الموضوع: غيرت لبيردجستون ar-20 ومش مبسوط تمــاماً :/ .

انا معايا نيسان صني 2011 و جاي فيها بريدج ستون نفس الموشكله حاسس ان العافشه ناشفه جدا و المطبات و الاسفلت لو خشن بيسمع في العربيه انا بفكر إن شاء الله اغير لميشلان بس خايف من اسعار الكاويتش
بس الصراحه
احسن حاجه الثبات و الفرامل

المشاركة الأصلية كتبت بواسطة ahmed salah90

انا معايا نيسان صني 2011 و جاي فيها بريدج ستون نفس الموشكله حاسس ان العافشه ناشفه جدا و المطبات و الاسفلت لو خشن بيسمع في العربيه انا بفكر إن شاء الله اغير لميشلان بس خايف من اسعار الكاويتش
بس الصراحه
احسن حاجه الثبات و الفرامل

فعلاً الثبات والفرامل كويسين وكمان علشان انا عربيتي يعتبر مفهاش فرامل ، لكن العفشة سيئة جداً وانا خايف ان الكاوتش كده يكون بيأثر على العفشة مع إني ملتنزم بمقاس السيارة الأصلي .

المشاركة الأصلية كتبت بواسطة carrier

قصدك خايف للعفشة اللى تبوظ الكاوتش

وللاسف دا اللى حيحصل غالبا لاقدر الله مع اول مطب غبى ممكن تقع فيه

ميت مرة قلت وحقول الكاوتش يعنى دانلوب يابانى

مكنش هات ال لاسا

غلطت بقا واللي كان كان :(

بس انا مش فاهم قصدك ، انا قصدي إني خايف الكاوتش يبوظ العفشة . ( يعني الكاوتش علشان ناشف يضر العفشة ) .

إنت قصدك إن العفشة هي الي هتبوظ الكاوتش ؟ ولو كان ده قصدك يبقا إزاي ؟

انا لبست فعلاً مطب رخم وحسيت إن الحفرة جت في وداني مش في المساعد :/

المشاركة الأصلية كتبت بواسطة heeshooheeshoo

البريدجستون فيه طرازات مختلفة طبقا لما تريده من أداء
فيه ما يناسب القيادة الرياضية وفيه مايناسب القيادة الهادئة .. فيه الناشف وفيه الطرى وكل طراز وله إستخدام وكل طراز له أيضا عمر إفتراضى يختلف عن الطراز الآخر
طبعا لو حضرتك كنت عايز إطار هادىء وطرى يبقى turanza gr 90

إنما المشكلة إن إختيار حضرتك للطراز لم يكن ملائم لما تريده من إستخدام

لا حضرتك مقرتش موضوعي كويس .

انا لما سـألتهم في التوكيل ( توكيل الكاوتش ) قالي مقاس عربيتك مفيش منه غير طرازين ،

الأول وهو البيزك : وده أرخص 30 جنيه وهو نفسه قلي إنه مش هيناسبك لإنك بتجري ومشاوريك كتير .

التاني هو ال ar - 20 وقلي ده مناسب لإستخدامك .

علماً بإن الطراز إلى حضرتك بتقول عليه مش موجود في مقاســي أصلاً :) يعني موجود في الي 14 وال 15 على كلامه هو .

الإطار مريح في حاجات كتير ، ولكنه ناشف جداً في المطبات . هو ده العيب الوحيد الي فيه وعيب مش قليل في بلدنا الحبيبه .

ممكن تقلل ضغط الكوتش حاجه بسيطة

المشاركة الأصلية كتبت بواسطة zeco

ممكن تقلل ضغط الكوتش حاجه بسيطة

اظن تقليل الضغط هيفرق في استهلاك البنزين ؟