اية افضل طريقة لقيادة dsg

**medo2811** · 20-04-2014 05:08 PM

كل سنة و انتو طيبين يا جماعة
انا قريتكتير عن الفتيس دة و هو فعلا فتيس جبار بس محتاج طريقة معينة في القيادة عشان الزحمة الي في شوارعنا
انا عارف ان المفروض في الزحمة تنقلو مانيوال بس السؤال بقي هل لما تبقي علي D والطريق فجاة يفل تنقل مانيوال علي طول و لا تجيب n الاول و لازم تكون دايس فرامل و لا لا
كمان و انت علي المانيوال تحرق علي الغيار و لا اول ما السهم ينورلك في التابلوة انك تنقل من الاول للتاني مثلا تنقل علي طول
اخر حاجة بتحس ان العربية في الاول تقيلة سنة هل تدوس بنزين ولا تسبها براحتها و خاصة في المطبات و انت طالع و بعد متعدي المطب علي طول

**برنس الليالي** · 20-04-2014 06:27 PM

سؤال اضافي بقى
هي اي عربية dsg بينقل مانيوال زي فتيس الفيكترا كدا؟

**medo2811** · 20-04-2014 09:30 PM

اية يا جماعة محدش يعرف يجاوبنا ويبقالو الشكر

**amr salah eldin** · 20-04-2014 10:08 PM

في الباسات ونظرا لوجود الشيفتات فيمكن تحويل القيادة من ال d للمانيوال عن طريق الضغط علي الشيفتات و دي حاجة تسهل عملية القيادة في الزحمة دون اللجوء لتحريك عصا الفيتيس من ال d الي +, - .

**inspiron** · 21-04-2014 12:46 AM

أفضل طريقة للتعامل مع DSG وإطالة عمره الإفتراضي..

1- في الطرق المفتوحة تكون علي وضع الأوتوماتيك العادي جداً مفيش مشكلة..

2- في الطرق الزحمة المتوسطة تكون علي الـ D زي ما انت بس حضرتك اللي تتحكم في زمن النقلة وده فقط في الباسات عن طريق الـ Shift paddles في الدريكسيون بدون الحاجة لتحريك عصا الفتيس..

3- في الطرق الشديدة الزحام تنقل عصا الفتيس للستيبترونيك وتبدأ تتعامل مع العربية كأنها منوال بالظبط يعني تطلع أولاني ومتنقلش التاني خالص غير لما الطريق يفتح..وتعاملك مع الفتيس هيقتصر فقط ساعتها علي الـ + لأنها تلقائياً هتنزل للنقلة المناسبة لسرعة العربية دون الحاجة لإستخدام الـ - ..

* المهم انك في الزحام الشديد لازم تقلبها منوال..لأن مش كفاية تخليها أوتوماتيك زي ما هي وتستخدم الـ shift paddles لأن ده مينفعش في الزحمة عشان هتلاقيها كل شوية بترجع للأوتوماتيك لوحدها.

عملية تحريك العصاية من الـ D للتيبترونيك تتم دون الحاجة للضغط علي الفرامل عادي.

بالنسبة لسؤال حضرتك هل هي زي الأوبل..لا..الـ DSG لما تحوله منوال بيبقي عامل بالظبط زي فتيس الـ BMW اللي هو SMG في الـ m3 والـ m5 مع طبعاً إختلاف الـ Features الجبارة في الـ SMG
لكن اللي أقصده إن الـ DSG بيفرعن العربية بجد ( بيخلي الباسات بوزنها بتفرك أولاني وتاني وساعات تالت )

**inspiron** · 21-04-2014 01:20 AM

المشاركة الأصلية كتبت بواسطة medo2811

متشكر جدا علي ردك ياباشا بس عندي استفسار
1-اول متطلع بالعربية يستحسن تكون مانيوال عشان انت بتكون ماشي باراحة اوي و الفتيس بيجيب التاني لو علي D
- بالظبط كده.
2-لما الدنيا تكون زحمة اوي و كل شوية تقف هل الفتيس ميتعبش انو كل دة علي الاولاني
- لو الوقفة طولت هاتها علي الـ n عشان متحملش علي الفتيس..ومتقلقش الفتيس مش هيتعب ولا حاجة.
3-لما تكون العربية مانيوال هل تنقل اول مايجي سهم 1-2 ولا تستنا
- مش شرط لو حابب تستني وتحرق علي الغيار مفيش مشكلة ده حسب ما انت عايز.

4-في المطبات هل تجيب مانيوال بردو احسن عشان لو علي الd العربية هتعدي بردو علي ال2
بالظبط كده