الموضوع: مساعدة من ملاك ال c-elysee فى تقييم العربية

المشاركة الأصلية كتبت بواسطة ahmed.rashed

السلام عليكم.
أنا ناوى أن شاء الله أشترى (c-elysee exclusice (h/l، كان عندى شوية استفسارات من ملاكها و يا ريت حد يساعدنى ضرورى.
1-تيل الفرامل و البوجيهات و الفلاتر بتتغير كل 10,000 فعلا؟

2-التوكيل اخباره أيه فى القدرة على تشخيص الأعطال و فى المواعيد و كمان أسعار الصيانات؟

3-ايه اخبار التكييف فى الحر؟

4-ثبات العربية اخباره أيه؟

5-نتشة الفتيس لسة موجودة؟

6-معدل استهلاك البنزين داخل البلد و على الطريق السريع لكل 100km?

7-ممكن اركب مثبت سرعة و بكام؟

8-فيه اى مشاكل واضحة فى العربية؟

9-تفتكروا العربية حتستحمل 40,000km فى السنة لمدة 5 سنين؟

يا ريت حد يساعدنى لأن الشغل مصمم أنى أشترى العربية ده. و شكرا جزيلا

يا باشا العربيه الحمد لله زي الفل :
1- التيل لسه مغيرتوش عشان 7000 لسه
2- التوكيل مجربتوش في حاجات صعبه بس هوا مستواه عادي زي أي توكيل
3-التكييف ما شاء الله زي الفل
4- الثبات ممتاز
5-النتشه او بمعني اصح احساسك بالنقله بيقل مع تتعودك علي العربيه وفهمك للفتيس
6- متوسط استهلاك البنزين جوا وبره 10 لتر لكل 100 كم
7- ممكن تتصل بالتوكيل تسأله عالموضوع ده
8- لا يوجد مشاكل جوهريه الحمد لله
9- ان شاء الله تستحمل اكتر من كده كمان , ده الكوري بيستحمل

وربنا يباركلك فيها مقدما

المشاركة الأصلية كتبت بواسطة ahmed.rashed

السلام عليكم.
أنا ناوى أن شاء الله أشترى (c-elysee exclusice (h/l، كان عندى شوية استفسارات من ملاكها و يا ريت حد يساعدنى ضرورى.
1-تيل الفرامل و البوجيهات و الفلاتر بتتغير كل 10,000 فعلا؟

2-التوكيل اخباره أيه فى القدرة على تشخيص الأعطال و فى المواعيد و كمان أسعار الصيانات؟

3-ايه اخبار التكييف فى الحر؟

4-ثبات العربية اخباره أيه؟

5-نتشة الفتيس لسة موجودة؟

6-معدل استهلاك البنزين داخل البلد و على الطريق السريع لكل 100km?

7-ممكن اركب مثبت سرعة و بكام؟

8-فيه اى مشاكل واضحة فى العربية؟

9-تفتكروا العربية حتستحمل 40,000km فى السنة لمدة 5 سنين؟

يا ريت حد يساعدنى لأن الشغل مصمم أنى أشترى العربية ده. و شكرا جزيلا

انا معايا العربيه من شهر 12 اللى فات وماشى بيها 21 الف كيلو :d

1- تيل الفرامل بيتغير بس حسب استخدامك واسلوب القياده يعنى انا غيرت التيل والطانبير عند ال 20 الف
وبالنسبه للفلاتر بتتغير كل 10 الاف فعلا

2- بالنسبة للتوكيل انا جربت عز العرب االى على الصحراوى فى صيانه ال 10.000 و التوكيل اللى عندى فى اسكندرية اللى هو السركة الاوروبيه فى صيانه ال 20.000
الاتنين كويسين عادى يعنى لحد دلوقتى


3- التكيف فى الحر بيؤثر على اداء العربيه فى حالة وانا عن نفسى بحس بكده جدا وخصوصا لما العربيه فيها ربع التنك او اقل

4- الثبات احلى حاجه فيها يعنى على 180 بتقدر تتحكم فيها

5- النتشه موجوده عندى وبضايق اووى منها فى الزحمه

6- التنك بيعمل معاك حوالى 450 او 500 كيلو على الطرق السريعه و حوالى 350 جوا المدينه

7- مش عارف

8- مفيش غير النتشه والتكيف وممكن صوت العربيه عالى شويه

9- العربيه تستحمل 100.000 كيلو فى السنه مش 40 الف بس ،، العربيه ما شاء الله جميله
انا طلعت بيها شرم من الاسكندريه والعربيه فضلت شغاله ال 24 ساعه ومفيش اى حاجه

