الموضوع: اريد سياره في حدود 100 الف جنيه ممكن تساعدوني

بسم الله الرحمن الرحيم

الأخ الفاضل و السائل على سياره فى حدود 100,000 جنيه

أقدم لك نصيحه من خبرتى الخاصه. إبتعد تمامآ عن المستعمل و خاصة أن المبلغ الذى معك ليس قليل بل مناسب جدآ لشراء سياره جديده و جيده جدآ فى نفس الوقت

لن أقوم بترشيح أنواع أو حتى موديلات لك بل تفضل بعمل بحث قصير و سريع عن الأنواع و الماركات و الموديلات التى يمكن شراؤها فى حدود هذا المبلغ ثم إطرح الأمر للمناقشه و التصويت فى المنتدى لأنك لو تركت أعضاء المنتدى يرشحون لك ستزداد حيره لأنهم سيعرضون عليك أنواع كثيره و موديلات أكثر

وفقك الله لأرشد أمرك

و السلام عليكم و رحمة الله و بركاته

باشا من الاخر انا معايا الرينج دة ومش هتلاقى احسن من الاتنين دول ورهان مع اى حد يقولك غير كدة ،،، رقم واحد التويوتا كورولا خليجى ٢٠٠٩ او سوبر اكشن ٢٠٠٩ وكلهم برة وجوة شوف نفسك فى ابه بقى

كلام زي الفل بتاع الناس دي
بس نقطتتين بس هتكلم فيهم الاولي افضل اختيار في الزيرو كا100 الف مش يجيبو حاجه يا امه تزود شويه وتجيب بيجو 301 او تزود اكتر وتجيب القرش تاني فئه او حتي اول فئه دي نقطه ....
النقطه التانيه بتاعت المستعمل الي هو كلام الناس الي معاه لانسر 2009 وتيوتا وغيره هتسمع اسعار فلكيه لو عربيه كويسه هتلاقي في قله ادب ولو قرش كلو هتلاقي راشش من بره وجوه الله واعلم ولو النترا هتلاقي كلام برضو غبي طيب الحل في المستعمل اييييييه
هي الاوبترا عربيه ممتازه هتجيب عربيه في حدود من 80 الي 90 الف هتطلع عين ابوها وهتلاقي فلوسك ولو يا اخي خسرت مش هتخسر كتير علشان تجيب عربيه الاحلام لما ربنا يكرمك وعلي فكره عربيه ممتازه عن تجربه واعتماديه والانسر والالنترا وغيره مش اعلي من الاوبترا كتير في الفئه دا ده لو هتجيب مستعمل
علي فكره كل ده وانا بتكلم علي فئات الاوتو

الأوبترا ممتازة في فئتها السعرية ( وأنا معايا منها موديل 2011 على فكرة ) .. ولكنها لا تقارن لا بالكورولا ولا بالبومة !!

اسمع منى يا كورولا ٢٠٠٨ يا سوبر اكشن برة وجوة ١٠٠ الف عربيتين مالهومشى حل

رينو لوجان الجديدة فى نفس الرينج بتاعك بعدها على طول فيرنا اتوماتيك كسر زيرو ، طبعا هتستغرب انى بقولك فيرنا بس دى هتركبها وطلع عينها وتبيعها يمكن بنفس المبلغ او اقل حاجة بسيطة.
ولو عاوز عربية ممتازة بس صعب تلاقيها هتبقى نيو اكسنت 2010 - 2011 لان اللى معاه العربية دى وصاينها مش هيبعها لو اديته 100 الف صدقنى العربية دى معايا و مش هبيعها خالص الا بعد 4 -5 سنين. العربية دى هى كورولا الكورى.
تقبل مرورى مع فائق احترامى