الموضوع: محتاج رأيكم شباب .. مشكلتين علي السريع كده ..

مساء الخير شباب ..
كل سنه وانتو طيبين وبألف خير ..

عندي مشكلتين في العربيه محتاج رأيكم و مساعدتكم فيهم ..

عربيتي لانوس 1 موديل 99 اوتوماتيك المدفع الكبير ..

المشكله الأولي .. من اسبوعين كده وانا رايح الشغل الصبح
وانا علي الدائري لقيت العربيه ما بتنقلش خالص .. مهما زودت بنزيت الـ RPM بيعلي وخلاص
مفيش نقل من الاول للتاني او من التاني للثالث .. العربيه اخرها 50 كليو وشكرا علي كده ..
يومها حطيت انا التوبيك ده في المنتدي

http://www.nilemotors.net/Nile/414126-a.html

والشباب جزاها الله خير نصحتني اني انضف فيشه عداد السرعه اللي في صدر العربيه .. نضفتها فعلا والعربيه ابتدت تنقل عادي خالص ..

امبارح العربيه عملت نفس الموقف .. مفيش نقل ومفيش سرعات .. اول وتاني وخلاص علي كده .. نضفت الفيشه من جديد ..
والعربيه اتظبطت ونقلت عادي خالص ..

الجديد بقي .. انها دلوقتي لما تييجي تنقل من الاول للتاني بحس بـ ( رزعه ) أو ( نتشه ) في العربيه ..
مش عارف سببها .. رزعه محسوسه اوي بتحصل في النقل بين الاول و الثاني
او من الثاني للثالث ..

ده عيب فتيس .. ولا نقص زيت فتيس .. ولا العربيه محتاجه تربيط قواعد فتيس ؟


والمشكله التانيه .. اني اول لما ادور العربيه الـRPM بيعلي
بطريقه مبالغ فيها اوي .. بيبقي داخل علي رقم 3 وصوت الموتور
بيكون عالي جدا .. بمجرد ما تدور بيحصل كده ..
وبعدها بتهدأ والـ RPM بينزل

افيدونا .. أفادكم الله ..