الموضوع: استفسار عن بيجو ٣٠١

المشاركة الأصلية كتبت بواسطة mohamed zaky

بسم الله الرحمن الرحيم
انا استلمت عربيتي البيجو ٣٠١ من اسبوعين و عليز استفسر عن شوية حاجات .
١ - انا بسمع صوت هوا من ناحية الازاز بتاعي وانا ماشي ؟؟
٢- بحس ان العربية بتعوم بعد ال ١٠٠ .هل دا طبيعي في العربية دي؟؟

برجاء الفادة و نصائحكم و جزاكم الله خيرا

1- شيل الإريال و جرب تانى. و شوف إذا كان فى فرق ما بين الباب بتاعك و الباب اللى وراه.

2- لأ مش طبيعى.

انا اصلا مش مركب الاريال

و موضوع العوم ده مش محسسني بامان وانا ماشي ، و مش عارف هل ممكن تكون ضبط زوايا ولا عيب صناعة

مش طبيعى ابدا ان العربية دى تعوم وعلى سرعة تافهة زي سرعة 100
ممكن تحس بقلق عند 150-160 ماشى (ومش عومان برضه يعنى) واحساس ان العربية مش ماسكة اوى في الطريق تبدأ تحسه عند 170-180 غير كدة وﻻ الهوا

انا اول ما جبت العربية واول انطباع عنها انى جبت 130 من غير ما احس مع انى مكنتش ناوى اجري ، ولما جربت الثبات في الاول كذا مرة كنت امشى 120-130 على المحور واشيل ايدى من ع الدركسيون خالص (بحذر طبعا عشان الطوارئ) وما شاء الله العربية ثابتة في مكانها ﻻ بتيجى يمين وﻻ شمال ومكلبشة في الارض والطارة كانت ثابتة تماما


انما تعوم عند 100 ، ﻻ في حاجة غلط ومش دي طبيعة العربية ابدا ، انت ظبطت هوا الكاوتش وﻻ ﻻ؟ وكنت راكب ايه قبلها ؟

صوت الهوا من ناحية الباب بتاعك او السقف والبرابريز من قدام لو بعد سرعة 120-130 كبر دماغك ده طبيعى

لو قبل كدة قوللهم في التوكيل
لو من ناحية السقف او من ضهر العربية الاريال فعلا بيعمل الفرق ، وجربت كذا مرة وكذا حد ركب معايا العربية وقاللى في فرق بالاريال وبدون بس الفرق بيبقى عند سرعة 80-90 حتى الاريال الاصلى ضاع منى للاسف ومن يومين جبت اريال تعبان كدة بـ 15 جنيه بيستقبل كويس الى حد ما يعنى 90% ، وجربت العربية بيه ، وصوت دوامة هوا خفيفة ظهر تانى عند 80-90

ظبط الهوا تمام ، وانا كنت راكب فيرنا يعني المفروض انا اكتر واحد احس بالفرق بس اللي حاسس بيه ان العربية مش ظابطة بس انا هاضبط زوايا و اشوف وربنا يستر