نهاية الكلام عن اسعار صيانات التوكيل

**maio_do** · 28-04-2014 01:03 AM

بسم الله الرحمن الرحيم

السلام عليكم ورحمه الله وبركاته

كل ماتكلم واحد يقولك مشاكل العربية فى التوكيل واسعار الصيانات وبلا بلا بلا

فانا قلت اشوف صيانه اقرب عربية فى السعر فى الكورى وهى الاكسنت ار بى ولانها انجح من الريو

صيانه العشر الاف للاكسنت بتكلف 600 جنية ولينا 600 نفس السعر ودى مشاركة فى 11/2013 عن سعر الصيانه للكورى

المشاركة الأصلية كتبت بواسطة john55

هدتفع حوالي 300 جنيه لو من غير زيت لاني في صيانه 10000 دفعت 600 جنيه بلزيت وفي الصيانه يتم تربيط العفشه رجلاش الفرامل تزويد السوائل لو فيها نقصان زي مياه الريداتير او المساحات وتنظيف فلتري الهواء والتكييف وشكرا

كده اللى يجى يقولك اسعار توكيلاك خيالية ترد عليه وانت متاكد انه نفس السعر :b4_237:

**J A G U A R** · 28-04-2014 01:07 AM

المشكله فى قطع الغيار نفسها

**amrelsaqqa** · 28-04-2014 01:15 AM

اسعار قطع غيار الاكسنت من التوكيل ( وكلها اغلى من البيجو 301 ما عدا المقص اللى لا يقارن اطلاقا بمقص البيجو اللى انقذ حياتى وانقذ العربية بعد ربنا )

والاسعار دى في اخر 2013 والمصدر من هنا نايل موتورز
http://www.nilemotors.net/Nile/3875243001-post28.html

كبوت 1980
رفرف 725
صدر 1650
طنبوره 850
تيل امامى 575
تيل خلفى 550
فانوس امامى 1550
فانوس خلفى 900
باب امامى 2500
باب خلفى 2500
بوجيهات 165
فلتر بنزين 200
سير مجمع 220
فلتر هواء 95
زجاج امامى على حسب لو فيه النضاره الخضراء يبقى 2250 لو ساده يبقى 1850
زجاج باب 550
دلايه 60
مرايا كامله بالغماز 1250
كارتيره زيت محرك 220
كوبلن 3000
مساعد خلفى 850
مساعد امامى 850
مقص امامى 850
دونجل خلفى 3500

**J A G U A R** · 28-04-2014 01:18 AM

الاسعار دى غاليه جدا يا جماعه

انا كنت جايب لعربيتى اوبترا فانوس امامى من التوكيل كان ب 450 وفانوس خلفى كان بردو فى الحدود دى

واربع طاسات كانو ب 480

**HOSSAM99** · 28-04-2014 02:41 AM

و عليكم السلام و رحمة الله و بركاته
أكثر شئ بيضايقني اللي يقولك دي قطع غيارها غاليه بدون ما يسأل بالويم
يعني لما كاتينة الماتريكس اللي هي الفيرنا و الإلنترا 2005 و الجيتز 1.6 تبقي 490 قبل الضريبه بعد الضريبه تخش في 540 جنيه (من سنة أكيد الأسعار ولعت ) و دلوقتي كاتينة الـ301 481 قبل الضريبه يبقي أزاي نقارن و أزاء نقارن أصلا بين الباكينج الفرنساوي جايلك السير و البليتين في علبة مقفوله صنع في فرنسا و بين سيور دونجل كوري
و بالنسبه للسير المجموعه أنا شاكك في السعر اللي منزله أستاذي عمرو السقا علشان أنا جايبه لل407 من التوكيل 177 معرفش بتاع ال301 أغلي و لا أيه
و تيل الإلنترا hd ب600 و حاجه
و اللانسر الكاتينه و السيور و البلي بتخش في 1200 جنيه و مفيش عربيه لانسر في مصر بتركب كاتينة أصليه و لا سير أصلي إلا الناس اللي فاهمه

نيجي بيق أحنا بنحس بغلو قطع غيار البيجو ليه علشان بنقارنها بالمضروب اللي من التوفيقيه و محلات فيصل الكوري اللي بيديك تيل جولد بـ45 جنيه و سير كاتينة بـ65 جنيه و يقولك كونتننتال
و اللي يتكلم علي التوكيل يبقي ما شفش غبور و أبو الفتوح و منصور ... توكيلها مش واو لكن تعرف تتعامل معاه عن التلاته اللي فاتو دول
العربيه حلوة و أقتصاديه و مميزة و ربنا يبارك لأصحابها

**Hema_Basha** · 28-04-2014 05:32 AM

ماشي يا محمود بس حاجتهم مش غالية بس حرام اغير تيل مرتين وانا عامل 18000 كم ده علي كده بقي لو مكنتش لسه في الضمان كنت هدفع تمنهم ده غير الطنابير طبعا
بس عموما هو قدامهم فرصة معايا واشوف التيل ده هيعمل ايه لقيته زي اللي فاتوا يبقي الحل الوحيد ان اشوف اي نوع تاني غير بتاعهم

**faroojj** · 28-04-2014 09:41 AM

المشكلة مش فى أسعار قطع الغيار المشكلة فى التغيير المبكر لقطع الغيار ( تيل فرامل , بوجيهات . فلتر تكييف , فلتر هواء .................

**raad13** · 28-04-2014 11:19 AM

المشكلة ان غالبية الناس الي اشترت بيجو 301 (و انا منهم) كانوا راكبين عربيات قديمة شوية و بقالهم سنين مش بيروحوا توكيلات لكن في الواقع اسعار توكيل بيجو متفرقش حاجة عن كل التوكيلات في مصر و يعتبر ارخص توكيل اوروبي!! الي عايز يشوق التقليع بجد يروح توكيل سكودا مثلا

الموضوع: نهاية الكلام عن اسعار صيانات التوكيل

LinkBack

أدوات الموضوع

عرض

-

-

-

-

المواضيع المتشابهه

اسعار صيانات جميع سيارات رينو فى التوكيل و أماكن مراكز الخدمة

جدول اسعار صيانات جميع سيارات رينو الدورية في التوكيل

الجزء التانى | اسعار صيانات بروتون - تحديث اسعار ابريل 2011 -

اسعار صيانات omatra؟

ممكن اسعار صيانات هيونداى الانترا 2007 و اسعار قطع الغيار

الكلمات الدلالية لهذا الموضوع

المفضلات

المفضلات

ضوابط المشاركة