موضوع مهم جدا ً وياريت مهندس أو خبير فى الصنى الشكل القديم يرد عليا ضرورى

**islash** · 24-04-2014 02:16 PM

انا معايا نيسان صنى سوبر صالون موديل 2007 العربية ماشية 126 الف كيلو مفيهاش أى مشاكل غير العفشة كتر خيرها بعد الكيلوهات ديه كلها عايزة تظبيط عفشة مساعدين ومقصات وبارات وكمان 10 الف كيلو هتحتاج كاوتش جديد أكيد كتير خيره كاوتش بريدج ستون بقالو 40 الف كيلو وهتحتاج تيل فرامل وتنابير غير كدة العربية هتبقى زيروو المهم ان العربية جايبة سعر عالى جدا ً وواحد قريبى عرض عليا انه هيجيبلى الصنى الشكل القديم ال ex 2014 بالسعر الرسمى ومش هتتأخر فى التسليم ( الشكلة ان سمعت فيها بعض المشاكل من الناس مثل تغير ضفيرة الكهربة وان العفشة مش بتستحمل ومشاكل تكييف وعزل وكل ده عمره مظهر عندى فى عربيتى ال 2007 المهم برجاء أفادتى هل أقوم بالتغير أم أقوم بتصليح عربيتى مع العلم انى هصرف عليها كتير علشان بحب أركب الحاجة أصلى

**lem0** · 24-04-2014 03:28 PM

بالنسبه للعزل هو وحش فعلا بعد 120 صوت المكنه عالي جدا جوه صالون العربيه ومشكله الضفيره هي موجوده فعلا بس بتتغير ف الضمان لو فيها مشكله لكن العفشه والتكييف تمام مفيش مشاكل فيهم بس انا شايف انك متبعش نيسان عشان تجيب نيسان تاني خلي اللي معاك وظبطها وكمان شكل 2007 ف رأيي احلي من الشكل اللي نزل ف 2010 وكمان عربيتك سوبر صالون هتبيعها عشان تجيب ex ومن غير abs كمان؟؟؟

**Batman372** · 24-04-2014 03:31 PM

حضرتك كل الصيانات دى حتتكلف اقل من ١٠ الاف ...
مقابل بيعها و تغيرها بالجديده حتدفع فرق لا يقل عن ٤٠ الف ...
طبعا الجديده اختيار موفق و حتكون زيرو و بحالتها و شكل امامى معدل ...
تحياتى ...

**ahmed salah90** · 24-04-2014 05:53 PM

الجديده موش فيها abs على ما اسمع انت لو عاوز تستمتع بعربيه هات ماركه تانيه التغير برضو مطلوب عموما انا معي 2011 فيها موشكله في الضفيره بتاعت الكهربا بتخلي عدد لفات الماتور عالي لوحده و احيانا بيقى مظبوط لوحده برضوه عموما فكر في التغير الصني طبعا وحش الفئه السعريه دي بس ممكن تغير او لا لف و شوف العربيات في المعارض و قارن في كل شيئ و لازم تعرف ان لكل عربيه مميزات و عيوب علشان ماتتعيبش نفسك تقبل تحياتي

**islamabady1980** · 07-05-2014 02:26 PM

متابع

**هيثم عابدين** · 08-03-2015 10:50 PM

السلام عليكم
الصني 2007 علي فكره مافيهاش abs بس الفرق حيبقي العفشه الرياضية لصالح السوبر صالون
التغيير مش حيضيف حاجه

**megodahab** · 10-03-2015 01:04 AM

ممكن اعرف ايه ميزة ال abs اللي كل بيتكلم عنه كانها ميزه رهيبه يعني بالعربيه حد يفهمني

**amr011111** · 10-03-2015 11:34 AM

المشاركة الأصلية كتبت بواسطة megodahab

ممكن اعرف ايه ميزة ال abs اللي كل بيتكلم عنه كانها ميزه رهيبه يعني بالعربيه حد يفهمني

الـ abs
ده معناه الفرامل المانعه للانغلاق وبيشتغل فى حاله ان لو احتكاك الكاوتش بالارض قل وده بيحصل فى حالة المطر او وجود رمل على الطريق فساعتها نظاام الـ abs بيشتغل وهوه انك وانت دايس على الفرامل فإن الـ abs بيخلى التيل يفك ويمسك فى الطنابير فى اوقات متقاربه جداً وده بيسمح ان الكاوتش يستمر فى دورانه وبالتال تقدر تعمل مناورة بالعربيه يعنى تاخد غرزه من غير ما العربيه ما تخمس