إحتمالية بيع بيجو 301 مانيوال

**dodz** · 26-04-2014 08:52 AM

أولاً انا عايز أعتذر إني مش بشارك كتير في المنتدي بالرغم من المساعتاد الرهيبة إلي وصلتني منو ص أحب أشكر الأستاذ موهجار لأنو كان من الأركان الرئيسية في شرائي البيجو 301.

أنا أستلمت العربية في 3/3/2014 و حتى الأن عامل بيها 2100 كم و بالرغم من إن العربية جت بعد طول إنتظار و إنها أول عربية ملكي لكن للأسف في إحتمالية إني أضطر أبيعها الصيف دة لأن جتلي فرصة سفر لتكميل دراستي.

العربية لسة بأكياسها و هي مانيوال و دة كان بأختياري لحبي لسواقة المانيوال في مشاويري الطويلة (بروح يومياً من الدقي لمدينة نصر).

لو إضطريت إني أبيع العربية (رخصة 3 سنوات) تتباع بكام حالياً؟

شكراً مقدماً

**amrelsaqqa** · 26-04-2014 10:41 AM

والله مش عارف بالظبط بس العربية المانيوال غليت اصلا 2000 جنيه دلوقتى ، مش عارف انت لحقتها بالسعر القديم ولا الجديد ، لو كنت شاريها ع السعر القديم اعتقد مش هتحس بخسارة خالص ان شاء الله

وعلى فكرة العربية منتشرة حتى المانيوال ((بس طبعا مش بنفس درجة الاوتوماتيك )) ومع انى كنت مقلق من اعادة البيع كمانيوال وكنت حاسس اصلا وانا بجيب العربية دى كأنى انا الوحيد اللى هيشتري المانيوال :d ومش هعرف ابيعها بسهولة ، انما الحمد لله ناس كتير جابوا المانيوال اكتر مما توقعت وده معناه ان لسة في طلب في السوق ع المانيوال في الجديد وبالتبعية للمستعمل فان شاء الله تتباع بسرعة خصوصا ان العربية مش متوفرة بسهولة وفي اوفر برايس او انتظار طويل ...

فلو العربية 2000 كيلو بدون خرابيش نهائيا اعتقد تتكلم في 107 ع الاقل وانت مستريح ، يبقى كدة اللى هيجيبها هيوفر مصاريف ترخيص 1500 + فرقها عن الزيرو 3000 + فترة الحجز او الاوفر برايس ، يعنى بتتكلم في تقريبا توفير 5 -6 الاف او اكتر للى هيشتريها فهتبقى مفيهاش خسارة لحضرتك بدرجة كبيرة وفي نفس الوقت مجدية للى ياخدها كسر زيرو ومايسيبهاش ويروح للزيرو الزيرو

**المنسي** · 26-04-2014 10:59 AM

ربنا يوفقك فالبيع واعتقد هتبقى كويسة لناس كتير بيدورو على حاجة كسر زيرو

**m mosalam** · 26-04-2014 12:49 PM

ربنا يوفق فى بيعها

**dodz** · 26-04-2014 02:24 PM

شكراً ليكم جميعاً على الردودز

المشاركة الأصلية كتبت بواسطة amrelsaqqa

والله مش عارف بالظبط بس العربية المانيوال غليت اصلا 2000 جنيه دلوقتى ، مش عارف انت لحقتها بالسعر القديم ولا الجديد ، لو كنت شاريها ع السعر القديم اعتقد مش هتحس بخسارة خالص ان شاء الله

وعلى فكرة العربية منتشرة حتى المانيوال ((بس طبعا مش بنفس درجة الاوتوماتيك )) ومع انى كنت مقلق من اعادة البيع كمانيوال وكنت حاسس اصلا وانا بجيب العربية دى كأنى انا الوحيد اللى هيشتري المانيوال :d ومش هعرف ابيعها بسهولة ، انما الحمد لله ناس كتير جابوا المانيوال اكتر مما توقعت وده معناه ان لسة في طلب في السوق ع المانيوال في الجديد وبالتبعية للمستعمل فان شاء الله تتباع بسرعة خصوصا ان العربية مش متوفرة بسهولة وفي اوفر برايس او انتظار طويل ...

فلو العربية 2000 كيلو بدون خرابيش نهائيا اعتقد تتكلم في 107 ع الاقل وانت مستريح ، يبقى كدة اللى هيجيبها هيوفر مصاريف ترخيص 1500 + فرقها عن الزيرو 3000 + فترة الحجز او الاوفر برايس ، يعنى بتتكلم في تقريبا توفير 5 -6 الاف او اكتر للى هيشتريها فهتبقى مفيهاش خسارة لحضرتك بدرجة كبيرة وفي نفس الوقت مجدية للى ياخدها كسر زيرو ومايسيبهاش ويروح للزيرو الزيرو

للأسف في خدشين في العربية, و ال2 و هي واقفة, مرة خدشة من مكروباص في الأكسدام و مرة معرفش جت منين في الباب اليميين من تحت كأن حد جرو بمفتاح.

لو كدة ممكن اعرض ب 105 مثلاً؟