الموضوع: تكيف الاليزية

التكييف مش ضعيف ولا حاجة هم بيسقع كويس بس بياخد وقت اكتر شوية من اللى جضرتك كنت متعود عليه فى اللانسر , انا حسيت بنفس الموضوع لان كان معايا سيراتو و تكييفها كان بيسقع اسرع , التكييف لسه مشغله امبارح طول النهار و مفيش اى مشكلة و تبريده كويس بس خد وقته شويه لحد اما سقع الكابينة كلها كويس و دى عادة الاوروبى كله عشان تصميم الدورة بتاعته كده , المية السخنة اللى بتستخدم فى الدفاية دايما مفنوحة باستمرار مش مش بيستخدموا نظام المحبس اللى بيقفل المياه السخنة عن دورة التكييف وقت ما تشغل الساقع زى الكورى و اليابانى ..

بالنسبة لموضوع المساحات ده معرفش ليه حل الصراحة عشان انا متعرضتش للمشكلة دى الحمد لله , معنديش حد من اللى بيمسحو العربيات .

شكرا يا باشا علي الاهتمام بس انا شغلتو النهارده فترة حوالي نص ساعة بردو محستش انه سقع بدرجة مرضية مش عارف علشان انا متعود علي تكيف اللانسر ولا هو فيه حاجه وكمان صوت المروحة برة كان عالي و سامعه من جوة العربية.عملت حاجه في موضوع العزل؟

فعلا صوت المروحة برا بيبقى عالى جدا بس انا مش بسمعه و انا جوا العربية الا لو فى مكان هاااادى
اتاكد طيب ان تدوير الهو مقفول
هو اكيد تكييف اللانسر هيكون اسرع فى التبريد بس اللى اعرفه ان قوة التبريد المفروض متفرقش كتير , المفروض كمان الكباس بتاعة العربية دى دينسو يابانى
ممكن حضرتك تقولهم على الموضوع ده فى الصيانة الجاية عشان احنا داخلين على الصيف او تخلى حد يركب معاك و تاخد رايه فى التبريد ممكن يكون بالنسبة لحضرتك ضعيف عشان متعود على اللانسر

موضوع العزل : انا عجبنى جدا الموضوع اللى كان معمول هنا فى المنتدى عن العزل الجاهز اللى كنا هنعمله اوردر من على النت و بعدين قاله ان موقع مش مضمون و الموضوع اتقفل , بس بصراحة حوار العازل الجاهز المعمول على جاهز المقاس ده خلانى صرفت نظر انى اجيب خامة و اقصها و افلها و اركبها اكيد الجاهز هيبقى احسن و الفنش بتاعه انضف .
انت رايك ايه هنلاقي حاجة تانية جاهزة و لا لأ ؟؟