الموضوع: العربية اتحكت من تانى يووم حرااااااام (العين مابترحمش والله ) 301

الحمد لله انها جت ع قد كدة
لو على قد خربوش سهله ممكن بالكمبوند والبلوش يطلع
يارب بس تبقى على قد كدة

لو بسيطة ممكن تعملها انت مش محتاجه فنى او متخصص يعنى
امسك مكان الخربوش كويس
ممكن بقنطة بسبرتو او تنر امسحها كويس وبعدها اغسل بميه متسبش السبرتو او الكحول او التنر علشان مياكلش البوهيه (( هو وظيفته بس شيل اى لون او علامات مكان الخربوش وازاله الاتربه ))
اغسل بميه كويس
هات الكمبوند ووزعه بصباعك على مكان الخربوش وبقطعه قطنه وزع الكمبوند وادعك فى حركه دائرية
بعد ما تتعب امسح الكمبوند بقطنه جديدة نظيفه
ووزع البولش وادعك تانى فى حركه دائرية

علشان يجيب معاك نتيجة كويسة لازم يكون الخربوش سطحى مش غائر او عامل حفره او شق
الحاجةا لاخيرة الى عايز الفت نظرك ليها ان الفنين لما بيعملوها بيعملوا بالصاروخ بس بيشيل الديسك بتاع الصاروخ وبيحط زى قرص من القماش علشان يلمع بيه وبيجيب نتائج كويسة اوى اوى بس له عيب خطير اوى لازم اقولك علية وهو انه بيطفى لمعه الفبريكه فى المنطقة دى


وبعدين مش عايزك تزعل ياصاحبى لو مش مضايق اوى اكتفى بس انك بكموند وبولوش واعمله انت
انا اول لما استلمت الكورولا الجديدة بعدها باسبوع يا مومن واحد بتاع تروسيكل ظبطنى فى الجنب اليمين كدة
بس اعمل اية يعنى ما هو لازم حاجة تاخد العين وكان الخربشة بتاعتى مبينه الصاج وشالت بويه كمان من الاكصدام يعنى اصعب منك بس الحمد لله قضى اخف من قضى


متزعلش نفسك والحمد لله انها جت ع قد كدة
انك هتزعل فى الاول بس وبعد كدة كله هيبقى تمام عيش حياتك واستمتع بالعربية وطلع حاجة لله بس
ومتنساس تدينى لفه ههههههه

قدر الله ما شاء فعل
سيبها شويه علشان العيـــــن