الموضوع: ايهم افضل 125 ايطالي أم بولندي

ربنا يوسعها عليك

اصبر وزود الفلوس شويه
وهات حاجه اعلى

وكنصيحه لو هتشترى قديم
فهات اعلى موديل تقدر تجيبه فى الموديل لانه هيكون متهالك وفيه بارومه بفعل عوامل الزمن

ثانيا انصحك بالفيات 131 او البيجو 504 ويشترط الحاله الجيده لانك مهما هتصرف العربيات دى بيكون لها متوسط سعر مش بتعلى عليه حتى لو صرفت عليها - ذهب - ده من واقع تجربتى مع ال125 اللى غيرت لها الموتور و البطاريه والمساعدين ومجددت البيض وجددت الضفيره ورشتها نظافه وغيرت كاوتشين و غيرت الفتيس ووو وفى النهايه خسرت فيها جامد جدا لانى اشترتها ب13 وصرفت تقريبا 8 وبعتها 8.5 - حسبي الله ونعم الوكيل فى اللى ورطنى فيها

المشاركة الأصلية كتبت بواسطة hugan

25 طبعا احسن من 28
مفيش مقارنه
بس لو تقدر تجيب31 او 32 افضل
ال 25 مافيهاش مشكله ملص البيض زي اللادا
لان عفشتها هي 32
ال 25 علشان ماتتعبكش لازم يكون متسقط ليها موتور بولونيز بفتيسه
او 31 او 32

احترامى الكبير للاخ هجان
بس مش بحب عفشة ال132
واعتقد 131 كموتور وعفشة ممتازين وسط السيارات القديمه وفي منها 1600 سي سي
وبالنسبة للبيجو الاستيشن فرايي دائما ان صبي ميكانيكى يقدر يصلح موتورها بس قطع غيارها معادتش زى الاول ولكن هو ده حال القديم كله
عموما اللى اعرفه ال125 يفترض تحت ال10الاف
131 متوسط ال15
البيجو الاستيشن ممكن 20 اكتر او اقل حسب الموديل والحاله وفى منها موديلات عليها الطلب اكثر بس مش عارفها ممكن تكون 1979