ايه رأيكم في النيو صني ؟

**diabianfigo** · 22-04-2014 04:18 AM

السلام عليكم يا رجالة....ان شاء الله ناوي اجيب عربية اوتو جديدة قسط و هتكون اول عرببة ليا فانا طالب رأيكم بكل مصداقية و أمانة ....أنا سمعت ان كلها عيوب و فراملها ضايعة و ثبات وحش....الكلام ده صح ؟

**Mahmoud/Nabil** · 22-04-2014 04:21 AM

حضرتك احتيجاتك ايه .... شب ولا عيله و كام واحد هيركب محتاجها عاليا واسعه سيدان ولا هاتشباك ... حدد الاحتياج بس انا عن نفسي الشكل الجديد لو انا لا مليان عيوب

**Hmatchy** · 22-04-2014 05:53 AM

بص العربيه مشكلتها صاجها خفيف جدا يعنى اى تريحه حته هتزعلك

**edodahab** · 22-04-2014 12:12 PM

برغم العيوب بس هى افضل عربية فى الفئة السعرية دى
لو تقدر تزود هات حاجه احسن

**diabianfigo** · 22-04-2014 08:36 PM

شكرا ليكو...بس انا هجيب قسط و الفرق بينها و بين حاجة اعلي هيعلي جامد اوي القسط.....و انا شاب اه لسه بشق طريقي و شغلي في التجمع و ساكن في مصر الجديدة فا العربية دي هتستحمل وﻻ ...ثابتة وﻻ فراملها جامدة وﻻ الحاجات دي...و جزاكم الله خير

**edodahab** · 22-04-2014 08:53 PM

الصنى الجديده عربية ظريفه و.ممتعة فى القياده
بالنسبة للفرامل هى ممتازه بس هتحتاج تغير التيل تقريبا كل 10-15 الف و هتسمع صفاره تونسك شوية
الثبات لغاية 140 كويس جدا اكتر من كده العربية بتخف خاصة لو فيه رياح
انا لو منك افكر فى الشكل القديم هو اعتمادى اكتر و صاجه اقوى و ثباته احسن و خامات التيل بتاعته احسن و التسارع افضل خاصة انك شاب و مش محتاج الوسع بتاع الجديده

**diabianfigo** · 23-04-2014 04:38 PM

شكرا ليك يا باشا

**diabianfigo** · 23-04-2014 04:40 PM

يا د/ابراهيم اجيب ايه اعبي ؟ :s

**ibrahimsaad** · 23-04-2014 06:49 PM

بص انا معايا النيو صنى 2014 بصراحه حتى الان عامل 2300 ك ومفيش اى مشاكل معايا
سحب واستجابه ممتاز
ثبات ممتاز بس انا مش بتاع جرى اخرى 120
ناعمه وعفشه حلوه
واسعه جدا بتاعه عيله

لكن اهم عيوبها صاجها ضعيف مقارنه بالقديمه
اضف لذلك مشكله خامه التيل مش كويسه رغم انها لسه ماعملتهاش معايا
لكن حتى لو عملتها فاعتقد انها مشكله مش بتمس اساس العربيه لانها من المستهلكات واكيد التوكيل هيوصل لحل ويغير الخامه ان عاجلا او اجلا

فانت صلى استخاره بينها وبين الشكل القديم

وانا لو مكانك اجيب الشكل القديم واريح دماغى انا كنت حاجزها بس اللى خلانى اغير راى انها بدون فرامل abs بس فراملها كويسه جدا وبدون اموبلايزر ومانع السرقه غير كده كنت جبتها