الموضوع: عاوز اشغل شاشة كمبيوتر الرحلات في افيو 2007

بص يا باشا الشاشه دى موجوده فعلا انت تفك التبلوه وتقص الفبره بس
وعلى فكره دا كومبيوتر كامل بيجيب معلومات كتير
1- المدى يعنى البنزين اللى فى التنك يمشيك كام كيلو
2- درجه الحراره خارج السياره
3- معدل السرعه فى اخر رحله كان كام لحد ما انت تصفر العداد
4- مده القياده من اخر مره صفرت فيها العداد
وفيه زرار موجود فى عداد RBM علشان تغير منه بين الوظائف دى بس برضه هيحتاج انك تقص عليه علشان تركبه
مكانه فى نفس الكان بتاع زرار trip اللى فى عداد السرعه بس فى عداد RBM زى ما قلتلك
وفيه فى المنتدى واحد حاطط فيديو وهو بيقص الشاشه ممكن تستعين بيه بس مش قايل اى حاجه عن الزرار
لو عملت حاجه يا ريت تقولنا علشان الناس كلها تستفيد

طيب هل الشاشة دي متوصله وشغالة ولا محتاجه لتوصيلات

ياجماعه انا لسة طالع من تحت دلوقتي والعملية تمت بنجاح الموضوع كله مفهوش غير انك تقص البلاستيك السودا اللي في التابلوة هيبانلك الشاشة كلها مش اكتر وناس تشتغلك وتقولك 100 جنية وناس تقولك تغير شاشة ب 20 جنية من النخيلي كل دي اشتغلات