العربيه جميله توكل على اللله

انا بردو محتار جدا وعندي نفس الاسئلة دي وبعد اذن صاحب الموضوع عايز اسأل علي كام حاجة كمان:
10- ارتفاع السيارة مناسب لمطبات مصر العظيمة لو العربية محملة 5 راكب علشان في ناس قالتلي ان البيجو وهي محملة بتحك في كل المطبات واللي اعرفه انهم نفس العربية؟
11- العفشة والفرامل اخبارهم ايه في المطبات والحفر لان انا معظم الشوارع اللي بمشي فيها يوميا مكسرة ومبهدلة ؟
12- هل في قطع غيار نزلت بره التوكيل ... ولو نزلت حد يعرف اسعار ؟
بالنسبة لنتشة الفتيس ... اللي فهمته من المواضيع هنا انها مش مشكلة في الفتيس او السوفت وير ... بس كل الحكاية ان الواحد محتاج يتأقلم مع الفتيس ويفهم طريقته

يا ريت الملاك تتجاوب علشان انا العربية عجباني وحاسس ان عدد قليل اوي اللي اشتراها

المشاركة الأصلية كتبت بواسطة ahmed.rashed

السلام عليكم.
أنا ناوى أن شاء الله أشترى (c-elysee exclusice (h/l، كان عندى شوية استفسارات من ملاكها و يا ريت حد يساعدنى ضرورى.
1-تيل الفرامل و البوجيهات و الفلاتر بتتغير كل 10,000 فعلا؟

انا عامل بالعربية حاليا 9000 كم و لسه معملتش صيانة الـ 10000 كم بس معنديش اى اعراض بتقول ان التيل عايز يتغير او البوجيهات فيها مشكلة لا التيل بيصفر مثلا و لا فى اصوات و بالنسبة للبوجيهات السحب كويس و استهلاك البنزبن كمان كويس

2-التوكيل اخباره أيه فى القدرة على تشخيص الأعطال و فى المواعيد و كمان أسعار الصيانات؟

انا مجربتش التوكيل غير فى صيانة الـ 2500 و مشوفتش حاجة وحشة المكان كويسو المعاملة كويسة و مواعيدهم كويسة بالعكس انا حاسسهم بيحاولو يغيروا فكرة الناس عن التوكيل للاحسن و يحسنوا صورتهم , قابلت هناك مدير ادارة ستروين م/ مصطفى , راجل منتهى الذوق الصراحة و جاوبنى على كل اسئلتى و جه معايا الجزء الخاص بقطع الغيار و سابنى اسال على اللى انا عايزه .. الحكم هيكون ادق على التوكيل فى صيانة الـ 10000 ان شاء الله


3-ايه اخبار التكييف فى الحر؟

تمااام و بيسقع كويس

4-ثبات العربية اخباره أيه؟

لو اخدنا فى اعتبارنا ارتفاع العربية و حجمها هنلافى ان ثباتها مرضى جدا جدا , ممكن تاخد بيها ملفات لحد 160 عاادى و تتحكم فيها بسهولة على سرعة 180 مفيش مشكلة بس تركز شوية فى مطبات الهوا لو هتاخدها على سرعة . رغم ان العربية وزنها خفيف الا انها بتادى اداء كويس فى نقطة الثبات دى

5-نتشة الفتيس لسة موجودة؟

موجودة , انا شايف حضرتك بتقول لسه موجودة ؟؟ هى مش هتختفى عشان اقول انها لسه موجودة عشان ببساطة ده مش عيب فى الفتيس و هيتصلح هو الفتيس تصمييمه كده بالنسبالى بقالها 4 شهور مظهررتش الا نادرا و ده مش لانها اتصلحت لان انا رجلى خدت على الفتيس و بقيت عارف دوسة رجلى عاملة ازاى و اخلى العربية تنقل امتى بتكييف و من غير تكييف

6-معدل استهلاك البنزين داخل البلد و على الطريق السريع لكل 100km?

استهلاك البنزبن اتحسن معايا كتير بعد ما كسرت الـ 4000 كم معدلها من 350 كم لـ 430 كم حاليا حاليا حسب طريقة السواقة و تشغيل التكييف

7-ممكن اركب مثبت سرعة و بكام؟

صراحة مسالتش عليه , اللى اعرفه ان التوكيل لسه مجابوش ( الكلام ده من شهر ) معرفش سعره بس انا شايف التوكيل بيبالغ شوية فى اسعار الكماليات عشان يعوض اسعار قطع الغيار اللى بالنسبة ليه رخيصة

8-فيه اى مشاكل واضحة فى العربية؟

لحد الان لأ الحمد لله بدون اى مشاكل

9-تفتكروا العربية حتستحمل 40,000km فى السنة لمدة 5 سنين؟

أكيد ان شاء الله , خاماتها و قوة تحملها بتقول انها عربية بتاعة شغل


يا ريت حد يساعدنى لأن الشغل مصمم أنى أشترى العربية ده. و شكرا جزيلا

تحياتى واى سؤال تانى انا تحت امرك

المشاركة الأصلية كتبت بواسطة muhammad.salah

انا بردو محتار جدا وعندي نفس الاسئلة دي وبعد اذن صاحب الموضوع عايز اسأل علي كام حاجة كمان:
10- ارتفاع السيارة مناسب لمطبات مصر العظيمة لو العربية محملة 5 راكب علشان في ناس قالتلي ان البيجو وهي محملة بتحك في كل المطبات واللي اعرفه انهم نفس العربية؟

