غيرت الكاوتش و مش مقتنع باختياري ! .. أفيدوني !!

**Aelgahawy** · 24-04-2014 03:47 AM

السلام عليكم

انا معايا نيسان صني الشكل القديم 2013 .. الكاوتش الفابريقه اللي كان فيها Bridgestone B391 .. الصراحه حسب استخدامي للعربيه ( طبيعة شغلي علي طول في الشارع بيها ) كانت مريحاني .. هيا كانت ناشفه شويه بس ماكانتش بتتخرم كتير (مش عارف ده ليه علاقه بالكاوتش ولا اي كلام :D :D :D :D .. المهم .. عملت بيهم 40000 كم ، و جه وقت التغيير !! .. الصراحه كان عاجبني Bridgestone Turanza gr90 و كنت ناوي عليه مع انه غالي شويه ( كتير ! ) .. الفرده ب 730 جنيه ! .. المهم اما روحت اغيروا الراجل اقنعني ان التورنزا ناشفه و خلاني اركب Pirelli Cinturato p1 و ده لينك ليها Pirelli CINTURATO P1 | the Pirelli CINTURATO P1 reviewed and rated - TyreReviews .. هي صناعه تركي و قالي انها اطري من البريدجستون و صوتها واطي و ارخص ( الفرده ب 530 ) .. فا ركبتها ، و حاسس انها انعم شويه من القديمه .. بس ضميري مأنبني .. بقول مكنتش استخسر و اجيب ياباني احسن ! .. و الطري ده لو بيتخرم كتير انا الشنطه علي طول مليانه ف هتبقي سحله اني اطلع الاستبن ! .. ف ياريت حد يفيدني الكاوتش ده كويس ولا لأ و ولو حد جربه يقولي ارجوكوووو !!

**Aelgahawy** · 24-04-2014 04:02 AM

و ده لينك تاني CINTURATO™ P1™, Car tyres, Summer tyres - PIRELLI AUSTRALIA

**dreamman** · 24-04-2014 08:49 AM

أن شاء الله تلاقى حد يفيدك

**ah-elgendy** · 24-04-2014 12:36 PM

خلاص انت ركبت الكاوتش يعنى اللى هيقوالك حلو او هيقوالك وحش مش هتغيره امشى بيه وخلاص

**Aelgahawy** · 24-04-2014 03:29 PM

المشاركة الأصلية كتبت بواسطة ah-elgendy

خلاص انت ركبت الكاوتش يعنى اللى هيقوالك حلو او هيقوالك وحش مش هتغيره امشى بيه وخلاص

بس عشان احاول اخد بالي منه اكتر من القديم عشان يكمل مدته علي خير ! ، لأن اسوأ حاجه بالنسبالي ان يحصل حاجه في الكاوتش عشان شنطة العربيه علي طول مليانه !

**Omar_4ever** · 24-04-2014 03:38 PM

الصراحة من بعد الميشلان مفيش كلام

**tameem2010** · 24-04-2014 04:00 PM

شوف هو عمره مش طويل
انما شغال مش وحش
انما هيهلك بسرعه خاصة لو فيه تحميل وسرعات او طرق مكسره

**D.Ahmed Ismail** · 24-04-2014 04:19 PM

انت صحيح ركبته
بس انا حصل معايا نفس الموقف
وحش و ناشف و عمره تقريبا 35000

sorry

**ahmed452003** · 26-04-2014 04:05 AM

عن تجربه شخصيه هتعرض وتعلي العربيه وهتحس بالرفاهيه في القيادة غير لكونتيننتال المقاس 205/60R15
النقشه اسمها ContiPremiumContact 2 فرق شاسع عن تجربه شخصيه

**saint2011** · 27-04-2014 01:09 AM

أولا مبروك عليك الكاوتش الجديد الرفيو بتاع الكاوتش هو فوق المتوسط وبعدين بصراحة البريدجستون سعرة أصبح مبالغ فيه جدا وخللى بالك لو جبت التورنزا جى ار 90 هى فردة صامتة وناعمة جدا ومنتى الرفاهية لكنها يعيبها التأكل بتاعها عالى جدا وعايزة معاملة خاصة يعنى مش عايزة سواقة رياضية وحرق وشوارع مكسرة فمتندمش عليها فى حضرتك الكونتيننتال واليوكوهاما محترمين جدا والمقاس المناسب هو 195-60-15