عفشة الفليشيا

**ayman20100** · 26-04-2014 02:35 PM

السلام عليكم ورحمة الله
عفشة الفليشيا عندي مش مريحاني خالص
العفشة ناشفة ومش مريحة بحس بكل حاجة على الارض وكمان خفيفة
كل ما اروح اظبط العفشة الموضوع يقتصر على تغيير جلب المقصات والنتيجة ما فيش تغيير
انا بقى عاوز اعرف بإحتصار لو عاوز اشد العفشة ابدأ بايه واعمل ايه
المساعدين الامامي تعبانين والعفشجي قالي محتاجين تغيير
انا عاوز مشورتكم اجيب ابمساعدين منين وبكام ؟؟؟ الماني ولا صيني ولا استيراد ؟؟
واغير المقصات ولا اراجع على الجلب ؟؟ وايه اعراض تلف الجلب او المقصات ؟؟
وايه اعراض تلف السوست ؟؟
واعراض تلف الاسكترا ؟؟

تفتكروا عفشة كاملة استيراد من نص فليشيا تعمل كام ؟؟؟ هل هتبقى افضل ومضمونة ؟؟

**أحمد جودة** · 26-04-2014 02:52 PM

المشاركة الأصلية كتبت بواسطة ayman20100

السلام عليكم ورحمة الله

وعليكم السلام ورحمة الله وبركاتة
عفشة الفليشيا عندي مش مريحاني خالص
العفشة ناشفة ومش مريحة بحس بكل حاجة على الارض وكمان خفيفة

كلام جميل بس خليك فاكر ان عفشة الفليشيا اصلا ناشفة بطبيعتها مش زي عربيات تانية يمكن تكون متعود عليها
كل ما اروح اظبط العفشة الموضوع يقتصر على تغيير جلب المقصات والنتيجة ما فيش تغيير
انا بقى عاوز اعرف بإحتصار لو عاوز اشد العفشة ابدأ بايه واعمل ايه
المساعدين الامامي تعبانين والعفشجي قالي محتاجين تغيير
انا عاوز مشورتكم اجيب ابمساعدين منين وبكام ؟؟؟ الماني ولا صيني ولا استيراد ؟؟

عندك الوكالة ممكن تجيب عفشة كاملة المساعد بالسوستة بالطنبورة كمان بتاعت العجل
بس السعر مش هقدر أفيدك لو حبيت تغير لجديد هتكون مكلفة طبعا علشان لو جبت مساعدين ألماني مونرو من 400 الى 450 قدام وتقريباً زيهم ورا غير السوست انا شاري سوستتين بـ 240 من كام شهر ومعقولين

واغير المقصات ولا اراجع على الجلب ؟؟ وايه اعراض تلف الجلب او المقصات ؟؟

أعراض تلف المقصات هتلاقي الكاوتشات مش مظبوطة فيها لوحة وتسمع اصوات والعربية ماشية والله اعلم

وايه اعراض تلف السوست ؟؟

أعراض تلف السوستة والله اعلم لما كنت بعاني من المشكلة دي كنت بسمع صوت دبدبة فى المطبات وكنت شاكك فى المساعدين طلعو السوستين خفاف

واعراض تلف الاسكترا ؟؟

وأعراض تلف الاسكترا بتحس بتفاصيل الريق في الطارة زي المطبات والطرق المكسرة وكمان ممكن العربية مش هتكون مظبوطة الزواية

تفتكروا عفشة كاملة استيراد من نص فليشيا تعمل كام ؟؟؟ هل هتبقى افضل ومضمونة ؟؟

أنا من رأيي الشخصي لو هتشد العفشة بالكامل يبقي استيراد أفضل من تاجر مضمون .

أما لو هتغير مساعدين بس قدام فكر فى الجديد

((( كلامي إجتهاد شخصي جايز أصيب أو أخطئ ))) ومنتظرين أراء عمالقة القسم

تقبل خالص تحياتي

**EngAhmedSayed** · 26-04-2014 03:19 PM

انتا نوع الكوتش عندك اية
خلى بالك الكوتش يعتبر سبب اساسى
و البطاحات بتاعة المساعدين عاملة اية
بالتوفيق ان شاء الله

**sakr_skoda** · 26-04-2014 03:34 PM

المشاركة الأصلية كتبت بواسطة أحمد جودة

أنا من رأيي الشخصي لو هتشد العفشة بالكامل يبقي استيراد أفضل من تاجر مضمون .

