عطل غريب

**ahmad_salama** · 21-04-2014 03:37 PM

اولا كل سنه وكل الناس طيبه

العربيه نوبيرا 1 97 استيراد الخارج ماشيه 300,000

امبارح وانا ماشي اكلت مطب صغير كده من الي بيكونو ع الطريق بيتاكلو عادي كده زيهم زي فواصل الكباري. لقيت العربية نتشت للحظه كده كانها هتبطل وفي نفس الوقت لمبه السيرفيس نورت وطفت علي طول وفي نفس الوقت النتشه راحت... كملت طريقي وحصلت نفس الحكايه امبارح مع فاصل علي الدائري وانهارده وانا نفس الكلام مع مطب صغير

انا عارف ان لمبه تشك معناها سكان بس انا عاوز اعرف ايه الاحتمالات لغايه ما اعمل الاسكان.

انا شاكك في ان حساس الكرنك ممكن تكون الفيشه بتاعته بتتهز مع المطب ف بتعمل كده لاني اظن انه الوحيد الي يخلي العربيه تبطل. بس يا ريت الناس تقولي مكانة فين بالظبط وياريت لو في صورة يبقي 100 %

**elpasha1** · 21-04-2014 03:48 PM

اربط البطارية كويس وشيك علي الاوطيش

**laion79** · 21-04-2014 09:18 PM

المشاركة الأصلية كتبت بواسطة ahmad_salama

اولا كل سنه وكل الناس طيبه

العربيه نوبيرا 1 97 استيراد الخارج ماشيه 300,000

امبارح وانا ماشي اكلت مطب صغير كده من الي بيكونو ع الطريق بيتاكلو عادي كده زيهم زي فواصل الكباري. لقيت العربية نتشت للحظه كده كانها هتبطل وفي نفس الوقت لمبه السيرفيس نورت وطفت علي طول وفي نفس الوقت النتشه راحت... كملت طريقي وحصلت نفس الحكايه امبارح مع فاصل علي الدائري وانهارده وانا نفس الكلام مع مطب صغير

انا عارف ان لمبه تشك معناها سكان بس انا عاوز اعرف ايه الاحتمالات لغايه ما اعمل الاسكان.

انا شاكك في ان حساس الكرنك ممكن تكون الفيشه بتاعته بتتهز مع المطب ف بتعمل كده لاني اظن انه الوحيد الي يخلي العربيه تبطل. بس يا ريت الناس تقولي مكانة فين بالظبط وياريت لو في صورة يبقي 100 %

انا كان عندى نفس العطل طلع من حساس ال MAF تعريفه : اختصار لكلمة Mass air flow sensor يعني حساس تدفق الهواء مكانه : خلف فلتر الهواء مباشره خلعت الفيشه وركبتها كويس اشتغل وراح التشك انجن

كنت هرفعلك صوره بس المنتدى مش قابل

**tarek_2005** · 22-04-2014 09:43 AM

مطب ثم عطل كهرباء = 90% فيشة او سلك مش مظبوطه راجع ضفيرة الحوض كويس قبل اي شيئ لانها تظهر علي الاسكانر حساس مفقود وهوا سليم وممكن تلاقيها مسجلة اكثر من عطل ظبط ضفيرتك الاول وشوف اخر شغل عملته في الحوض كان في انهي منطقة وركز علي السلوك والفيشة في هذه المنطقة

**ahmad_salama** · 22-04-2014 10:02 AM

المشاركة الأصلية كتبت بواسطة tarek_2005

مطب ثم عطل كهرباء = 90% فيشة او سلك مش مظبوطه راجع ضفيرة الحوض كويس قبل اي شيئ لانها تظهر علي الاسكانر حساس مفقود وهوا سليم وممكن تلاقيها مسجلة اكثر من عطل ظبط ضفيرتك الاول وشوف اخر شغل عملته في الحوض كان في انهي منطقة وركز علي السلوك والفيشة في هذه المنطقة

اخر حاجه كنت بعملها تغير اويل سيل الاسكترا الوسطاني الي ورا الفتيس في رايك ابص علي ايه بالظبط في المكان ده ؟؟