كومبروسر استيراد ولا طقم اصلاح

**zendo** · 19-04-2014 09:28 PM

لوقتى رحت اكشف على التكييف الكهربائى كبسة هوا ولقى تسريب فى الكمبوروسر وشوفتة لما حط صابون مكان التسريب طلع فقاقيع قالى انت كده محتاج كمبوروسر طبعا دا غير الشحن وقالى انا ممكن اعملك طقم اصلاح وهيبقى زى قلتة شهر ويرجع تانى المهم رحت لواح تانى وقولتلة قالى هعملك طقم اصلاح وهيبقى تمام ولو حصل حاجة فية الصيف كلة بتاعى قولتلة على الكلام اللى قالهولى الكهربائى اللى قبلة قالى مفيش الكلام ده انت ممكن تجيب واحد استعمال وبرضة هتعملة طقم اصلاح طب وبعد الصيف قالى انا بقولك لو حصل حاجة بتاعى وهيتكلف بشحنة 300 جنية انما لو جبت كمبوروسر استعمال الضعف تقريبا انتم ايه رايكم فى الموضوع ده علشان محدش يشتغلنىايه الافضل وحد جرب يعمل طقم اصلاح ويقولى على تجربتة

**Sherif Mandoor** · 19-04-2014 09:37 PM

كومبريسور استيراد احسن طقم الاصلاح اشتغالات

**samehenany05** · 19-04-2014 09:42 PM

انا لسه سائل فى تلمنصوره على الاستيراد ب 300 ج

**a_arazik** · 19-04-2014 10:32 PM

اعمل طقم اصلا ح يا باشا واتكل علي الله انا مجربة والحمد لله زي الفل ....

**Dr__Ahmed** · 19-04-2014 11:22 PM

رأئي المتواضع :
طالما الكومبريسور شغال وبيكبس الغاز كويس أغيره ليه ؟!
ولو التسريب من المواسير اللى داخله عليه .... انت كده كده هتفك وهتركب تانى وهتغير الجوانات فى الحالتين

توكل على الله وركب طقم الاصلاح واتاكد انه شحن فريون مش اققل من كيلو ( العلبه الطويله)
وممكن تعمل زى منا عملت وغيرت البالف اللى بنشحن منه (low) وكمان البالف اللى ورا فلتر الهوا (high)
عشان كان فيهم تسريب بسيط جدا كان بيخلى الفريون نسبته تقل مع الوقت !
والحمد لله تمام

**zendo** · 20-04-2014 01:38 AM

العربية نوبيرا2 وقالى ان كل كومبروسر النوبيرا فيه العيب ده بيحصل فية هو التسريب اللى انا شوفتةفى الكمبوروسر من فوق مش من المواسير وطلع فقاقيع كده لما حط صابون

**zendo** · 20-04-2014 08:24 PM

طب ايه الحل علشان نحافظ على الفريون وعلى فكرة انا عملتة والتكييف تلاجة وغيرلى جوانات واولسيهات وكتاوك وبقى ميه ميه وقالى على ضمانتى وانت لو جبت واحد استيراد هى نفس المشكلة وهيقعد معاك ايام وهيسرب فقالى تصلح بتاعك احسن لان هى هى