مشكله فى مياه الردياتير ارجوا سرعة المساعدة

**mahmoud labeb** · 26-04-2014 02:03 PM

السلام عليكم ورحمة الله
طبعا انا اعتبر مبتدا انا عربيتى لانوس 2000القصة بدأت لما حسيت ان المياه بتقل من القربة والميكانيكى بيقولى طبيعى لحد ماكتشفت ان العيب فى غطا القربة غيرته ورحت لميكانيكى تانى قولتله بصلى على الطبب نزل تحت العربية قالى عندك المواسير اللى داخلة المانفول والمانفول مملح ولازم يتغيروا بس مش دلوقتى المهم غيرت الغطا ومشيت حاجة بسيطه وكله تمام يوم الخميس الحر اوى ده وانا راجع من مشوار الاقى مؤشر الحرارة بيعلى ابص تحت العربيةالاقى ما تكون مصفاه والقربة شبه فاضية

كلمت الباشا الميكانيكى قالى لما انت قفلت حتة فالعيب بيلان فى اقرب حته ضعيفة والحل ان احنا نجيب مانفول استيراد
هو المانفول ده مش بتاع الهواء؟
هو سعره استيراد كام ؟
ابص على ايه تانى؟
اسف على الاطاله وشكرا ليكم

**elpasha1** · 26-04-2014 02:53 PM

افتكر ان المنفو مفهوش مواسير مية
اللى فية ماسورة مية فى الجزء دا هى البوابة
والله اعلم
انتظر ردود الاعضاء

**مصطفى-حسن** · 26-04-2014 03:11 PM

الغى مية السخن بتاعة البوابة مش مهمة قوى فى فصل الصيف
لان عشان تعملها شغلانة شوية
بدل ما تجيب بوابة او مانيفوال جديد هتعملهم مواسير المونيوم على المخرطة وقصة كدة
الغيهم هما اصلا معمولين للدول الباردة

**مصطفى-حسن** · 26-04-2014 03:36 PM

المشاركة الأصلية كتبت بواسطة mahmoud labeb

هما فعلا ملغيين عندى

بمعنى ان انت لو بصيت ورا البكرة هتشوف الماسورتين مش راكب فيهم اى خراطيم

أكد المعلومة او انفيها

**مصطفى-حسن** · 26-04-2014 05:56 PM

المشاركة الأصلية كتبت بواسطة mahmoud labeb

بص الاول انا باشكرك جدا على متابعتك
بص هو بالنسبة للخرطوم اللى فى الصورة هو راكب بس اللى انا متأكد منه ان مركز الصيانه اللى كنت معاه كان قايلى انه هو لاغى السخن (هو فى خرطوم خارج من بيت الكامة ومش راكب فى حاجة ده بتاع ايه)

اولا العفو احنا كلنا اخوات
ثانيا انزل دلوقتى بص على المكان اللى ورا البكرة اللى انا مشاور علية هتلاقى ماسورتين صغيرين (تخانة صباعك الصغير ) شوف راكب خرطومين فيهم ولا لأ

المركز اللى بيقولك انة لاغى السخن غالبا هوة يقصد السخن بتاع التكييف ودة تحت فى صدر العربية ملوش دعوة باللى انا بتكلم فية

الخرطوم اللى انت بتقول علية طالع من بيت الكامة ومش راكب فى حاجة دة بينزل اما على المشترك اللى تحت المنافولد ومنة على السخن بتاع التكييف

او لو انت لاغى السخن بتاع التكييف يبقى هيطلع منة على الشجرة علطول

**مصطفى-حسن** · 26-04-2014 07:47 PM

المشاركة الأصلية كتبت بواسطة mahmoud labeb

اه تمام كلام حضرتك مظبوط هما راكبين فعلا
طيب بالنسبة للمواسيى اللى داخلة للمانفولد ومملحة وهو شايف انهم ملهمش تصليح غير بتغييره بواحد استيراد ايه رأيك فى الكلام ده وده بيبقى سعره كام

ياباشا متخليش ميكانيكى يشتغلك

شوفت الخرطومين الرفيعين اللى انت بصيت عليهم دول
دول نازلين لمشترك تحت يعنى خرطوم طالع من المشترك للبوابة وخرطوم نازل من البوابة للمشترك

كل اللى هيعملة الميكانيكى انة هيشيل خرطوم خالص من مكانة ويركب الطرف التانى من المشترك مع الطرف الاولانى بنفس الخرطوم القديم وهسيب البوابة بدون خراطيم

وبس خلاص

ومتدخلش نفسك فى متاهة استيراد ويحزنون

ودة رسم توضيحى

لكن لو المشترك اللى عند طرف واحد يبقى هيربط فى نهاية الخرطوم مسمار 10 بافيز حديد وخلاص او هياخد وصلة مباشرة من المشترك لقربة المية

-

الموضوع: مشكله فى مياه الردياتير ارجوا سرعة المساعدة

LinkBack

أدوات الموضوع

عرض

-

-

-

-

-

المواضيع المتشابهه

مياه الردياتير g12 plus plus

مشكله في فتيس الصنى .... و ارجوا المساعدة

مشكله فى cd kinwood 3047 ارجوا سرعة الرد

مياه الردياتير

اللغز المحير، مياه الردياتير راحت فين؟ ارجوكم المساعدة

الكلمات الدلالية لهذا الموضوع

المفضلات

المفضلات

ضوابط المشاركة