ريس brava و jieda

**mezo_mmm** · 24-04-2014 05:32 PM

السلام عليكم ورحمه الله وبركاته

مبدايا دى اول مشاركه ليا فى قسم الدرجات الناريه
اتمنى الموضوع يبقى مناقشه مفيده للجميع

مبدايا احنا هنا عاوزين نتكلم على الموتسيكليين دول
وزى ما معروف الاتنين صيني
والكلام بيتناقل من غير حتى ما الشخص يكون شافه يقول دا كذا ودا كذا

خلينا هنا نتكلم مناقشه فعليه للاشخاص الي اشتروا اي واحد منهم او يعرف حد قريب منه اوى اشتراه ويناقشنا فيهم ويقولنا تجربته معاه عامله ازاى

موضوع زى كده بيهم ناس كتير فى نفس الوقت معهاش فلوس كتير تجيب هوندا نضيف ولو بتمن دا فكر يجيب هوندا هيبقى ضايع جدا ... وفى نفس الوقت برضه بيبقى ناس كتير عاوزه تدخل المجال دا ومش عاوزه تدفع اكتر من كده فيه لان بالنسبه ليهم بيبقى مشاوير خفيفه او ترفيهي بمعنى اصح .

مستني مناقشتكم جميعا ويا رب تبقى مناقشه مفيده لكل اعضاء المنتدى

**lordahmed511** · 25-04-2014 11:28 AM

انا اللي اعرفه ان ال brava موتور هوندا وبيتباع في المعارض بتاعة هوندا و معارض تريدكو الصياد.
انا سالت عليه بس للاسف مش متوفر. ياريت لو حد يعرف سعره دلوقتي وصل كام يقولنا.

**mezo_mmm** · 26-04-2014 12:49 AM

المشاركة الأصلية كتبت بواسطة lordahmed511

انا اللي اعرفه ان ال brava موتور هوندا وبيتباع في المعارض بتاعة هوندا و معارض تريدكو الصياد.
انا سالت عليه بس للاسف مش متوفر. ياريت لو حد يعرف سعره دلوقتي وصل كام يقولنا.

طيب مشوفتوش مع حد صاحبك او شفته شغال وصوته فعلا نفس صوت ماتور الهوندا ولا لا وبيجيب سرعه هوندا ولا لا طبعا بنتكلم على ال 250 فى الهوندا مش اكتر من كده ؟؟