تفكير في شراء بولو سيدان 2014

**M_Abdelghffer** · 18-04-2014 06:10 PM

يا جماعة انا حاجز بيجو 301 من اول شهر مارس و تقريبا هالغي الحجز بسبب مشاكل ظهرت في العربية زي مثلا تغير التيل و البوجيهات و الفلاتر كلها في صيانة 10 الاف و كمان صوت الماتور عالي جدا لان الفتيس 4 سرعات بس و كمان استغلال التوكيل ليها دلوقتي بقي سؤالي لاي حد من ملاك بولو سيدان هل العربية فيها مشاكل ؟ زي مثلا الصيانات تكلفتها اد اية و الاعتمادية بتاعة العربية خصوصا اني كل يوم بعمل اكتر من 100 كيلو و الفتيس بتعها في مشكلة ولة لا و قطع الغيار متوفرة ولة لا التقفيل بتعها هندي و الاول كان صيني هل حكاية التقفيل دي فيها مشكلة و كمان سعر اعادة البيع ياريت اي حد يعرف اي معلومة يفدنا

**M.Elwan** · 21-04-2014 09:56 PM

البولو السيدان اغلى من ال301 شويتين
يعنى تمن الرابيد والتوليدو
وكان نازل على البولو السيدان الاوتو عرض ب 153 او 150 تقريبا مش متذكر السعر بالظط كام
هى 1600 105 hp اوتو 6 نقلات

**madmant** · 23-04-2014 12:09 AM

اعتقد ان الفتيس 6 نقلات افضل بكتير من فتيس 4 نقلات عشان اكيد هيكون مريح للموتور و مش هيحرق بنزين كتير و اعتقد انه مناسب اكتر للطرق الطويلة و السفر

**m7nsh** · 23-04-2014 07:37 PM

العربيه دى انا شايفها حلوه جدا على سعرها .. بس لسه ماتجربتش ..

**limo81** · 24-04-2014 12:55 AM

العربيه فعلا حلوه كتجميع وقياده وتكييف كانت معايا في سلطنه عمان موديل 2013
بس من الداخل فقيره شويه ممكن تقول زي الصني الجديده من الداخل (كانت معايا ف مصر قبل ما اسافر)
بالتوفيق ان شاء الله

**M_Abdelghffer** · 24-04-2014 02:37 AM

اشكركم جميعا علي الرد يعني كدة تقريبا بلاش بيجو 301 لان في كل الحالات مش هاتستحمل المشاوير بتعتي يوميا و غير كدة اكيد فولكس واجن مش هاتحط العلامة بتعتها علي اي عربية و السلام و بردة هانتظر بقية اراء الملاك

**M_Abdelghffer** · 24-04-2014 02:41 AM

المشاركة الأصلية كتبت بواسطة limo81

العربيه فعلا حلوه كتجميع وقياده وتكييف كانت معايا في سلطنه عمان موديل 2013
بس من الداخل فقيره شويه ممكن تقول زي الصني الجديده من الداخل (كانت معايا ف مصر قبل ما اسافر)
بالتوفيق ان شاء الله

طيب جميل جدااا ياريت بعد اذن حضرتك تقولي اية اخبار العربية ثابتة لاغية كام في الطوالي و ثابتة لاغية كام في الملافات و اية اخبار الفرامل و مستهلاكات العربية زي التيل و البوجيهات و السيور و الفلاتر و قطع الغيار عموما موجودة ولة لا و التقفيل الهندي بتعها دة اي كلام و طول ما انت ماشي بيها تسمع تكتكة الخامات البلاستك و كدة ولة تقفيل كويس و كمان اعادة البيع تمنها بينزل الارض ولة اية معلشي هاتعبك معايا اصلي ما صدقت لاقين حد كان معاة بولو

**limo81** · 24-04-2014 09:03 PM

المشاركة الأصلية كتبت بواسطة m_abdelghffer

طيب جميل جدااا ياريت بعد اذن حضرتك تقولي اية اخبار العربية ثابتة لاغية كام في الطوالي و ثابتة لاغية كام في الملافات و اية اخبار الفرامل و مستهلاكات العربية زي التيل و البوجيهات و السيور و الفلاتر و قطع الغيار عموما موجودة ولة لا و التقفيل الهندي بتعها دة اي كلام و طول ما انت ماشي بيها تسمع تكتكة الخامات البلاستك و كدة ولة تقفيل كويس و كمان اعادة البيع تمنها بينزل الارض ولة اية معلشي هاتعبك معايا اصلي ما صدقت لاقين حد كان معاة بولو :s_thum1[1]:

والله موضوع السرعه والثبات دول مش هاقدر افيدك
كان اخري 120:125 كم /س المرور هناك شديد وكل الناس بتحترم القانون ولغايه ما سبتها ما كنتش غيرت حاجه بس طبعا اولا و اخيرا العربيات الاوروبي جميعا مالهاش سوق في الخليج
تخيل انت فولفو s80 موديل 2007 واحد جاري باعها ب 18000 جنيه مصري نفس تمن لكزس او كورولا 90

**M_Abdelghffer** · 24-04-2014 10:10 PM

المشاركة الأصلية كتبت بواسطة limo81

والله موضوع السرعه والثبات دول مش هاقدر افيدك
كان اخري 120:125 كم /س المرور هناك شديد وكل الناس بتحترم القانون ولغايه ما سبتها ما كنتش غيرت حاجه بس طبعا اولا و اخيرا العربيات الاوروبي جميعا مالهاش سوق في الخليج
تخيل انت فولفو s80 موديل 2007 واحد جاري باعها ب 18000 جنيه مصري نفس تمن لكزس او كورولا 90

اةة متخيل انا

مهو دي الحاجات الي تخليك تقول حسبي الله و نعم الوكيل في الي بيتعمل فينا هنا الي معاة مثلا فيات 128 طبعا مع احترامي ليهم جميعا لاني كان معايا 128 ممكن يركب في الخليج لاندكروزر بالنسبة للبولو بقي من الواضح كدة انها مش منتشرة هنا كمان لان مافيش اي حد عندة اي معلومة عنها

**egyptiandiver** · 24-04-2014 11:08 PM

ربنا يوفق حضرتك للافضل إن شاء الله... لكن أنا رأيي الشخصي إن الواحد يبعد عن العربيات إلي وجودها محدود في السوق المصري و يركز في العربيات إلي ليها جودة و إنتشار معقول و ده أكيد يسهل كتير على الواحد فينا عشان قطع الغيار الاصلية هتكون متواجدة بشكل أكبر و كمان إلي يفهم في تصليحها هيكون ناس كتير و في النهاية ده كمان هيجيب سعر إعادة بيع محترم يعني فلوسك في جيبك أو خسارة محدودة... أما لو حضرتك عوز تميز يبقى جيب سيارة محدودة التواجد في سوقنا المحلي و أكيد هيكون ليك برستيج أكبر لكن الاختيار ده من حضرتك لزم ليه تمن. أنا أرشح لحضرتك سيارات تويوتا - بالتوفيق، أخوك أحمد سامي