| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 62

  1. #1

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي تبخر الزيت... هل هو حقيقة أم خرافة؟؟ - Facebook Twitter whatsapp انشر الموضوع فى :

    hasad">


    ناس كتير بتتكلم على بخر الزيوت ، وإن في زيوت معدل بخرها أعلى من غيرها، عشان كده الزيت بينقص في المواتير... حتى وهي جديدة بحالتها!!!

    في الحقيقة الكلام ده "غير دقيق"


    لإن كلمة "بخر الزيت" بانتشارها ومفهومها في عالم السيارات مش مقصود بيه نهائي إنه يتبخر أو يتطاير زي المية لما تسيبها معرضة للهوا مثلا.

    في الحقيقة .. معدل البخر بتاع زيوت التشحيم قليل جدا لما تيجي تقارنه مع السوائل الأخرى.. ويكاد يكون منعدم.


    كلام غريب شوية.. مش كده؟؟

    عايزك تسأل نفسك سؤال صغير... هو الزيت لما يتبخر وينقص مش المفروض إن فيه مكان يخرج منه؟؟

    فين المكان ده في بلوك موتور مقفول من كل حتة؟؟؟؟





    أمال إيه اللي بيخلي الزيت ينقص ؟؟ وتبقى العربية جديدة والموتور سليم ولسه جديد !!!


    في الحقيقة .. اللي احنا بنوصفه ده إسمه "استهلاك الزيت".


    استهلاك؟؟؟ يعني إيه؟؟

    أيوه .. الزيت بيستهلك .. وبكلمات أخرى .. الزيت بيتحرق مع البنزين أو السولار


    كل مواتير العالم بتستهلك زيت مع التشغيل... وده بسبب حاجتين رئيسيتين:

    *طبقة الزيت اللي بتفضل على السلندر من جوه.

    *رذاذ الزيت اللي بيطلع مع زيادة الضغط جوه البلوك من بلف الـ"pcv".


    أولا: طبقة الزيت داخل السلندر

    طبيعة عمل الموتور إن فيه أجزاء متحركة كتير... والحركة معناها احتكاك بين الأجزاء المتحركة وبالتالي ده بيعمل تآكل بين الأسطح المتلامسة ويسبب تولد حرارة عالية .. ده غير المقاومة الرهيبة نتيجة الاحتكاك

    الزيت مهمته الأساسية هي تقليل الاحتكاك.. وبالتالي الجزء المتحرك تبقى حركته سهلة وما يولدش حرارة عالية وما يتاكلش.




    السلندر من جوه لازم يبقى عليه طبقة من الزيت عشان البستم يمشي كويس... والبستم بيبقى فيه حلقات بتمنع اختلاط غرفة الحريق عن الأجزاء التانية المتحركة، ودي اللي معروفة بإسم "الشنابر"، ومن ضمن الشنابر دي فيه واحد أو اتنين مخصصين لمسح الزيت من على السلندر...




    بس المسح عادة مش بيتم بصورة كاملة، وبتفضل فيه طبقة رقيقة على السلندر بتتحرق مع البنزين.




    طبعا... كل ما كانت الشنابر متآكلة وحالتها وحشة كل ما كان مسح الزيت من على الجدران أقل، وده معناه نقص الزيت بمعدل أكبر.

    واللي بيحصل لما الميكانيكي يقوللك إن العربية عايزة "نص عمرة" إنه بيفتح ويغير الشنابر.




    ثانيا: خروج رذاذ الزيت من فتحة النفس


    المعروف إن فيه أجزاء كتير في الموتور بتتزيت بـ"الطرطشة" .. وبالتالي رذاذ الزيت ده بيخرج أثناء تزييت وش السلندر بالذات، وبيطلع من جوه البلوك من بلف الـ"pcv" ويرجع يدخل تاني مع خليط الوقود والهوا ويتحرق في السلندر..

    Oil jet piston cooling simulation - YouTube


    هو إيه بلف الـPCV ده؟؟؟؟


    الـPCV اختصار لجملة Positive Crankcase Ventilation يعني: تهوئة علبة المرافق الموجبة .. أو بكلمات أسهل "تهوية البلوك اللي ضغطه عالي".

    صمام الـPCV هي فتحة موجودة غالبا في غطا التاكيهات من فوق عشان تسمح بخروج الضغط الزيادة اللي ممكن يكون موجود جوه البلوك، وغالبا بيبقى عليها محبس بسيط عشان يفتح بس لما الضغط يزيد عن حد معين.




    طيب هو ليه الضغط بيزيد جوه البلوك؟؟

    الطبيعي إن الاحتراق داخل السلندر بينتج عنه غازات (العادم).. والطبيعي كمان إن إحكام قفل السلندر بالشنابر مش بيكون 100% زي ما قلنا من شوية... بمعنى إن طبيعي جدا نلاقي جزء من الغازات دي بيهرب من الشنابر ويدخل جوه البلوك..

