بعد تفكير كتير

**حسن محمود احمد** · 21-04-2014 12:29 PM

بعد تفكير كتير قوي اخذ وقت كبير جدا جدا قررت الغاء فكرة تركيب باور للفليشيا مع ان الموضوع كان علي تكة ويدخل حيز التنفيذ الفعلي ولكن اثناء تغير قاعدة الفتيس وانا نايم تحت السيارة وجدت قطع بالكوتش مع وجود نفخ زي ورم كده بيقال عنه العجلة محبلة وهذا القطع كان مطلع صوت تكتكة وخصوصا عندما اكون ماشي بجوار الحواجز الخرسانية الموجودة علي الجانب الشمال لان القطع كان ناحية السواق وبعد تغير الكوتش لاحظت ان الدركسيون اصبح خفيف جدا والدردرة والخبط الذي كان موجود بالطارة راح مع اني كنت فاكر الخبط والرزع الذي كان في الدركسيون بسبب الاسكترا لانها فعلا رايحة في داهية المهم في الاخر قررت ان شتري اسكترا استيراد وان شاء الله بافكر اقوم بتركيبها بنفسي فارجوا الافادة في هذا الموضوع وشكرا مقدما

**المنسي** · 21-04-2014 02:31 PM

موضوع الكاوتش فيه كتير من الناس مش بتبقي واخدة بالها انه سبب مشاكل فالعربية زي مثلا يقوللك العربية بتحدف مني والناس تقول ده ظبط زوايا ويطلع السبب فردة كاوتش متاكلة وعمرهاالافتراضي انتهي وبالنسبة لعلبة الدريكسيون الاستيراد انت هتاخدها علي التجربة ولو العلبة عندك ينفع يتعمل لها حشو هيكون افضل وبالنسبة للفك حضرتك هترفع العربية من االناحيتين وهتفك فردتين الكاوتش وبعدين هتفك البيض بتاع البارة من الناحيتين وبعدين من جوة تحت كرسي السواق تحت خالص هتلاقي مسمار ١٣ رابط علي المشرشر هتفكه وتروح لحوض العربية وهتلاقي مسامير رابطة علي العلبة هتفكها وبكده العلبة هتكون اتفكت وسهل تطلعها والتركيب عكس الفك واهم حاجة انك تظبط زوايا بعد التركيب وبالتوفيق

**sakr_skoda** · 21-04-2014 03:11 PM

الحاجة الوحيدة اللى باخد لوتيرن وابعد عنها **

لاكن انتا يابو على كدها وانشاء الله حتغيرها بنفسك وحنشوف تقرير مصور هنا نتعلم منه كلنا زى تغيير جلد قاعدة الفتيس انما اللى اقدر اقولهولك هات اسكترا استيراد وعلى تجربة وخلى بالك الاسكترا دى من اهم اساسيات العربية لأنها بك بساطه هى اللى بتتحكم فى توجيه السيارة فياريت تخلى بالك وانتا بتغيرها والله يعينك **

**aw2100** · 21-04-2014 10:01 PM

مبروك على الكاوتش الجديد
نوع الكاوتش ايه وبكام ومقاس كام ؟؟؟

**المنسي** · 22-04-2014 12:58 AM

المشاركة الأصلية كتبت بواسطة حسن محمود احمد

انا متشكر جدا علي التفاعل وهو ده الذي ارجوه عند عمل اي موضوع جديد وانا يبسطني جدا المساهمات وليس الدخول وقراءة الموضوع فقط والانسحاب وانا باشكركم انتم الثلاثة لانني لسة داخل المنزل الحين راجع انا وافراد الاسرة من المنتزة والحمد لله كان يوم جميل جدا رغم الزحام الشديد اثناء الدخول والخروج من قصر المنتزة وبالنسبة لسؤال الاخ وليد الكوتش لسة ح اشترية بعد ظبت الاسكترا والسيارة عموما ولي عدل العربية شوية فردة الاستبن وحسيت بفرق شاسع وكان المتهم الاول في هذا الموضوع الاسكترا

بالتوفيق ان شاء الله في شراء الكاوتش الجديد واهم حاجة تاخد بالك منها تاريخ الانتاج وطبعا يكون نوع كاوتش كويس واجازة سعيدة ليك وللاسرة

**sakr_skoda** · 24-04-2014 09:23 PM

المشاركة الأصلية كتبت بواسطة حسن محمود احمد

بالنسبة للاسكترا انا عملت لها حشو من قبل والعفشجي قالي طلما انك عملت لها حشو قبل كده فمن الافضل شراء اسكترا غيرها ثانيا هل اثناء التركيب يجب فك المسمارين علي الاجناب بتوع القنطرة حتي يسهل خروج ودخول الاسكترا

والله انا لو فاهم سؤالك او عندى معلومة انتا عارف مستحيل اتاخر عن اى عضو هنا ** فلو حابب انى افك السكترا بتاعت فيفورتى واعملك درس متاخرش عنك**

-

-

-

الموضوع: بعد تفكير كتير

LinkBack

أدوات الموضوع

عرض

بعد تفكير كتير - انشر الموضوع فى :

-

-

-

-

-

المواضيع المتشابهه

و بعد تفكير عميق كان القرار..

تفكير شياطين

بعد تفكير ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة