الموضوع: الناس اللى اشترت زيت ليكو مولى كان متبرشم ولالا

جربته كام مره

حسب ما اذكر
الغطاء نفسه بيكون متبرشم
لكن عند فتح الغطاء لا يوجد برشام القصدير حول فتحة العلبه زى الشيل الاصفر


الزيت كان خفيف بالنسبه لعربيتى ال لادا
وكان بيبخر يعنى قبل ال3000 بيكون المقاس قرب جدا على المينى

يا جماعه انا اتأكدت تانى من الجركن معلهوش اى برشام حتى الغطا البلاستك المفروض فيه زى مشرشر تحت كده اللى زى فى ازازه الدواء ده متفكش ده لازق فى الغطا يعنى الجركن ممكن اى حد يفتحه ويحط زيت تمون ويقفله تانى ولا حيبان اى شيئ

وعلى فكره انا شاريه من موزع معتمد وكان عاوز يزود عليا السعر ومش اول مره يعملها ولما قولتله انى عارف ان سعره 140 من الشركه وهما اللى قالولى انه موجود عندك وسعره كده زعل ومكانش عاجبه

كده الناس دى مبقتش مظبوطه
وتاريخ الانتاج مكنتش عارفه وعرفت بعد البحث هنا فى المنتدى انه اخر 4 ارقام فى الكود اللى مطبوع تحت
المفاجأه انى لقيته انتاج 9 -2012 ولما بمسح نقطه زيت عليه عشان اصوره بالموبايل اتمسح بالمنديل !! ده لو مكتوب بقلم فلوماستر مش حيتمسح بالسهوله دى
يعنى الزيت بقاله سنه ونصف متخزن وطبعا جاى من بره فى مراكب ورطوبه وهو مش متبرشم ولا يحزنون ده لو اصلا جاى من بره مش متعبى هنا

الكلام بقى قله ادب واحنا اللى ادناهم الفرصه يعملو فينا كده
يعنى زيت مش متبرشم ومتعبى من سنه ونصف وتاريخ الانتاج اتمسح بالمنديل وكمان بيزودو فى الاسعار بمزاجهم واشتكيت اكتر من مره من الموضوع ده ومفيش اى خطوه ايجابيه وده غير ان كل الناس بتشتكى ان الزيت بيتبخر بسرعه

الزيت ده كده انا حنزله من العربيه لانى معدتش اثق فى الناس دى تانى ودى اخر مره اتعامل معاهم وكل اللى كنت بقولهم على الزيوت والمنتجات بتاعتهم طبعا كده خلاص بح لان ثقتى فيهم بقت مش فى محلها