    بص على الصورة دي... دي صورة للموتور بتبين ازاي الغازات بتمشي من جوه السلندر وتدخل البلوك وبعدين تطلع من فتحة النفس وترجع تدخل تاني مع خليط البنزين مع الهوا.




    اللي بيحصل فعليا إن نسبة الغازات اللي بتتسرب من السلندرات بتبقى قليلة جدا لما الموتور يكون سخن... وبتزيد بشكل واضح لما الموتور يكون بارد أو ما وصلش لدرجة حرارة التشغيل الصحيحة... وده بيحصل طبعا في بداية التشغيل أو في حالة لو ثرموستات الكوعة متشال أو عطلان وهو مفتوح.


    يمكن اللي بيفرق في كمية الاستهلاك هو مدى سهولة تحول الزيت إلى رذاذ (مش بخار) وبقاؤه في هذه الحالة دون ترسب.. وده هو المقصود بكلمة "بخر الزيت"..



    معنى كده إن موضوع استهلاك الزيت ده لا يمكن نتفاداه؟؟؟

    أيوه... لدرجة إن معظم كتالوجات العربيات بيبقى مكتوب إن معدل استهلاك الزيت ممكن يوصل لحد 1 لتر كل ألف كيلومتر !!!!!

    والمعدل العالي ده ممكن العربية العادية تعمله فعلا في حالات التشغيل بالحمل الأقصى، وده غالبا بيحصل لما:
    يكون الزيت اللي بتستخدمه خفيف...
    والعربية محملة بأقصى وزن مسموح...
    مع رفع دوران الموتور لقرب الخط الأحمر...

    وممكن يحصل بمعدل قريب منه إذا كان أسلوب سواقتك رياضي يعتمد على الحرق المستمر.




    بس ممكن بسهولة جدا نقلل من الاستهلاك..

    إزاي؟؟؟


    *حاول تستخدم زيت أثقل بعض الشيء (مداه مناسب لجو مصر).. لإن كل ما كان الزيت خفيف ، كل ما كان استهلاكه أكتر.

    *حاول تستخدم زيت تخليقي.

    *حاول تقلل من الدوران العالي للموتور... يعني خليك في المدى المتوسط بتاع الـRPM.

    * حاول تقلل من استخدام عربيتك في مشاوير قصيرة وهي باردة.

    * حافظ على ثرموستات الكوعة سليم وشغال كويس.

    * والأهم من ده كله... اختار الزيت المناسب لموتور عربيتك زي ما الكتالوج بيقول.




    لو عايز معلومات أوسع عن الزيوت وطرق اختيارها .. اتفضل بالدخول على الموضوع ده..
    http://www.nilemotors.net/Nile/341680-a.html

    ولو عايز معلومات أكتر عن ثرموستات الكوعة.. اتفضل بالدخول على الموضوع ده..
    http://www.nilemotors.net/Nile/328708-a.html

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  2. #2

    الصورة الرمزية peter magdy

    رقم العضوية : 129273

    تاريخ التسجيل : 10Sep2012

    المشاركات : 298

    النوع : ذكر

    الاقامة : القاهرة

    السيارة: byd f3

    السيارة[2]: byd f3

    الحالة : peter magdy غير متواجد حالياً

    افتراضي -

    ماشاء اللة عليك
    شرح وافى و علم مفيد
    لكن فى بعض الناس مثلا بتبقى عربيات لم تتخطى 20.000 كم
    و بيحطو زيوت تخليقية 5w 40 و بيقولو الزيت بيقل جامد و بنزودة كل فترة
    و خصوصا زيت زى ليكوى مولى ناس كتير اشتكت منة فى النقطة دى
    طب تبقى المشكلة هنا فين - زيت ولا مشكلة فى الموتور
    شكرا على المعلومات القيمة


  3. #3

    الصورة الرمزية heeshooheeshoo

    رقم العضوية : 48866

    تاريخ التسجيل : 05Oct2009

    المشاركات : 514

    النوع : ذكر

    الاقامة : القاهره

    السيارة: was sunny s.s.2010

    السيارة[2]: FLUENCE H.L.2014

    دراجة بخارية: لاتوجد

    الحالة : heeshooheeshoo غير متواجد حالياً

    افتراضي -

    شكرا لك شكرا جزيلا
    معلومات قيمة بشرح مبسط .. السهل الممتنع

    you DO understand it well enough so you can
    explain it simply

    تقبل شكرى وتحياتى ،،،


    #ff0000


  4. #4

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    شكرا للمعلومه الوافيه ...............