العربية كا ارتفاع مش واطية , العربية اعلى من عربيات كتير بتشوفها فى الشارع كمثال : سيفيك , كورولا , لانسر , لانوس , نوبيرا , فيرنا , الينترا , سيراتو شكل قديم ,
من خلال تجربتى الى الان اربع افراد متحكش , اربع افراد و شنط تقيلة ممكن تحك حسب المطب لو اخدت المطب طولى

11- العفشة والفرامل اخبارهم ايه في المطبات والحفر لان انا معظم الشوارع اللي بمشي فيها يوميا مكسرة ومبهدلة ؟

الفرامل ممتااااازة و بتلم العربية كويس و لو انت من الناس اللى بتجرى كتير هتحس بقوتها , العفشة بصراحة احسن مما توقعت فى نقطة النحمل دى , انا كلت بالعربية لحد دلوقت 6 مطبات على سرعة و مشيت فى طرق مكسرة فوق ما حضرتك تتخيل و العفشة الى الان الحمد لله كانها زيرو , كا زوايا و اتزان و نعومة و هدوء و اداء

12- هل في قطع غيار نزلت بره التوكيل ... ولو نزلت حد يعرف اسعار ؟

مش عارف , بس معتقدش تكون لحقت نزلت برا التوكيل , البيجو اكثر انتشارا و لسه ملهاش قطع غيار برا التوكيل

بالنسبة لنتشة الفتيس ... اللي فهمته من المواضيع هنا انها مش مشكلة في الفتيس او السوفت وير ... بس كل الحكاية ان الواحد محتاج يتأقلم مع الفتيس ويفهم طريقته

مظبوط

يا ريت الملاك تتجاوب علشان انا العربية عجباني وحاسس ان عدد قليل اوي اللي اشتراها

بالنسبة لموضوع قليل ده انا كنت زى حضرتك كده لحد اما لاحظت نسبة وجودها فى الشارع لا يعبر عنها المنتدى بشكل صحيح . المنتدى مش هو السوق

المشاركة الأصلية كتبت بواسطة dr.a7med

انا معايا العربيه من شهر 12 اللى فات وماشى بيها 21 الف كيلو :d

1- تيل الفرامل بيتغير بس حسب استخدامك واسلوب القياده يعنى انا غيرت التيل والطانبير عند ال 20 الف
وبالنسبه للفلاتر بتتغير كل 10 الاف فعلا

2- بالنسبة للتوكيل انا جربت عز العرب االى على الصحراوى فى صيانه ال 10.000 و التوكيل اللى عندى فى اسكندرية اللى هو السركة الاوروبيه فى صيانه ال 20.000
الاتنين كويسين عادى يعنى لحد دلوقتى


3- التكيف فى الحر بيؤثر على اداء العربيه فى حالة وانا عن نفسى بحس بكده جدا وخصوصا لما العربيه فيها ربع التنك او اقل

4- الثبات احلى حاجه فيها يعنى على 180 بتقدر تتحكم فيها

5- النتشه موجوده عندى وبضايق اووى منها فى الزحمه

6- التنك بيعمل معاك حوالى 450 او 500 كيلو على الطرق السريعه و حوالى 350 جوا المدينه

7- مش عارف

8- مفيش غير النتشه والتكيف وممكن صوت العربيه عالى شويه

9- العربيه تستحمل 100.000 كيلو فى السنه مش 40 الف بس ،، العربيه ما شاء الله جميله
انا طلعت بيها شرم من الاسكندريه والعربيه فضلت شغاله ال 24 ساعه ومفيش اى حاجه

العربيه جميله توكل على اللله

نعم ؟؟؟؟

حضرتك غيرت الطنابير على 20 الف !!!

انا كنت داخل ارد على الموضوع بما اني كنت احد ملاك العربية (وبعتها) لكن لما شفت الكلمة دي استغربت جدا جدا جدا جدا جدا جدا جدا جدا

المشاركة الأصلية كتبت بواسطة الجنرال

نعم ؟؟؟؟

حضرتك غيرت الطنابير على 20 الف !!!

انا كنت داخل ارد على الموضوع بما اني كنت احد ملاك العربية (وبعتها) لكن لما شفت الكلمة دي استغربت جدا جدا جدا جدا جدا جدا جدا جدا

وضحلنا سبب الاستغراب
ووضحلنا سبب البيع
وتقيمك للعربيه بصفتك كنت احد ملاكها