استفسار ضرورى من اهل الخبرة عن بولو 1998

**elnady_1987** · 22-04-2014 10:28 AM

انا لسة جايب العربية جديدة وهية كويسة بس فاضية خالص لا تكيف ولا باور ولا اى حاجة فهل ممكن اركب الحاجات دى ولا اريح دماغى واروح اجيب نص 1400 كامل بتكيفة وبوره ومكنته واسقطه ولو عملت كدا الدنيا هتظبط ولا العربية هتبوظ وهيبق فى حدود كام وهل فى اتوماتيك ولا لا علما بانى عندى شوية شغل فى العفشة بس المكنة ممتازة برجاء الافادة وشكرا معلش طولت عليكو

**elnady_1987** · 22-04-2014 10:46 AM

معلش سؤال كمان هوة انا ممكن اركب تكيف وباور بس مع العلم ان انا معنديش مروحة تكيف فى العربية ولو ممكن كل حاجة هتتكلف كام لوحدها

**qwezo** · 23-04-2014 09:13 PM

حضرتك ممكن تركب كل حاجة ف العربية انت عوزها سواء تكييف او باور
بس انا لما كنت سالت قالولى التكييف هيهبط العربية جامد
و الباور قالولى هيبقى خطر ع الطريق و السرعات العالية و الله اعلم
انا من راى بلاش تلعب ف العربية لاما تبيع و تجيب ال انت عاوزة او ترضى بالامر الواقع
انا معايا بولو 97 و فاضية برضة و رضيت بالامر الواقع :)

**عبدالرحمن-جبر** · 24-04-2014 07:05 PM

لو مستعد تدفع صح و تعمل حاجة نضيفة هات نص بولو 1600 aee و خد اللى انت عايزه تكييف بور تابلوه عفشة موتور فتيس ضفيرة

**moumen_shafik** · 24-04-2014 10:26 PM

فعلا نصف هيبقى افضل
حاول تدور على نصف كويس وال 1400 حلو جدا وسحبها عالى بالنسبه للبولو
مبروك مقدما

**mo7amedrady** · 25-04-2014 02:41 PM

مبروك مقدما
بس انا شايف انك مش مقتنع بيها فمكنتش تجيبها انا كنت راكب بولو 99 تكيف وباور وسنتر وكانت علي الطريق ثابته وماسكه نفسها بس عيبها التكيف بيهبط العربيه

**elnady_1987** · 27-04-2014 09:37 AM

شكرا يا جماعة على الردود بس انا فعلا جبتها خلاص وانا مقتنع بيها جدا بس انتو عارفين ان التكيف بقا حاجة مهمة انا قررت اركب باور بس واسيبها زى ما هية بس سؤال اخير حاجتها فى بور سعيد ارخص ولا مش مستهلة المشوار

**SYD** · 29-04-2014 02:33 AM

الف مبروك العربية

احب اقولك انا كان عندي المحرك ال1.0 وعليه باور وتكييف
التكييف بيخنق المحرك سنة - بس مش اوي - ممكن بس في الطلعة بتحتاج تزود حاجة بسيطة - والتسارع بيقل شوية
لكن في حالة انك ماشي طوالي علي طريق مش بتحس بأي حاجة
لكن هيخنقك شوية في الزحمة لسببين - اولا في الطلعة - ثانياً التكييف الفولكس مش جبار وبالتالي هتحس بحرارة وكأن التكييف مش شغال

اما عن الباور فمالوش اي علاقة بثبات او خلافه
الباور عندنا ميكانيكال وليس كهرباء وبالتالي مفيش منه اي خوف
غير ان هو بيزن بعد فترة من التشغيل ودة عيب شائع في البولو والجولف والأبيزا

تحياتي