بيجو 405 ولا دايهتسيو سيريون

**jo>big** · 19-04-2014 12:47 PM

السلام عليكم

دي اول عربية اشتريها باذن الله حدودي لحد 35 الف بقالي شهرين بدور في انواع العربيات و بقيت محتار و جالي صداع لدرجة اني بقيت بفكر مشتريش عربية اساسا لاني تعبت من التدوير

بعيدا عن الحالة لاني اكيد مش حشتري عربية حالتها وحشة انا سؤالي الاهم في قطع الغيار و الصيانة بالذات في اسكندرية اغلب الناس نصحتني بالسزوكي سويفت او الاكسيل بس المشكلة اني مش مرتاح نفسيا للعربيتين دول و بحس انهم ورق سهل جدا يتخرشموا في اي لحظة

في حاليا قدامي يجو 405 فرنساوي 89 و دايهاتسو سيريون موديل 2000
انا مستريج نفسيا للديهاتسيو من حيث الشكل و الكماليات بس اللي معطلني ان ناس قالت ان العربية قطع غياراها غالية و مش موجودة و تصليحها مش سهل و ناس قالتلي انها ممتازة و قطع غيارها متوفرة انا محتاج نصيحة من حد خبرة في النوعين دول اجيب مين فيهم بالعلم اني مش لائي عربية ابيزا حالتها كويسة بقالي فترة فاستبعدتها الا اذا لقيت عربية حالتها كويسة ياريت الرد السريع لاني حقابل اصحاب العربيتين دول بكرة و عايز اعرف راسي من رجليا قبل ما اقابلهم

**ahmedalaahosny** · 19-04-2014 02:16 PM

بص ياباشا الاتنين دوول عكس بعض تماما المهم سيادتك عايز من العربية ايه ؟ يعني لو عايز عربية قوية فرنساوي ولاكلمة تستحمل سفر وتسد ف اي حته وصاج تقيل هات ال 405 بس قطع غيارها اغلي حاجة بسيطه من السيريون بس انت هتركبها وهتنساها خمس سنين لقدام اما لو عايز حاجة صغيره جوا البلد ويادوب هتسافر بيها ف السنة مرتين تلاته واستهلاك بنزين اقل من ال 405 هات السيريون وربنا يوفقك وتقع علي حاجة نضيفه سواء بيجو او سيريون