  5. #5

    الصورة الرمزية the lawyer

    رقم العضوية : 127538

    تاريخ التسجيل : 14Jul2012

    المشاركات : 620

    النوع : ذكر

    الاقامة : giza

    السيارة: لا يوجد

    السيارة[2]: رينو لوجان 2013

    دراجة بخارية: لا يوجد

    الحالة : the lawyer غير متواجد حالياً

    افتراضي -

    موضوع مفيد جداً .. شكرا على مجهودك


  6. #6

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    شكرأ علي المجهود والشرح
    بس الموضوع كان محتاج تبسيط شوية لأصحاب الخبرة القليلة

    تحياتي لشخصكم الكريم

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  7. #7

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة syd مشاهدة المشاركة
    شكرأ علي المجهود والشرح
    بس الموضوع كان محتاج تبسيط شوية لأصحاب الخبرة القليلة

    تحياتي لشخصكم الكريم


    شكرا جزيلا لمرورك.. وأشكرك بشدة لتوضيح نقطة يمكن ما كنتش واخد بالي منها

    بس المشكلة إني علشان أبسط هضطر أرجع لأساسيات تانية يمكن تخرجنا برا الموضوع. . وحاسس إنها ممكن تتوه اللي بيقرا...

    عالعموم.. أنا هحاول أعدل على الموضوع وأزود شوية معلومات عن فكرة عمل الموتور الأساسية.



    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  8. #8

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    اقتباس المشاركة الأصلية كتبت بواسطة borio1704 مشاهدة المشاركة

    شكرا جزيلا لمرورك.. وأشكرك بشدة لتوضيح نقطة يمكن ما كنتش واخد بالي منها

    بس المشكلة إني علشان أبسط هضطر أرجع لأساسيات تانية يمكن تخرجنا برا الموضوع. . وحاسس إنها ممكن تتوه اللي بيقرا...

    عالعموم.. أنا هحاول أعدل على الموضوع وأزود شوية معلومات عن فكرة عمل الموتور الأساسية.



    ...
    بارك الله فيك وشكراً علي الأستجابة وسرعة الرد
    انا فعلا كنت اقصد كدة
    حتي لو لينكات لتوضيح مكونات المحرك الداخلية زي البستم والسلندر والروديه والصبابات وكيف يعمل المحرك اساساً وفكرة دورة الزيت بداخله
    انا شخصياً اول مرة اسمع عن الPVC Valve هل هو دة مبخر الزيت ؟؟؟
    وازاي بتم عملية الطرطشة ؟؟ او الرزاز ؟

    أسف للأطالة ولكني متابع جيد لموضوعات حضرتك ومعجب بها جميعاً

    تحياتي لشخصكم الكريم

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  9. #9

    الصورة الرمزية carrier

    رقم العضوية : 149353

    تاريخ التسجيل : 29Sep2013

    المشاركات : 1,675

    النوع : ذكر

    الاقامة : القاهرة

    السيارة: الطلقة بروتون جين2

    السيارة[2]: الرائعة هوندا اكورد FULL OPTION

    الحالة : carrier غير متواجد حالياً

    افتراضي -

    انت فعلا من الناس المحترمة اللى بتحب الكل من زملائه يتثقف

    وافر التحية لسيادتكم

    سبحان الله وبحمده استغفر الله واتوب اليه
    دعاء رسولك الكريم / من سورة النصر


  10. #10

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    hasad">

    موضوع ممتاز وياريت كمان بالمرة تشرحلنا بطريقتك المتميزة بلف الـ PCV وازاى بيأثر في العربية لو بايظ سواء مسدود على طول او مفتوح على طول وازاى نفحصه ونعرف سليم ولا مفتوح على طول ولا مقفول على طول ، وامتى يخلى الزيت يتحرق وامتى يخلى العربية تلخبط في السلانسيه ودوره في عملية الـ emission control والفرق بينه وبين الـ EGR
    وتفسير لبعض الظواهر المرتبطة بعمله زي مثلا لو فتحت غطا الزيت والعربية دايرة ع السلانسيه تلاقى نفخ هوا حتى لو العربية زيرو ، واول ما تزود اكسراتير النفخ ده يروح



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. حقيقة الزيت والنبزين وكل اللي عاوز يعرف يدخل
    بواسطة karembob في المنتدى مختــلف أنواع الدراجات النارية
    مشاركات: 23
    آخر مشاركة: 13-11-2011, 08:21 PM
  2. طب ولا خرافة
    بواسطة sonds في المنتدى عيــادة نايـل مـوتـورز
    مشاركات: 10
    آخر مشاركة: 24-07-2010, 05:46 PM
  3. التو الجديدة خرافة
    بواسطة youssefmustang في المنتدى سـوزوكى
    مشاركات: 15
    آخر مشاركة: 28-09-2008, 04:22 AM
  4. اعمال خرافة!!!!!!!!!!؟؟؟؟؟؟
    بواسطة eng_mkhalaf في المنتدى المنتــــــدى الاجتمــاعى
    مشاركات: 4
    آخر مشاركة: 05-12-2007, 04:05 PM
  5. سيارة خرافة تويوتا افنسيس
    بواسطة mohamed551 في المنتدى تـويوتـــا
    مشاركات: 18
    آخر مشاركة: 18-09-2007, 06:22 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2