن بس مفيش ABS و قالوا بشتري ضمان 1000: 2000 ! انا بثق في كلمهم و اتعاملت معاهم قبل كده

ياريت تفيدوني لاني محتار جدا

المهم عندي في
العربية الاعتمادية
قلة الاعطال
اسعار قطع الغيار تكون متوافرة وبأسعار معقولة مقارنتا بما يعادلها في الفئات الاخري
و أسعار اعادة البيع تكون معقولة مش وقعة بس غالبا مفيش نية للتغيير قبل 4:5 سنين

**M R. Z E C O** · 18-04-2014 09:19 PM

قسط عشر تلاف واركب الفلونس e3 او شوف سيات توليدو

**Ahmed.55** · 18-04-2014 10:27 PM

المشاركة الأصلية كتبت بواسطة zeco

قسط عشر تلاف واركب الفلونس e3 او شوف سيات توليدو

شكرا للرد بس هتبقي صعب لاني اصلا هدفع في حدود 85 الف كاش و هقسط الباقي فال 155 الف اصلا كتير ف صعب اطلع ل 170

هل ال e2 تفرق في الصالون من الداخل كبير عن ال e3 لان ال e1 في فروق كبيرة

**M R. Z E C O** · 18-04-2014 10:34 PM

المشاركة الأصلية كتبت بواسطة Ahmed.55

شكرا للرد بس هتبقي صعب لاني اصلا هدفع في حدود 85 الف كاش و هقسط الباقي فال 155 الف اصلا كتير ف صعب اطلع ل 170

هل ال e2 تفرق في الصالون من الداخل كبير عن ال e3 لان ال e1 في فروق كبيرة

العربية دي متتركبش غير e3 او اعلى بص على التوليدو اسمع كلامي ولو انا مكانك كنت هجيب اللوجان على قد فلوسي وممتازة وخد بالك الصني لا تمت للثبات بصله

**ENG.MaRk** · 18-04-2014 11:03 PM

سيات توليدو أو فلوانس ال e3

**drcobra** · 19-04-2014 12:31 AM

اخترت العربييت اللى انا بفكر فيهم
لانسر شارك اعتمادية اليابانى وليها مميزات خاصة بيها اصحاب العربية يقولوها احسن منى

فلونس برستيج الاوروبى وشكل داخل دماغى ومعشش بحسها بتنادينى

انهى فئة مقدرش افيدك ملاك التنين يقدروا ان شاء الله
انا هيونداوى وهخرج من هيونداى قريب بالرغم من ثقتى فيها بس محتاج عربية اكبر ومخصوص للسفر

**Ahmed.55** · 19-04-2014 01:13 AM

المشاركة الأصلية كتبت بواسطة zeco

العربية دي متتركبش غير e3 او اعلى بص على التوليدو اسمع كلامي ولو انا مكانك كنت هجيب اللوجان على قد فلوسي وممتازة وخد بالك الصني لا تمت للثبات بصله

شكرا علي النصيحه بس هل حضرتك عارف فرق الكماليات بين ال E2 و E3 خصوصا بالنسبة للصالون اللي انا عارفه ان الاساسيات زي وسائل الامان وحده موضوع الليد في الفوانيس مثلا مش هيفرق معايا ولا الجنط ولا الحساسات بس يهمني ان الصالون يكون كويس يديك احساس بفئة العربية لاني اما ركبت ال e1 حسيت اني في صالون لوجان مع شوية تعديلات

بالنسبه لللوجان هو الشكل الجديد لسه متجربش ورغم كده ابتدت بعض الشكاوي البسيطه

وبعدين هيكون احتياجي الاكبر للعربيه في السفر مش لتنقلات داخل البلد
عشان كده كنت حابب اطلع لفئة اللانسر و الفلونس و احاول اخلص اقسطها علي سنتين وبكده تكون الفوائد نوعا ما مش عاليه

الميزه بصراحه في النيسان N16 اني كنت ممكن اضغط شويه و اجيبها كاش و موضوع الثبات محدش من ملاك العربيه اشتكي منه... فبصراحه انا مستغرب كلام حضرتك!! هل ليك تجربه بالعربية؟

**Ahmed.55** · 19-04-2014 01:21 AM

المشاركة الأصلية كتبت بواسطة drcobra

اخترت العربييت اللى انا بفكر فيهم
لانسر شارك اعتمادية اليابانى وليها مميزات خاصة بيها اصحاب العربية يقولوها احسن منى

فلونس برستيج الاوروبى وشكل داخل دماغى ومعشش بحسها بتنادينى

انهى فئة مقدرش افيدك ملاك التنين يقدروا ان شاء الله
انا هيونداوى وهخرج من هيونداى قريب بالرغم من ثقتى فيها بس محتاج عربية اكبر ومخصوص للسفر

ربنا يوفقك للأحسن

**M R. Z E C O** · 19-04-2014 05:14 AM

المشاركة الأصلية كتبت بواسطة Ahmed.55

شكرا علي النصيحه بس هل حضرتك عارف فرق الكماليات بين ال E2 و E3 خصوصا بالنسبة للصالون اللي انا عارفه ان الاساسيات زي وسائل الامان وحده موضوع الليد في الفوانيس مثلا مش هيفرق معايا ولا الجنط ولا الحساسات بس يهمني ان الصالون يكون كويس يديك احساس بفئة العربية لاني اما ركبت ال e1 حسيت اني في صالون لوجان مع شوية تعديلات

بالنسبه لللوجان هو الشكل الجديد لسه متجربش ورغم كده ابتدت بعض الشكاوي البسيطه

وبعدين هيكون احتياجي الاكبر للعربيه في السفر مش لتنقلات داخل البلد
عشان كده كنت حابب اطلع لفئة اللانسر و الفلونس و احاول اخلص اقسطها علي سنتين وبكده تكون الفوائد نوعا ما مش عاليه

الميزه بصراحه في النيسان N16 اني كنت ممكن اضغط شويه و اجيبها كاش و موضوع الثبات محدش من ملاك العربيه اشتكي منه... فبصراحه انا مستغرب كلام حضرتك!! هل ليك تجربه بالعربية؟

كان عندنا صني بس مش موديل السنادي كان زي ما تقول الهوا بيطيرها .فرق الطماليات شاسع بين e2 . E3 والتوليدو عربية الماني

**Ahmed.55** · 19-04-2014 05:19 PM

المشاركة الأصلية كتبت بواسطة zeco

كان عندنا صني بس مش موديل السنادي كان زي ما تقول الهوا بيطيرها .فرق الطماليات شاسع بين e2 . E3 والتوليدو عربية الماني

شكرا

يا ريت لو حد تاني يقدر يفيد برايه يبقي كتر خيره

الموضوع: بـــــرجــــــاء المشاركة و الإفادة ((ضروري))

LinkBack

أدوات الموضوع

عرض

المواضيع المتشابهه

سؤال مهم بخصوص محطات البنزين( أرجو المشاركة ضروري)

برجاء الإفادة .. ضروري جدا ..خاص بأهل الأسكندرية

الى ملاك التيريوس ارجو الإفادة ضروري

مشكلة في دورة تبريد المياة لسيارة ابيزا ارجو الإفادة ضروري جدا

ضروري جداً الإفادة والنصح

الكلمات الدلالية لهذا الموضوع

المفضلات

المفضلات

ضوابط المشاركة