ايه اخبار تيدا 2014

**hotmail** · 22-04-2014 01:51 AM

يا جماعة ناوي اشتري تيدا 2014 وشفتها في احدى المعارض هي في الحقيقة عربية رائعة اع تقد انها امكانيات بلاد حدود بس خايف لاني عندي صني 98 عربية ممتازة لكن التوكيل ليس على المستوى المطلوب
فنفسي يكون حد اشتريها ويبعت تقرير مفصل بالصور و مستوى السيارة وماهو نافل الحركة الجديد xtronic
وشكرا

**mac os** · 22-04-2014 03:46 AM

توكيل نيسان ليس على المستوى ؟! لو اتعاملت مع توكيل غبور ومنصور وعز العرب وتوكيل بيجو وداموند متورز هتحمد ربنا انك بتتعامل مع توكيل نيسان

**hotmail** · 22-04-2014 04:51 AM

يعني تنصحني بالشراء ولا استنى لغاية لما اشوف العربية عاملة ايه في السوق
شكرا على الرد

**mac os** · 22-04-2014 11:34 AM

التيدا بصراحه كتير عليها 165 الف بالسعر ده تجيب فلوانس افضل او لانسر شارك برده افضل

**amr011111** · 22-04-2014 11:49 AM

هى منتشرتش لسعرها الغالى
بس ده المتوقع لان الالنترا شوف اول لما نزلت كانت بكام وبعدين بقت بكام
زى الريو كانت نازله اعلى فئه سيدان ب 123 ألف جنيه
دلوقتى اعلى فئه سيدان ب 145 ألف جنيه

**hotmail** · 22-04-2014 11:08 PM

يعني قصدك ان سعرها هيزيد الفترة القادمة دا نتيجة ارتفاع سعر الدولار بالنسبة للعربيات كلها ومش التيدا بس بعدين حضرتك قولت ان توكيل نيسان ارحم من توكيل ميتسوبيشي (دايموند ) معنى كده انها افضل من اللانسر تاني حاجة اعتقد لو شفت العربية عتغير رأيك فيها العربية اتغيرت تماما عن الموديل اللي قبليها

**NaderNabil** · 22-04-2014 11:15 PM

انا شايف سعرها مناسب دلوقتي بالذات بعد ما الياريس الهاتشباك الهايلاين بقت ١٦٦ مثلا

**hotmail** · 22-04-2014 11:21 PM

'طيب بالنسبة للفتيس الجديد (xtronic) ايه هوا وهل فيه مشاكل والفرق بينه وبين فتيس steptronic

**BlackEagle1985** · 23-04-2014 05:39 PM

انا شفت التيدا من 3 اسابيع عند سمير ريان
بامانة حسيت انها عربية تحفة و التقفيل ممتاااااااااااااااااااااا ااااااااااااااز
لو كان معايا فعلا كنت هاجبها

**saint2011** · 24-04-2014 01:41 AM

أيها الصديق العزيز التيدا عربية أكثر من ممتازة كتقفيل وخامات وتقريبا تقدر تقول عربية بلا عيوب او مشاكل وتوكيل نيسان يعتبر من أحسن التوكيلات فى مصر بالمقارنة بباقى التوكيلات ولكن يعيب التيدا سعرها المبالغ فيها عشان موديل 2013 كان سعرة 136000جنية فلما يجى موديل 2014 يقفز لسعر 165000جنية يبقى ده أسمه جنان رسمى عشان كده دخلت فى مواجهة سعرية مع الفلوانس e3 أللى سعرها 169000 جنية ومليانة أوبشنز وفخامة وقول للصبح وبعدين الناس بتقولك الياريس الهاى لين سعرها 165000جنية فعادى يعنى لما التيدا تكون بنفس السعر أرد عليه وأقولة هو فيه حد بيشوف اليارس ماشية أصلا فى الشارع ويبقى قرارك أيها الصديق