الموضوع: محتار فى شراء ياريس 2009 أتوماتيك وﻻ نيو أكسنت 2009 أوتوماتيك؟؟

بص ياسيدي عشان أنا كنت في حيرتك دي بالضبط وأنا باشتري، وأول ما دورت كان على ياريس وأكسنت فعلا.

طيب::

أولا لو مُصر على أوتوماتيك أنصحك بالياريس طبعا هاتقولي عشان ياباني ؟ هاقولك آه عشان ياباني، طيب ده مش معناه إن النيو أكسنت "بالذات" وحشه في الأوتوماتيك، لأ، لكن فيه فرق في قدرة الأوتوماتيك بين الياريس والأكسنت، الأولى 1300 والتانية 1600 وعفي كمان. فهو اختيار محير.

تابعني برد وهاكمل معاك عشان أنا قتلتهم بحث من سنه لما كنت بشتري .... متابع

نكمل...

الياريس ياباني بمعنى:

/ اعتماديه عاليه ،الياباني عياش،
/ سعر قطع غيار عالي مش جدا يعني
/ تقفيل ممتاز
/ جوده عاليه في الخامات ماعدا البويه والاكصدام الامامي مش كويسين خالص
/ مريحه
/ عاليه يعني حلوه في المطبات
/ واسعه معقول عائله صغيره زي مازميلنا قال قبل كده
/ ١٣٠٠ سي سي وأظن ده عيب من وجهة نظري المتواضعه بالذات لو أوتوماتيك
/ الحوض ضيق ومنه بيزعل في الصيانه


أما النيو أكسينت كوري بالكامل بمعنى: "سيارتي الحاليه ٢٠١٠"

/ ١٠٠ سيارة فقط من الفئة دي على مستوى العالم كان فيها عيوب صناعه
/ تقفيل جيد جدا وممكن تقول ممتاز
/ الجوده جيده جدا وليس ممتازه ،من الداخل،
/ العربيه متينه عن الياريس والحوض بتاعها بيعجبني عن الياريس واسع وواضح نوعا ما
/ العربيه موفره في البنزين جدا والياريس كمان لكن يبقى القوة مع التوفير
/ عاليه يعني مافيش حك في المطبات
/ قطع غيار رخيصه نسبيا وجوده ترتقي للياباني ومتوفره طبعا لاعتمادية هيونداي العاليه في مصر
/ حمالة أسيه مش خيخه
/ شبه سبور بمعنى ثبات في الجري ونشفان في المطبات والنقر وده أبرز عيوبها


أنا تركت الياريس بعد المعاينه الفعليه واشتريت نيو أكسينت ومر سنه ونصف وأنا راضي تماما عنها الا في المطبات والنقر وعشان كده هاغير كاوتشات ليوكوهاما او بريدجيستون كله قال هاتفرق معايا

لو عندك استفسار غير كده قولي .. تقبل تحياتي

المشاركة الأصلية كتبت بواسطة m6r1282

نكمل...

الياريس ياباني بمعنى:

/ اعتماديه عاليه ،الياباني عياش،
/ سعر قطع غيار عالي مش جدا يعني
/ تقفيل ممتاز
/ جوده عاليه في الخامات ماعدا البويه والاكصدام الامامي مش كويسين خالص
/ مريحه
/ عاليه يعني حلوه في المطبات
/ واسعه معقول عائله صغيره زي مازميلنا قال قبل كده
/ ١٣٠٠ سي سي وأظن ده عيب من وجهة نظري المتواضعه بالذات لو أوتوماتيك
/ الحوض ضيق ومنه بيزعل في الصيانه


أما النيو أكسينت كوري بالكامل بمعنى: "سيارتي الحاليه ٢٠١٠"

/ ١٠٠ سيارة فقط من الفئة دي على مستوى العالم كان فيها عيوب صناعه
/ تقفيل جيد جدا وممكن تقول ممتاز
/ الجوده جيده جدا وليس ممتازه ،من الداخل،
/ العربيه متينه عن الياريس والحوض بتاعها بيعجبني عن الياريس واسع وواضح نوعا ما
/ العربيه موفره في البنزين جدا والياريس كمان لكن يبقى القوة مع التوفير
/ عاليه يعني مافيش حك في المطبات
/ قطع غيار رخيصه نسبيا وجوده ترتقي للياباني ومتوفره طبعا لاعتمادية هيونداي العاليه في مصر
/ حمالة أسيه مش خيخه
/ شبه سبور بمعنى ثبات في الجري ونشفان في المطبات والنقر وده أبرز عيوبها


