تحذير من سوق السيارات للي عايز يشتري

**Ahmed Saad** · 27-04-2014 01:43 PM

صباح الفل علي اعضاء المنتدي الكرام يوم الجمعه اللي فاتت نزلت السوق علشان اشوف الاسعار عامله ايه فاتصدمت كل واحد عامللي فيها فتك وان عربيته احسن واحده في مصر وطالبين فوق تمن العربيه من 10000ج ـالي 40000ج في عربيه شفتها بعيني وكلهم تجار وعايزين يلبسوا الناس في عربياتهم ومعظم العربيات في السوق معيوبه او قالبه عداد او فيها مشاكل ومتلصمه فوجب التحذير علشان محدش ينزل السوق وحد ينصب عليه والافضل للي عايز يشتري عربيه تكون من حد عارفه او من مواقع البيع علي الانترنت والاهم من ده كله الكشف عند مركز صيانه او التوكيل ويارب اكون خفيف عليكم بمشاركتي دي

**م أحمد** · 27-04-2014 01:59 PM

المشاركة الأصلية كتبت بواسطة hitmangate

صباح الفل علي اعضاء المنتدي الكرام يوم الجمعه اللي فاتت نزلت السوق علشان اشوف الاسعار عامله ايه فاتصدمت كل واحد عامللي فيها فتك وان عربيته احسن واحده في مصر وطالبين فوق تمن العربيه من 10000ج ـالي 40000ج

في عربيه شفتها بعيني وكلهم تجار وعايزين يلبسوا الناس في عربياتهم ومعظم العربيات في السوق معيوبه او قالبه عداد او فيها مشاكل ومتلصمه فوجب التحذير علشان محدش ينزل السوق وحد ينصب عليه والافضل للي عايز يشتري عربيه تكون من حد عارفه او من مواقع البيع علي الانترنت والاهم من ده كله الكشف عند مركز صيانه او التوكيل ويارب اكون خفيف عليكم بمشاركتي دي

حتى مواقع النت التجار دخلو فيها و ان كانت صعبة شوية عليهم

**eng.m7md.ali** · 27-04-2014 02:02 PM

شكرا عالتحذير

النت بردو مليان نصابين واسعار خرافية

**yyy** · 27-04-2014 02:26 PM

المشاركة الأصلية كتبت بواسطة م أحمد

حتى مواقع النت التجار دخلو فيها و ان كانت صعبة شوية عليهم

النت بقي كله تجار
و بيبيعوا المستعمل اغلي من الزيرو ....!!!!!!!

**houba85** · 27-04-2014 02:30 PM

واحد عارض عربيته للبيع كورولا 2013 ب 200 الف جنيه .. من انهي اتجاه مش عارفة

**Omar Mahmoud** · 27-04-2014 02:39 PM

انا جربت انزل سوق السيارات مرة واحدة مع خالي من اربع سنين و كان في استهبال جامد في اسعار العربيات
مثلا واحد كان عارض الاوبل كورسا سي الالماني ب 75000 جنيه
دايهاتسو شاريد اوائل التسعينات(مش فاكر سنة كام بالظبط) كانت بعشرين الف و فيها تكييف اول ما يشتغل العربية تفضل تتهز بطريقة غريبة لحد ما يطفي و في الاخر صاحبها بيقول هي كدة

**friendship7897** · 27-04-2014 02:51 PM

شكراً للنصيحة
لكن هو التجمع الأكبر للسيارات المستخدمة في حدود كل المبالغ المتاحة للناس
فعلشان كدة ممكن نستفيد منه رغم وجود التجار فيه
في الأول أنت تدرس أسعار السوق للسيارات اللي في حدود مبلغك
ويكون معاك ميكانيكي شاطر
يشوف العربية اللي تعجبه وتعرض أنت المبلغ على البائع أو التاجر حسب كل عربية
وتاخد رقم تليفونه وتكمل لف في السوق - هو نفسه بيزهق من وقفة السوق طول النهار فممكن يوافق على عرضك
والسوق نفسه عايز صبر وطول نفس ومش زيارة يوم واحد
زيارة الجمعة والأحد حتى تلاقي اللي نفسك فيه
أه فيه نصيحة كمان اللي يروح السوق ما ياخدش كل المبلغ معاه
ياخد يادوب عربون للعربية لربط الكلام بس بعقد إتفاق ، وتخرج العربية من السوق بالعربون دا وتطلع بيها على أي بنزينة لرفعها ولما تقتنع بيها أنت والميكانيكي اللي معاك تدفع ثمنها وتكون شايل باقي في الفلوس عند أي قريب أو صديق موثوق به وساكن قريب من السوق إلا ثلاثة أو أربعة ألاف جنيه من تمنها ، وتاخد العربية ، والرخصة ومذكرة إستلام فيها ساعة الإستلام .
ولما يجيب لك شهادة المخالفات أو البيانات تدي له الباقي في الشهر العقاري عند التسجيل
وبالتوفيق ،

**ALnadi** · 27-04-2014 04:01 PM

فعلا السوق من زمان على نفس هذا الحال
ولاكن هذا لايمنع إنه فيه لقط أو مش لقط بمعني الكلمه ولاكن ممكن الوحد يوفق في حاجة كويسه
المهم يتأكد من حالة العربية
والأهم يتأكد إن البائع هو المالك ويتأكد من الرخصة والبطاقه
ومتسمعش كلام ملوش لزمه زي أصلها عربية إبن خالى ومسافر وعملي توكيل علشان أبيعهالو
وكلام من هذا القبيل
والنصيبه إن التجار بيستعينوا دلوقتى بالسيدات لتسهيل عملية البيع
ربنا يسترها