الموضوع: رجالة كورولا جنوب افريقى برجاء المساعدة

السلام عليكم
انا معايا هيونداى ماتريكس 2006 مانيول وكنت عايز اغير واجيب كورولا 2008 جنوب افريقى و كنت عايز استفسر عن الأتي:

لو هابيع الماتريكس هاتجيب في حدود كام مع العلم انها فابريكة جوة و فيها شغل بسيط بره, و عامله 56000 كم لانى شاريها من واحد قريبي مسافر كان عامل بيها 15000 كم بس, و حالة الموتور والميكانيكا حاليا اكثر من ممتازة.

رينجات اسعار الكورولا ( مانيوال هاي لاين, اوتوماتيك بس تكييف بكر وعدادات عادية وكدة ,اوتوماتيك هاي لاين )

انا عارف ان موضوع الفتيس بتاعها( mmt) عامل مشاكل لناس كتير, وانا قريت تقريبا معظم الموضوعات اللي عليه و مش عارف اوصل هل هو مشكلة فعلا ولا طريقة سواقة.

حوار تعديل ال فتيس فى التوكيل لسه شغال لحد دلوقتي ولا لأ ( عشان لو لقيت عربية صاحبها ما كانش عامل التعديل ) ولو لسه شغال ايه شروط التوكيل للعربية اللي هاتعمله, و ايه هو التعديل بالضبط ( فى مواضيع مكتوب فيها انو سوفت وير ومواضيع ثانية مكتوب انو تغيير الفتيس بالكامل)

الفتيس durable في السواقة في بلدنا الهايلة دي ولا لأ, مع العلم اني ساكن في اخر الهرم وشغلي فى مساكن شيراتون.

اخبار صيانات العربية ايه ( ايه ممكن يتعمل برة التوكيل, و ايه لازم في التوكيل ) وفى ميكانيكيه شاطرين فيها وفين, و اسعار قطع غيارها عامله ايه ( بره التوكيل و فى التوكيل )

نصائح عامة عن العربية

ولو حد يعرف حد عايز يبيع يقوللى

و معذرة للاطالة, وارجو الرد السريع باستفاضة شكرا