أنا تركت الياريس بعد المعاينه الفعليه واشتريت نيو أكسينت ومر سنه ونصف وأنا راضي تماما عنها الا في المطبات والنقر وعشان كده هاغير كاوتشات ليوكوهاما او بريدجيستون كله قال هاتفرق معايا

لو عندك استفسار غير كده قولي .. تقبل تحياتي

مشكووووووووووووووووور على رد حضرتك الوافى
بس عندى أستفسار بالنسبة للفرامل أنا جربت فرامل النيو أكسنت عند حدوث توقف مفاجئ على طريق سفر والعربية بسبب عدم وجود ال abs و الفرمل الخلفية الطنابير وليس ديسكات العربية زحفت مع إن السرعة كانت حوالى 90كم وصفرت بدرى قوى من غير ما توقف؛ ولكنى مجربتش فرامل الياريس بس كل اللى أعرفه عنها إن فيها abs
محتاجك توضحلى رأى حضرتك فى فراملها خصوصا على طريق سفر وشكرا..

المشاركة الأصلية كتبت بواسطة profzizo

مشكووووووووووووووووور على رد حضرتك الوافى
بس عندى أستفسار بالنسبة للفرامل أنا جربت فرامل النيو أكسنت عند حدوث توقف مفاجئ على طريق سفر والعربية بسبب عدم وجود ال abs و الفرمل الخلفية الطنابير وليس ديسكات العربية زحفت مع إن السرعة كانت حوالى 90كم وصفرت بدرى قوى من غير ما توقف؛ ولكنى مجربتش فرامل الياريس بس كل اللى أعرفه عنها إن فيها abs
محتاجك توضحلى رأى حضرتك فى فراملها خصوصا على طريق سفر وشكرا..

جيت في حاجه حساسه

الياريس أفضل في الفرامل لأن عموم الياباني ممتاز في الفرامل وكمان دي بنسبه كبيره فيها ABS تتأكد من ان ليه لمبه في التابلوه

أما جميلتي أكسنت الفرامل لما كنت شاريها من سنه ونصف كانت تمام لكن هي عملت اللي حضرتك بتقول عليه لكن على الأول وبدون صفاره ودخلت في حاجه على الخفيف كده ولكن ده مش فرامل ده كاوتش كومهو سوليس الاصلي اللي فيها من مميزاته الجباره عدم الفرامل وسيء جدا عشان كده أنا ذكرت سابقا موضوع الكاوتش ده

طيب على السرعات أنا شادد الفرامل ومظبطها عند ميكانيكي ولما خرجت من عنده كانت تمام من ٣ شهور كده ولكن اليومين دول لو أنا ماشي سريع وأضغط فرامل وفعلا بالذات المفاجئه بيكون فيه صفاره وده بنسبه كبييييره من وجهة نظري المتواضعه من الكاااااااوتش اللي أنا بصدد تغييييره الاسبوعين دول

في رحلة البحث عن الكاوتش عرفت ان فيه صفاره في الفرمله مع الكاوتشات السيئة زي كومهو سوليس خاصتا لو قديمه زي ماعندي كده


على العموم معروف ان فرامل اكسنت على أد العربيه يعني جيده والكوري عامة مش زي الياباني في الفرامل


وأنا منتظر استفسارات أخرى ... تقبل تحياتي

أنا نسيت أذكر حاجة مهمة جدا وهي إن نوعية الطرق اللي انت بتمشي فيها يعني (سريع ولا زحمة ممهد ولا مش ممهد) بيفرق في طلبك لنوعية الفرامل.

سريع = فرامل جيده جدا أو ممتازه.
زحمة = أي فرامل هاتقضي.

هو صاحب الموضوع فين ؟؟

على فكره أنا غيرت كاوتشات العربيه الاربعه بكاوتشات دانلوب ياباني

وموضوع الفرامل والزحف فعلا من الكاوتش الزفت اللي نازل في العربيه وهو كومهو سولاس الزفت

فاطمن منىالناحية دي