أوبل كورسا ام تويوتا ياريس

**Noorinoni** · 26-04-2014 04:51 AM

السلا عليكم :)

ياجماعة لو سمحتم انا فعلا محتاجة مساعدتكم في اختيار العربية ، انا محتارة جداً بين أوبل كورسا ٢٠١٤ و تويوتا ياريس ٢٠١٤ (hb)
ياريت تفيدوني ايه الأفضل من حيث الأمان ، الثبات ، قطع الغيار( انا عارفة ان الألماني غالي بس هل فيه فرق فظيع يعني بينهم ولا كله غالي دلوقتي ) ، سعر اعادة البيع ، تعامل العربية مع الطرق في مصر اللي اغلبها تقريبا مش مستوية ، كمان فكرة العربية المريحة مش اللي كل شوية تطلع لي فيها مشكلة ، مع ملاحظة ان انا مش هيكون ليا غير التوكيل علشان اعمل لها اي حاجة.

انا الحقيقة نفسي جدا فالكورسا بس خايفة من أسعار قطع الغيار وشوية حاجات تانية سمعت عنها.

كمان عايزة اعرف هي الياريس فعلا تقفيل هندي ولا هي ياباني زي باقي التويوتا ؟

وياريت لو حد عنده اقتراحات تانية لعربيات بنفس أسعارهم وفئاتهم أتمنى انه يفيدني بيه.

شكرًا جداً جداً :)

**a7md 3amr** · 26-04-2014 06:15 AM

انا رأيي في العام ان الاوبل احسن ( الالماني لا يعلا عليه ) بس الظروف العامة هنا في مصر ترشح التيوتا ( توافر قطع الغيار - اعادة البيع - التوكيل - الانتشار ) وخاصة انك هتتعاملي مع التوكيل فقط ، وعامة بما انها جديدة وبالمحافظة عليها ان شاء الله هتريحك
مع العلم اني راكب كورسا

**ahmzd** · 26-04-2014 11:15 AM

على حد علمي .. الياريس أيضا لم تنتشر كفاية حتى تتفوق في هذه النقطة !!
البند الثاني أن قطع غيار الألماني غالية صحيح ولكنها معمرة فبالتالي المقارنة في النهاية متكافئة!!
الخلاصة بالنسبة للاختيارين السابقين .. متساويان والله أعلم .
أما بالنسبة للاختيارات البديلة في نفس الفئة السعرية ( 140 ألف - 160 ألف ) .. فهي كالآتي :
* في فئة الهاتشباك : كيا ريو هاتشباك ، وسيات إبيزا ، وفورد فييستا ، وبيجو 208 ، وهيونداي i30
* في فئة السيدان : بيجو 301 ، سيتروين سي إيليزيه ، هوندا سيتي ، لانسر شارك ، مازدا 3 ، سيات توليدو ، سكودا رابيد
وربنا يوفق حضرتك للاختيار الأصلح والأنسب بإذن الله تعالى .

**Noorinoni** · 26-04-2014 03:34 PM

المشاركة الأصلية كتبت بواسطة a7md 3amr

انا رأيي في العام ان الاوبل احسن ( الالماني لا يعلا عليه ) بس الظروف العامة هنا في مصر ترشح التيوتا ( توافر قطع الغيار - اعادة البيع - التوكيل - الانتشار ) وخاصة انك هتتعاملي مع التوكيل فقط ، وعامة بما انها جديدة وبالمحافظة عليها ان شاء الله هتريحك
مع العلم اني راكب كورسا

أشكرك يا أستاذ احمد :)
طيب ممكن حضرتك تقولي الكورسا عاملة ايه معاك ، يعني فيها اي عيوب ظهرت مع الوقت ( غير قطع الغيار والحاجات اللي حضرتك قولتها)
كمان ممكن حضرتك تقولي هي التوكيل بتاعها فين ؟

انا أسفة أني بتعبك معايا

**Noorinoni** · 26-04-2014 03:47 PM

المشاركة الأصلية كتبت بواسطة ahmzd

على حد علمي .. الياريس أيضا لم تنتشر كفاية حتى تتفوق في هذه النقطة !!
البند الثاني أن قطع غيار الألماني غالية صحيح ولكنها معمرة فبالتالي المقارنة في النهاية متكافئة!!
الخلاصة بالنسبة للاختيارين السابقين .. متساويان والله أعلم .
أما بالنسبة للاختيارات البديلة في نفس الفئة السعرية ( 140 ألف - 160 ألف ) .. فهي كالآتي :
* في فئة الهاتشباك : كيا ريو هاتشباك ، وسيات إبيزا ، وفورد فييستا ، وبيجو 208 ، وهيونداي i30
* في فئة السيدان : بيجو 301 ، سيتروين سي إيليزيه ، هوندا سيتي ، لانسر شارك ، مازدا 3 ، سيات توليدو ، سكودا رابيد
وربنا يوفق حضرتك للاختيار الأصلح والأنسب بإذن الله تعالى .

