الموضوع: حد معاه تليفون حد من ادارة نيسان او ايميل ليهم

دلوقتي العربية يوم 1/4 حصل فيها صوت عالي جدا و غريب، ركنت على جنب و بطلت و اطمنت ان كل حاجة سليمة و رجعت ادور الثاني العربية م لاقطة مارش خاص

المهم كلمت السبع بعتولي ونش وديتها على هناك و كان التشخيص ان الموبينة بتاعة المارش باظت علشان في ترس بيدور ترس في الموتور و يرجع فمارجعش و لف بسرعة دوران الموتور

طيب الحل يا جماعة ايه؟ لازم يتغيرلها مارش بس هو مش موجود و نيسان عندهم جرد لحد يوم 15/4 فاحنا هنصلحه مؤقتا لحد ما يجي من نيسان.

السبع صلح العربية بس انا بقى عندي هسهس منها و قلق مش طبيعي لحسن تعمل فيا كدة ثاني المهم استنيت 12 يوم و كلمت السبع ها المارش وصل؟ لأ يا فندم موصلش

كلمت نيسان و قلت اعمل شكوى بتاريخ 12/4 و اتسجلت و قالولي في خلال 72 ساعة هيجي الرد لحضرتك و استنيت

كلمتهم ثاني يوم 20 و قالولي مفيش رد جه من الادارة و هنبعتلك استعجال
يوم 22 نفس الرد
يوم 24 نفس الرد
النهاردة 26 و نفس الرد

طيب يا جماعة حولوني بحد من الادارة ... غير مسموح يا فندم احنا بنتعامل بالe-mails
طيب ادوني الe-mail ... غير مسموح يا فندم

دلوقتي انا عاوز اعرف ايه التصرف السليم في الموضوع ده و لو حد معاه رقم تليفون قطع الغيار في الادارة نفسها ياريت يدهوني او e-mail الادارة هنا او e-mail نيسان اليابان علشان انا بجد قرفت من الكول سنتر اللي مفيش في ايدو حاجة ده