فتيس الجيتا القديم

**amfms** · 20-04-2014 03:09 AM

انا لسه شاري جيتا 2008 هاي ﻻين ومحتاج رأيكم اوﻻ ذهبت انهارده عند مركز خدمه اسمه عمور الشربيني في المريوطيه عشان اغير زيت وفلتر وكده يعني المهم بسأله عن العربيه قالي على مشكله الفتيس مع اني لما كنت بدور على العربيه كل الناس قالولي اشتري الفتيس القديم الست نقﻻت ولما قلتله كده قالي ريح نفسك الفتيس كده كده ﻻزم يبوظ مهما كنت محافظ بصراحه اتقفلت جدا من العربيه ونفسى اتسدت منها على اﻻخر ...سؤالي هنا فعﻻ ﻻزم الفتيس هايبوظ وعايز اشوف بارقة امل من اي حد الفتيس سليم معاه واخيرا انا محتاج رشاش الفانوس الشمال وسألته عليه لقيته ب750جنيه جديد هل الرشاش ده فيه منه استيراد ويعمله كام ؟ وشكرا جدا واسف على اﻻطاله

**Ahmed Saad** · 20-04-2014 09:48 AM

لا ياباشا كلام مش سليم فتيس الجيتا ال 6 نقله فتيس محترم بس علشان يعيش معاك لازم غيار الزيت والفلتر الأصلي كل 60000 وليا واحد صاحبي معاه جيتا 2007 نفس الفتيس العربيه ماشاء الله عليها عامله 260000 كم والفتيس زي الفل مافيهوش حاجه بس بصراحه هي عربيه سفر ومش بيتعانف في سواقته وده سر الحفاظ على الفتيس وعلى فكره الفتيس ده هوا هوا اللي في الاوكتافيا a5 والفانتازيا يعني تمام التمام متقلقش من حاجه واستمتع بعربيتك وحط في دماغك انك راكب أصل الاوكتافيا علشان الاوكتافيا مستنسخ الجيتا وربنا يباركلك فيها ويديك خيرها ويكفيك شرها

**Mohamedjetta** · 20-04-2014 03:13 PM

حضرتك فكك من كلام الناس عشان هتتعب واستمتع بعربيتك انا معايا جيتا 2011 الشكل القديم فتيس dsg7 وعامل لحد دلوقت 100الف كيلو ومفيش اي حاجه
اهم حاجه غير زيت الفتيس ف مواعيده
ومبروك ع العربيه الجديده

**samoreception** · 20-04-2014 07:45 PM

حضرتك الكلام اللى المكانيكى قالهولك ده غلط طبعااااااا والفتيس ده بالنسبة للمصايب اللى بنسمعها فى انواع عربيات تانية حلو جدا بس اهم حاجة الصيانة كل 60 الف زيه زى اى فتيس
والرشاش اكيد هيكون سعره ارخص استيراد وممكن تجيبه من عند مجدى البيومى فى الحرفيين
واستمتع بعربيتك يا باشا وربنا يباركلك فيها لانها عربية تحفة

**amfms** · 21-04-2014 02:55 AM

شكرا جدا على ردكم واهتمامكم بس ليا سؤال صيانه الستين الف دي غيار زيت فتيس والمصفه؟ وبالنسبه للزيت هي كام لتر وبكام اللتر واخر سؤال عايز ميكانيكي موثوق فيه خاص بالجيتا يكون بيفهم ويشتغل بايده اصل معظمهم دلوقتي عاملين بهوات وشكر جدا واسف على اﻻطاله

**hossamalsadik** · 22-04-2014 02:40 AM

الزيت نوعه فيبى الفتيس بياخد 4لتر سعر اللتر 120ج وفيه ب 200ج
وفيه زيوت وولفر عن تجربه زيوتهم ممتازه
بالنسبه للصيانه الموضوع المثبت فيه اماكن الورش الى الاعضاء اتعمله معاهم وكان فيه رضاء عن مستوى الخدمه
http://www.nilemotors.net/Nile/365867-a.html