يا أستاذ احمد بشكرك جدا
ممكن حضرتك ترشح لي حاجة تكون فعلا كويسة ، انا نفسي ابعد عن الكيا والهيونداي ، كمان الا بيزا مع حد اعرفه وبتشتكي منها جدا. كمان انا الحقيقة اخري خااااالص فالسعر لحد ١٤٥٠٠٠

أسفة لتعبك أستاذ احمد

**Abdo Taha** · 26-04-2014 04:43 PM

انا برشح ال 301 و الكورسا و المازدا 3

**Mohamed.Hany** · 26-04-2014 07:21 PM

المشاركة الأصلية كتبت بواسطة noorinoni

السلا عليكم :)

ياجماعة لو سمحتم انا فعلا محتاجة مساعدتكم في اختيار العربية ، انا محتارة جداً بين أوبل كورسا ٢٠١٤ و تويوتا ياريس ٢٠١٤ (hb)
ياريت تفيدوني ايه الأفضل من حيث الأمان ، الثبات ، قطع الغيار( انا عارفة ان الألماني غالي بس هل فيه فرق فظيع يعني بينهم ولا كله غالي دلوقتي ) ، سعر اعادة البيع ، تعامل العربية مع الطرق في مصر اللي اغلبها تقريبا مش مستوية ، كمان فكرة العربية المريحة مش اللي كل شوية تطلع لي فيها مشكلة ، مع ملاحظة ان انا مش هيكون ليا غير التوكيل علشان اعمل لها اي حاجة.

انا الحقيقة نفسي جدا فالكورسا بس خايفة من أسعار قطع الغيار وشوية حاجات تانية سمعت عنها.

كمان عايزة اعرف هي الياريس فعلا تقفيل هندي ولا هي ياباني زي باقي التويوتا ؟

وياريت لو حد عنده اقتراحات تانية لعربيات بنفس أسعارهم وفئاتهم أتمنى انه يفيدني بيه.

شكرًا جداً جداً :)

في وسائل الامان زي بعض فيما عدا نقطة واحد. تتفوق الياريس هاتش باك فيها عن الكورسا لوجود ٤ ايرباج ستاندرد في جميع الفئات مقابل ٢ فقط في الكورسا.
الثبات الله اعلم بالنسبة للكورسا بس ثبات الياريس جيد جدا حتي ١٦٠ و اعتقد انهم متقاربين
علي فكرة الاوبل كورسا مش الماني هي اسباني
و الياريس هاتش باك فرنساوي مش هندي
قطع الغيار الياريس ارخص و متوفرة اكتر بحاجة بسييطة عن الكورسا
قطع الغيار في الاتنين معمرين و التويوتا معروفة بالاعتمادية
اعادة البيع متقاربين بفارق بسيط للياريس
توكيل اوبل منصور سمعته سيئة
تعامل العربية مع الطرق في العربيتين ممتاز ماعدا الكورسا الهاي لاين عشان فيها جنط ١٧ غير مناسب لشوارع مصر نهائيا عشان بيدب و يخلي العفشة ناشفة و تحسي بالنقر و المطبات غير انه بيعمل باللونة من الحفر ، خدي بالك من النقطة دي مهمة قوي لو بتفكري في الكورسا بلاش الهاي لاين عشان حضرتك طلبتي عربية تعاملها مع شوارع مصر الغير مستوية، و حضرتك قولتي اخرك في السعر ١٤٥ الف فالكورسا هاي لاين خارج الحسابات لانها ب ١٥٤
في رأي برضو الاوبشنز و الرفاهية اعلي في الياريس عن الكورسا.
الفروق بالتفصيل

تتفوق الكورسا اللي ب ١٤٣ الف عن الياريس اللي ب ١٣٨ الف

١.مصابيح ضباب امامية
٢.مصابيح ضباب خلفية
٣.زجاج خلفي مظلل

تتفوق الكورسا اللي ب ١٤٣ الف عن الياريس اللي ب ١٤٦ الف

١.زجاج خلفي مظلل

تتفوق الياريس اللي ب ١٣٨ الف عن الكورسا اللي ب ١٤٣ الف

١.الفتيس cvt عدد لا نهائي من النقلات مقابل ٤ سرعات في الكورسا
٢.وصلة usb
٣.كاسيت تاتش ٦ سماعات مقابل كاسيت عادي ٤ سماعات في الكورسا
٤.بلوتوث و تليفون
٥.عجلة قيادة من الجلد
٦.نقلات الفتيس من الدركسيون
٧.زرار سبورت موود
٨. عدد ٤ ايرباج مقابل ٢ في الكورسا

تتفوق الياريس اللي ب ١٤٦ عن الكورسا اللي ب ١٤٣ الف

١.الفتيس cvt عدد لا نهائي من النقلات مقابل ٤ سرعات في الكورسا
٢.وصلة usb
٣.كاسيت تاتش ٦ سماعات مقابل كاسيت عادي ٤ سماعات في الكورسا
٤.بلوتوث و تليفون
٥.عجلة قيادة من الجلد
٦.نقلات الفتيس من الدركسيون
٧.زرار سبورت موود
٨.تكييف تاتش ديوال زوون
٩.ثلاجة تبريد بالدرج الامامي
١٠.تعديل مقعد الكرسي الجانبي
١١. عدد ٤ ايرباج مقابل ٢ في الكورسا