نصيحه : متستهونش بطفايه الحريق

**mostafa mahmod** · 19-04-2014 01:25 PM

الحمد لله الذى لا يحمد على مكروه سواه :)

جيت انقلكوا اللى حصل لى علشان تاخدوا بالكوا و متعملوش زيي

انا من اول ما جبت العربيه من 4 سنين مكانش معايا طفايه حريق و رخصت من غيرها كمان - واسطه - و بعد 3 سنين ترخيص ماشى من غيرها اشتريتها من سنه كده علشان اهميتها ... و الحمد لله

كنت ماشى يوم الخميس اللى فات ف التجمع الخامس و شميت ريحه شياط - امبير الحراره طبيعى - ركنت لسه بفتح الباب لقيت نار من تحت الكبوت نزلت جرى جبت الطفايه من الشنطه و شغلتها - معرفش ازاى - و الحمد لله لحقت النار قبل ما تكبر
التوقعات : ان حصل حمل زياده من كهربا النور مع انى مركب كتاوت فعملت الحريقه و طبعا الفانوس ساح

الحمد لله رب العالمين طبعا و ده قدر و بسيطه الحمد لله
المهم تخلى بالكوا الطفايه من اهم الحاجات الاساسيه و بكررها تانى الاساسيه ف العربيه

عايز اقولكوا انى و انا راجع عالدائرى لقيت مكروباص مولع برضه و الناس بتجرى عليه بالطفايات -_-

ربنا يستر طريقنا جميعا
و لو سمحتوا سؤال
متهيالى كده الطفايه خلاص ... لازم اغيرها بقى ولا بتتملى و لا بتتبدل ولا ايه :)
و الف شكر ليكوا

**sakr_skoda** · 19-04-2014 02:21 PM

قدر الله ومشاء فعل الحمد لله انها جت على قد كدا **

طبعا الطفاية من المهمات الضرورية زيها زى كوريك العربية بس انا ليا ملاحظة مكان الكفاية بيبقى فى القايم اللى خلف السائق وكثير من السائقين بيشيلوها من مكانها زى كدا فانا بانصح بلاش تكون فى الشنطة خليها تحت كرسى السائق فى متناول ايدك بحيث ان تعرضت للخطر يسهل عليك حملها واستعمالها**

الطفاية مادام فتحت وخرج منها حتى لو القليل من البودرة فيجب اعادة ملئها ذالك حيث ان مكان البدرة سيدخل هواء وهذا يساعد على تصلب باقى البودرة فى الطفاية اقرب مركذ خدمة للطافايات حيعاد شحنها ويرصصهالك وخلى بالك الرصاص بيبقى عليه تاريخ الشحن**

**mostafa mahmod** · 19-04-2014 04:20 PM

الف شكر ليك
انا ساكن فى جسر السويس
هل بافاريا اللى فى جسر السويس ممكن اعمل فيها الكلام ده ولا دى مكان للبيع بس

**sakr_skoda** · 19-04-2014 05:06 PM

المشاركة الأصلية كتبت بواسطة mostafa mahmod

الف شكر ليك
انا ساكن فى جسر السويس
هل بافاريا اللى فى جسر السويس ممكن اعمل فيها الكلام ده ولا دى مكان للبيع بس

ممكن روح اسأل ممكن يبدلوها ليك فورا مع دفع ثمن الشحن***

**ahmedfathi** · 22-04-2014 11:22 PM

المشاركة الأصلية كتبت بواسطة hassanstar

طب انا الطفاية بتاعتى ال اخدتها من المرور عدى عليها 3 سنين ولكنى الحمد لله لم استعملها
وعندى فحص وتجديد هل يتم شراء طفاية جديدة ولا القديمة تفضل معايا زى ما هى ؟؟

انا لما رخصت 3 سنين تانيه ما غيرتهاش بس بيطبعلك عليها رقم جديد ويديهالك تانى
اعتقد ان مده صلاحيتها 5 سنين اذا لم تستخدم