بنزينة شل -ماستر الصحراوي

**ehabahmedie** · 21-04-2014 10:27 PM

السلام عليكم

في حاجة كده شكيت فيها كام مرة وحبيت أقوللكم عليها للتأكد:

اللي بيحصل اني باكتب تفويلة البنزين والعداد في كل مرة بفول وبخلي الورق ده معايا لفترة عشان لو حصل حاجة ابقى عارف المشكلة من أي بنزينة، ومع الوقت بقيت عارف كل تفويلة ممكن تعمل كام

المشكلة ايه بقى؟
بنزينة شل اللي على القاهرة اسكندرية الصحراوي في رست ماستر (منتصف الطريق تقريبا وانت رايح اسكندرية) كل مافول منها الاقي الحسابات اتلخبطت، وبلاقي نفسي دفعت أكتر من المتوقع، والموضوع حصل أكتر من مرة عشان كده قلت أسأل عشان لو حد عنده نفس الموضوع يقوللي

على فكرة أنا بفول من كل شركات البنزين ومحدش بيخلف معايا في دي بالذات

**elpasha1** · 21-04-2014 10:35 PM

شكرا علي التحذير

**rompo10** · 21-04-2014 10:38 PM

انا ساكن قريب منها ماتمونش منها تاني الا في وقت زنقه لانها مخرفه وحرميه

**ehabahmedie** · 21-04-2014 10:43 PM

حد تاني جرب ولقي نفس المشكلة؟؟؟؟كده الموضوع بقى رسمي

**Elkordy2000** · 21-04-2014 10:49 PM

انا بصراحه عندي اعتقاد اقرب الي اليقين ان اي بنزينه علي طريق سريع مشكوك فيها جدا علشان كده دائما وابدا بحب افول قبل ما اطلع السفر من مكان انا عرفه وبفول منه دائما , ولما اوصل المكان اللي انا مسافر اليه ممكن ابقي افول من هناك من داخل المدينه مش من علي الطريق , ولو اتزنقت اوي علي الطريق , ممكن امون 20 لتر ولا حاجه لغاية ما أوصل بالسلامه , بصراحه معظم البنزينات اللي علي الطريق نصابه

**ahmedamgad18** · 22-04-2014 12:07 AM

الموضوع حصل معانا فى شهر 11 اللى فات من نفس البنزينة كنا راجعين بعربية الشغل من القاهرة ودخلنا المحطة ديه ؛ و فى اقل 10 ثوان ببص على الطلمبة لقيته مكتوب فوق 20 لتر قلت فى بالى ايه المسدس الرهيب واذاى حتى العربية مشرقتش ؛ دفعنا المبلغ المطلوب وبعد لما مشينا السواق اكتشف ان امبير البيزين مطلعش فى المكان اللى يناسب مع اللى دفعه هو السواق طبعا حافظ العربية قالى الواد بتاع البنزينة سرقنى وانا استرجعت طبعا عداد الطلمبة ؛ والواد اللى ماسك البنزينة صمم ان ندخل على طلمبة معينة مع ان باقى الطلمبات كانت فاضية ؛ الله اعلم يمكن مظبطين طلمبة معينة على عداد تموين يعنى مش مصفرنها موقفنها على رقم معين ..... وده تخذير للجميع

**old fox** · 22-04-2014 12:17 AM

شكرا على التحذير

**احمد المصرى** · 22-04-2014 09:33 AM

انا شخصيا مش برتاح لاى بنزينه على الطريق السريع

**ehabahmedie** · 22-04-2014 10:21 AM

المشاركة الأصلية كتبت بواسطة ehabahmedie

أنا بصراحة جربت أكتر من بنزينة ع الصحراوي (امارات مصر وأويليبيا وكالتكس، ماعدا مصر والتعاون) ومش حاسس بمشكلة غير في دي بالذات وفكرت أقدم شكوى فيهم بس كنت عايز أتأكد

كده أنا هبعت لتوتال وهبقى أقوللكم ع الرد

وطالما الموضوع بقى مؤكد يبقى ياريت اللي يعرف حد يقولله

الموضوع: بنزينة شل -ماستر الصحراوي

LinkBack

أدوات الموضوع

عرض

-

-

-

المواضيع المتشابهه

احسن بنزينة..

هو في بنزينة كار جاس في 6 اكتوبر؟

بنزينة taqa

بنزينة أو كار كير كويس

بنزينة شل الهرم

الكلمات الدلالية لهذا الموضوع

المفضلات

المفضلات

ضوابط المشاركة