تجربة حل مشكلة تكييف > هاي لين ٣٠١

**lola_pepito** · 27-04-2014 12:41 AM

لاحظت إن عند ناس كتير التكييف مش بيصقع كويس، أنا كمان عندي نفس الموضوع إلا إذا وضعته في الحالة إلي زي الصورة اللي تحت

(ملاحظة: التكييف مش بيصقع كويس لما بطلب وضع وجود هواء إتجاه تحت و فوق و أمام الجالس، أحسن وضع عشان التكييف يبقى كويس هو أمام الجالس زي ما هو باين في الصورة اللي تحت)

**amrelsaqqa** · 27-04-2014 12:53 AM

مش عارف بس انا عندى حتى لو عامل على وضع توزيع الهوا فوق وتحت بيبقى التكييف كويس وقوة دفع الهوا افضل منها في الكورولا لما تكون بنفس وضع توزيع الهوا وكمان انا عندى في البيزلاين ممكن تخلى الهوا مثلا فوق وتحت بس فوق اكتر من تحت او العكس يعنى كذا درجة لكل وضع حسب التدريج على البكرة

مش عارف هل التكييف التاتش بتاع الهايلاين في حاجة مختلفة عن البيزلاين ولا لا انا حاسس ان اللى بيشتكوا من التكييف كلهم اللى معاهم الهايلاين بس تقريبا ؟؟؟

اهم نصيحة في موضوع التكييف في رأيي ان تحت اي ظرف خلى دايما التكييف على اسقع درجة (اقصى حاجة في الازرق) لان غير كدة بيفتح مجال لدخول الهوا السخن عشان يعادل الفرق ويديك الدرجة اللى انت عاوزها ، يعنى فقد في الطاقة وخلاص ، مش نظام ترموستات زي تكييفات البيت وتفتكر انك كدة مقلل استخدام الكمبريسور

فعلى طول تخليه على اسقع درجة وتتحكم في سرعة المروحة فقط وسرعة المروحة هى اللى بتأثر على مقدار تحميل الكمبريسور على العربية مش مفتاح التحكم في درجة الحرارة

**nonalaziza** · 27-04-2014 01:03 AM

انا بضبطه علي كده برضه بس لسه مشغلتوش كتير

**m mosalam** · 27-04-2014 01:39 AM

هى علامة المروحة الكبيرة بتاعت اية والصغيرة بتاعت اية

**lola_pepito** · 27-04-2014 01:43 AM

المشاركة الأصلية كتبت بواسطة amrelsaqqa

مش عارف بس انا عندى حتى لو عامل على وضع توزيع الهوا فوق وتحت بيبقى التكييف كويس وقوة دفع الهوا افضل منها في الكورولا لما تكون بنفس وضع توزيع الهوا وكمان انا عندى في البيزلاين ممكن تخلى الهوا مثلا فوق وتحت بس فوق اكتر من تحت او العكس يعنى كذا درجة لكل وضع حسب التدريج على البكرة

لما بيبقى على a/c max بيبقى كويس فوق وتحت و أمام انما إذا هدته بحس الساقعة تحت أكتر من الاتنين التانيين، علشان كدة بضبط على أمام بس و ده بيصقع كويس

المشاركة الأصلية كتبت بواسطة amrelsaqqa

مش عارف هل التكييف التاتش بتاع الهايلاين في حاجة مختلفة عن البيزلاين ولا لا انا حاسس ان اللى بيشتكوا من التكييف كلهم اللى معاهم الهايلاين بس تقريبا ؟؟؟

الشاشة ديجيتال فقط مش تاتش، أنا كمان مش عرفة إذا كان فيه إختلاف ولا لأ بس حبيت انقل الطريقة اللي بتشغل التكييف كويس عندي بعد ما شفت كذا موضوع عن مشكلة التكييف

المشاركة الأصلية كتبت بواسطة amrelsaqqa

اهم نصيحة في موضوع التكييف في رأيي ان تحت اي ظرف خلى دايما التكييف على اسقع درجة (اقصى حاجة في الازرق) لان غير كدة بيفتح مجال لدخول الهوا السخن عشان يعادل الفرق ويديك الدرجة اللى انت عاوزها ، يعنى فقد في الطاقة وخلاص ، مش نظام ترموستات زي تكييفات البيت وتفتكر انك كدة مقلل استخدام الكمبريسور

فعلى طول تخليه على اسقع درجة وتتحكم في سرعة المروحة فقط وسرعة المروحة هى اللى بتأثر على مقدار تحميل الكمبريسور على العربية مش مفتاح التحكم في درجة الحرارة

ده فعلاً الوضع الاحسن، زي ما هو باين في الشاشة (على الشمال) الوضع على أصقع حاجة و بتحكم في سرعة المروحة (على اليمين) هنا متوسط

شكراً على رد حضرتك

**lola_pepito** · 27-04-2014 01:45 AM

المشاركة الأصلية كتبت بواسطة nonalaziza

انا بضبطه علي كده برضه بس لسه مشغلتوش كتير

ابقي قوللنا إيه رأيك لما تستخدميه أكتر

**lola_pepito** · 27-04-2014 01:47 AM

المشاركة الأصلية كتبت بواسطة m mosalam

هى علامة المروحة الكبيرة بتاعت اية والصغيرة بتاعت اية

دي سرعة المروحة، الصغيرة عشان أقلل السرعة و الكبيرة عشان ازودها، في الشاشة السرعة متوسطة

**Ahmed_Ta21** · 27-04-2014 02:16 AM

واضح ان مفيش مشكلة في تكيف البيجو
ولكن لسه بنتعرف علي نظام التشغيل الخاص بيها
شكرا علي الموضوع الرائع
ونقطة اخيرة لملاك العربية اي عربية بتتاثر بالسحب هل التاثير كبير ولا نسبة صغيرة ؟ وكفائة التكيف فعلا تلاجة زي مابسمع؟

**lola_pepito** · 27-04-2014 10:27 AM

المشاركة الأصلية كتبت بواسطة Ahmed_Ta21

واضح ان مفيش مشكلة في تكيف البيجو
ولكن لسه بنتعرف علي نظام التشغيل الخاص بيها

فعلاً

شكرا علي الموضوع الرائع

العفو

ونقطة اخيرة لملاك العربية اي عربية بتتاثر بالسحب هل التاثير كبير ولا نسبة صغيرة ؟ وكفائة التكيف فعلا تلاجة زي مابسمع؟

ليه تأثير بسيط لغاية سرعة ٥٠، أنا ببقى عايزه العربية تشد أسرع فالrpm بيعلى، وساعات مش ببقى محتاجة أسرع ف التكييف ميأثرش على السحب.
أنا مش بزود سرعة المروحة عن المتوسط عشان بتصقع أوي إذا زادت عن كدة