الموضوع: محتاج نصيحة مالكى الصنى

الصنى عموما ضيقه من ورا مش زى اللانسر خالص فى الوسع العربيه فيها فئتين ال ex دى فيها ايرباج واحد ومفيهاش abs وفى السوبر صالون وفيها 2 ايرباج وabs على ما اتذكر

العربيه ثابته وصاجها كويسه واعطالها قليله لكن ضيقه فى الكنبه وفى ناس بتقول استهلاك البنزين عالى شويه

انا معايا صنى 2008 مانيوال منذ 8 اشهر وهذه بعض ملاحطاتى عليها وانقلها لك بامانة :-

1 - العربية فعلا ضيقة ما بين الكرسين الامامين والكنبة ولكن عرض الكنبة معقول .
2- العفشة بتاعتها ناشفة الى حدا ما وخصوصا الشنطة لو اخدت بيها مطب بسرعة تحس ان الشنطة بتهبد .
3- العربية حمالة قسية بجد يعنى انا عندى شغل فى العفشة ومش فاضى اعمله والعربية مشتكتش بفضل الله .
4- استهلاكها عالى الى حدا ما فى الوقود .
5- الموديل 2008 بـ 4 سماعات عكس الموديلات الحديثة منها سمعت ان فيها 2 سماعة فى الباب الامامى .
6- سحبها حلو ولو عاوز تشد بيها مش حتقولك لا .
7 - قطع الغيار اسعارها شبه معقولة ومتوفرة منها الجديد والاستيراد .
8- العربيها بها واحد اير باج للسائق ولا يوجد abs انا عندى الفرامل تمام وفرامل الطوارىء ممتازة .

اتمنى ان اكون وصلتلك معلومة تفيدك ولو فى اى استفسار انا تحت امرك .

اشكرك جدا يا استاذ احمد معلومات مفيدة طبعا لانى معرفش حاجة عن العربية دى غير انها تقفيل مصرى واستهلاك البنزين عالى وانا عاوز عربية تفضل معايا شويه مش هبيعها قريب يعنى علشان كدة بقارن بينها وبين لانسر بومة وان كانت اللانسر هى الارجح

انا تحت امرك يا باشا

انا تراجعت عن الصنى وقررت ان شاء الله اجيب بومة 2008 مانيوال 1600