الموضوع: شوية مشاكل في العربيه

المشاركة الأصلية كتبت بواسطة حسام همام

السلام عليكم ورحمة الله وبركاته

وعليكم السلام ورحمة الله وبركاته

عاملين ايه ياشباب واحشني والله بقالي كتير مجيتش هنا نظرا لظروف الشغل بس ربنا المستعان
في كام مشكلة كده صغيلرين همه بس معكرين دمي قولت اخود رأي اخواتي الكبار

احنا الحمد الله ماشية بس كنا محتاجين مشاركتك معانا من زماااااااان**
1-بقالي كام يوم ملاحظ ان العربيه تحتيها اربع خمس نقط زيت بعد مابخرج بيها
نزلت تحت العربيه واللي شوفتو تقريبا هوة اخر حاجه بينزل عليها الزيت بعدين ينقط هوة قاعدة الموتور
فانا مش عارف الزيت ده من ايه بالظبط وللا ايه مصدرو
كشفت علي مقياس الزيت لقيتو معقول مش بطال ولكن المقيس خفيف وسايب ولما بطلعو الفتحة بتاعتو بتطرطش زيت !!! بس برضو حواليه مش مزيت التزييت اللي يخليه ينقط ومكانو مش المكان اللي يودي الزيت علي قاعدة الموتور

مشكلة الزيت اسبابة عديدة ومن كلامك فهمت ان ماسورة مقياس الزيت سايبه ودا خطر شديد وانتا حتعملها بنفسك شد الماسورة وخرجها من البلوكة وهات المعجون الامبوبتين ونظف مكانة وركبه**

وممكن تتبع تسرب الزيت من تحت الطنبورة يبقى ايلسة كرنك ودا بسيطة جدا برضو بس اعتقد مش حتعرف تعملها بنفسك!!!!

افحص حيز كارتيرة الزيت ممكن تكون المسامير 10 اللى بتربط الكارتيرة مهوية شوية عادة ما يحدث التسريب لهذا السبب**

وعلى العموم ممكن تغسل العربية من تحت فى مغسلة بالجاز علشان نعرف بالظبط مكان التسريب**
2-تاني مشكله اني ملاحظ ان سعات لمبة البطاريه بتنور لوحدها وانا ماشي المس بنزين تطفي
ولو ملحقتهاش تحصلها لمبة الزيت والعربيه تبطل
وسعات لما بتبطل مع انها سخنة مابتدورش علي طول

العربية عندك واطية وانا حقولك على شوية حاجات تجربها الأول:

بدل وصلات البوجيهات اللى فى الوسط ودور خلى العربية تعطس وتضرب مدافع وبعدها رجع الوضع تانى لو ظبطط يبقى الكاربرتير عاوز تنضيف وانا عامل درس ممكن تشوفة فى سلسلة علم نفسك على فكرة سهلة تعملها بنفسك* وكمان فى الدرس ال14 الشهير فى السلسة لظبط كهربة العربية***
3- تالت مشكلة كنت فمشوار طويل وراجع قولت ازود بنزين عشان العداد عملها معايا قبل كده والعربيه شطبت قبل مايوصل للشرطة الحمرا ودوختني علي ما فهمت ان ده بنزين
المهم روحت للراجل زودت وتمام دورت ومشيت 50 متر وتبطل
20 متر وتبطل
10 متر وتبطل
وبعدين بطلت مارديتش تلقط دوارة تاتي
ربنا كرمني بمكانيكي جمبي فك العمه وقاللي دي ابرة البنزين كانت معلقه
طبعا قولتلو ماشي وانا مش فاهم قصدو ايه بالظبط

عطس العربية زى ما قولت ليك فى ردى السابق يبدو انك وصلت الى قاع التانك وانتقلت الرواسب الى الكاربرتير ياريت تخلى بالك بعد كدا**


4- رابع حاجه والاخيرة انا نفسي اغسل العربيه من تحت ومن الحوض بس طبعا بعد ماحرقتلي مشطين كهربا ب170 الواحد بمجرد غسلت برة بس والميه نقطت جوة
ياريت ياجماعه حد يفيدني عشان الحجات دي رغم تفاهتها الا انها مضيقاني ومش عايز اخود خطوة في اتجاه غلط
ومتشكرين للافاده

اغسلها عادى وحط كيس على الاسبرتير والموبينة والمشط عادى وبعد الغسيل جفف لضمان عدم تسرب مياة الى الكهرباء **