تكييف الاوبل بقي تلاجه

**organic_magic** · 27-04-2014 10:54 AM

بسم الله الرحمن الرحيم

حبيب اشاركم بتجربتى في اصلاح التكييف وجعله ولله الحمد كالثلاجه

اولا رحت كشفت على دوره التبريد وقد كان وطلع فيه تسريب

المهم بعد عده محاولات وجد ان التسريب من شجره التكييف ومن ساعه التكييف (مش عارف اسمها صح كدا ولا لا ) وما ادراك م الشجره

رحت اشترى وحده شونه وقد تراوحت الاسعار ببورسعيد مابين 800 جنيه الي 1200 جنيه وساعه التكييف كانت عامله 250 جنيه يعنى نقول تقريبا اجمالى المشتريات 1000 جنيه

المهم نفضت لكل اللي فوق ده واتفقت مع الصنايعي اننا نعمل كل حاجه بلدي --- ايواااا بلدى

رحنا اشترينا خراطيم امريكي علي مقاس شجره التكيييف ودي كانت تكلفتها بالكبس والغوايش ولحام الالمونيوم 100 جنيه للفرده الواحده وهم فردتين يعنى نقول 200 جنيه

طبعا علشان الموضوع ينجح معانا اخدنا بتاع 8 ساعات من حل وتركيب وكشف ويطلع فيه تسريب ونروح نكبس الخراطيم تانى ونركب و نلاقي مشاكل فنحل تانى فيطلع من اللحام وهكذا --- يعنى الموضوع خد حوالى 11 ساعه بالتمام والكمال طبعا كلها كانت مشاكل من اللي بيكبس الخراطيم واللحام

المهم جينا لساعه التكييف ولغيناها خالص

ايوا لغيناها خالص وحطينا مكانها بلف وقفلناه خالص

وجه عم الكهربائي عملى افتكاسه بس صايعه قوى

شغلى المروحتين بالسرعات العاليه مع التكييف يعنى اشغل التكييف المروحتين يشتغلوا علي السرعات العاليه

ولا لغينا خراطيم سخن ولا قطعناهم ولا جينا جمبهم خالص

والنتييجه ---- عندي برد حاد من التكييف مع انى من ساعتها مشغلتهوش غير عل السرعه ال 2 بس

المهم الحوار كله اتكلف بالمصنعيات بالقهاوى ب 2 اويل سيل الكمبروسير ---- 650 جنيه فقط
والراجل حالف مييشتغل تانى في الاوبل علشان ضيعتله اليوم كله وسهرته هو وكل العمال اللي عنده

**Gelgel2004** · 27-04-2014 11:11 AM

الف مبروك البرد
اقصد التكييف
بس ممكن صور للافاده
و بعدين حضرتك درست امكانية تاثر الخراطيم بالحراره اللى حواليها
انصح بعمل عازل فوم للخراطيه للحمايه
و سلامتك..