تكاليف الدهان كده غاليه ولا ايه؟؟

**عمرو عقبه** · 22-04-2014 11:50 PM

عندى شوية سمكره خفيفه فى العربيه وبعدها هروح اسنفر العربيه من تحت وادهن اندر كوت.. وادهن الخوارج فقط دون دهان الحوض او الشنطه..
المهم رحت لفنى الدهان النهارده (واحد مشهور جدا فى المنطقه عندنا وكله بيشكر فيه والشغل عنده بالحجز) بص على العربيه وقالى هتتكلف 1500 جنيه
قلت له مش كتير
قالى غيرى ممكن يعملها ب 1000 ويكسب فيها أكتر ما أنا هكسب فيها أنا عارف انا هعمل فيها ايه كل واحد وله شغله..
طيب..
السعر ده كويس.. على افتراض انه هيدهن فرن بويه اوروبى كمبيوتر ؟؟؟
وعاوز اعرف.. هو هيزيل البويه القديمه ولا هيلقط معجون ويرش على القديمه؟؟؟
دى صورتها..

**عمرو عقبه** · 23-04-2014 08:31 PM

طيب ممكن ادهن اجزاء واجزاء لأ؟؟؟؟

**عمرو عقبه** · 25-04-2014 10:10 PM

فين الرجاله
؟؟؟؟؟؟؟؟؟؟؟؟؟؟؟؟؟؟

**عمرو عقبه** · 26-04-2014 10:54 PM

يا رجاله حد يرد عليه الله يبارك لكم

**SHNORY** · 27-04-2014 03:25 PM

خليك مع الصنايعي النضيف حتي لو غالي

**SHNORY** · 27-04-2014 08:56 PM

بس انا شايف ان العربيه مش محتاجه سمكره
استني عليها شويه وسمكر ورش بالمره
ولو حتبيع يبقي كبر دماغك عن التوضيب ده
ولا دي صوره قديمه للعربيه؟؟

**starlanos** · 27-04-2014 08:59 PM

اوعي تسترخص
انا رشيت لانوس ب1400ج بوية كابسي بس مش عجباني قلت يارتني كنت رشيت ايطالي او اي حاجة غير المصري

**yyy** · 01-05-2014 12:19 AM

المشاركة الأصلية كتبت بواسطة عمرو عقبه

لا دى صورتها فعلا لكن فى اجزاء صغيره فيها بارومه من الخارج لا تظهرها الصوره غير ان فى مرمات ف اسفل العربيه محتاجه ترقيع..
كله كوم.. وكوم تانى بقا.. ان الراجل صاحبها بعد ما سجلها لى ف الشهر العقارى وطالعين نروح المرور نجيب شهادة المخالفات .. حكها فى عربيه نقل من الجهه اليمين.. كسر مرايه واشاره وغماز وطبق الرفرف وحركه من مكانه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟
استعدلته طبعا ومعجنته من فتره وقلت بالمره طالما مش هبيع اسمكر سمكره نضيفه وارش رشه نضيفه وانساها.....

انت ناسى انك فى مصر ترش العربية وتنساها ازاى !!!!!دة ابسط حاجة واحد يجبهالك بمسمار و هى لسة خارجة من الفرن ...من الصورة العربية مش محتاجة لا سمكرة ولا دهان رش الرفرف بس وترشها من تحت عادى