أما لو هتغير مساعدين بس قدام فكر فى الجديد

((( كلامي إجتهاد شخصي جايز أصيب أو أخطئ ))) ومنتظرين أراء عمالقة القسم

تقبل خالص تحياتي

كدا يبقى أنا شغلتى على المدفع بلالم هههههههههههههه**

**المنسي** · 26-04-2014 03:36 PM

ياه شغل العفشة ووجع الدماغ معلش انا بدأت كلامى كده لان العفشة فى شوارعنا مش بتستحمل وهاقولك انا عن نفسى شديت العفشة كلها جديد من اكتر من سنة جوز مقصات بالجلب والبيض مع علبة دريكسيون المانى من ام 850 جنيه ايامها وكمان اربع مساعدين مع كان وقتها معاد تغيير الكاوتش وظبطت معايا سنة وشوية وبدأت تفتح بقها تانى قلت مش هاشترى جديد وهاخلينى فى الاستيراد وللاسف حظى تقريبا هو اللى وحش لانى اشتريت مقص المانى كان بحالة الجديد وساعتها التجر عرض عليا مقص للجنب التانى انا قلت له لا علشان ساعتها كان اللى عندى حالته كويسة بس عرفت الفرق لما ركبت الالمانى جنب بقت العربية كويسة وجنب لا
المهم علشان مطولش عليك
لو العفشة اللى عندك فيها شغل كتير
اولا بالنسبة للمقصات لو العربية بتعوم منك جامد هيبقى جلب المقصات محتاجة تغيير وللاسف الجلب اللى فالسوق صينى وشوية وهتحتاج تغيرها فلو كده هتجيب جوز مقصات استيراد المانى وهتلاقيهم محفور عليهم made in Germany وهيجو بالجلب متبرشمين ومعاهم البيض وتتاكد ان الجلبة جامدة ماسكة نفسها بالبلدى تجرب تلفها لقدام ولورا تلاقيها كويسة مش طرية او متهالكة والبيض نفس الكلام
ثانيا المساعدين دول هاتهم استيراد وعالتجربة اسبوع وانت ونصيبك انا بالنسبة لى حظى كان سيء فيهم جبت 3 مساعدين والتلاتة طلعو فشنك فلو هتجيبهم هاتهم من تاجر ثقة وتكون سمعته كويسة وياسلام لو فكهم قدامك من نص يبقى عمل معاك التمام
ثالثا السوست ليها عامل مهم لو حالتهم تعبانين غيرهم باستيراد وهاتهم محملين يعنى السوستة يكون الحديد بتاعها تخين مش رفيع
رابعا علبة الدريكسيون لو اللى عندك الاصلية بتاعة العربية ومعملتش حشو ليها قبل كده اشترى حشو ب 35 جنيه والعفشجى يظبطهالك انما لو اتعمل لها حشو قبل كده فهات علبة استيراد وبرده عالتجربة اسبوع
خامسا البطاحات وناس كتير مش بتاخد بالها منها فالافضل تغيرهم بجداد وهما مش غاليين الاتنين كنت جايبهم ب 35
وبالتوفيق

**حسن محمود احمد** · 26-04-2014 07:15 PM

انا ليا واحد صديقي اشتري عفشة كاملة من بورسعيد والرجل فكهاله من نصف استيراد ( الجانبين الاماميين كاملين مساعدين+مقصات+طنابيربالجها ز +كبالن+اسكترا ) (مساعدين خلفي +طنابير+الدونقل )بكام بقي بعد الفصال 725 جنيه والرجل كان طالب 1500 ده علي حسب كلام صديقي وانا محضرتش الموضوع ولكن الرجل بيقسم بالله

**aw2100** · 26-04-2014 11:10 PM

المشاركة الأصلية كتبت بواسطة ayman20100

الف شكر ليك كلامك فادني جداً خصوصاً في موضوع شراء الجديد والمستعمل غالباً في الاجزاء السهلة الفحص هلجأ للمستعمل المضمون ولو صعبة يا اما مستعمل على التجربة يا اجيب جديد وربنا يسهل
الغريب بقى في ردك موضوع السوست ... ازاي فيه سوست تخينة ورفيعة في الاستعمال مش هو المفروض انهم يبقوا نفس الشكل والنوع والتخانه لانهم الاصلي بتوع العربية ؟؟ ازاي فيه اختلافات ؟؟

مش كله بيبقى اصلى فيه قطع غيار بتبقى متغيرة فى العربيات الأستعمال مش الأصليه عادى بالنسبة للسوست حاول تقيس طول السوسته على الأرض وتاخد الأطول فى الطول بتبقى أقوى لكن للاسف فى الأستعمال بيبيعوا المساعدين متقفلين بسوستهم وخلى بالك بالنسبة لمساعدين امامى ممكن يكون المساعد معووج ويقلب العجلة فى الزوايا والعربية تحدف منك انصحك تاخد العفشجى معاك ينقى المساعدين بدل المشورة !!