السلام عليكم ورحمة الله وبركاته
انا حبيت اوضح ايه الى حصل معايا فى فرع جسر السويس
اولا انا معايا حاليا بريليانس frv 1600 white المهم العربية كنت راكنها فى امان اله جيت لاقيت البابين مخبوطين وكان عندى مرايه مكسورة وتجريح اكصدام المهم الحمد لله وديت العربية التوكيل على اساس انى سمعت انه توكيل كويس وكده
المهم وديت العربية التوكيل يوم 4-4-2014 جه تانى يوم مهندس التأمين لانى مشترك تبعهم فاهما الى بيخلصوا كل حاجة المهم قالى العربية هتاخد اسبوع وطبعا اسبوع داه وصل لاتنين المهم كلمت المهندس قالى قالى يوم التلات الى قبل شم النسيم كلمته قبل ما اروح قالى لايوم الحد الى هوا قبل شم النسيم قولتله ماشي روحت يوم الحد التوكيل لاقيته قافل اكلمه يرد عليا بكل برود الاقيه نايم وبيقولى اصل احنا قافلين وانا واقف عند المركز
المهم قالى يوم التلات الى بعد شم النسيم كلمته قالى انا مش موجود شوف الفرع مدش بيوصل لاى حد فى الورشة يفهمنى روحتلهم قالى انا ماعرفش حاجة وكلم المهندس بتاعك كلمته قالى يوم الحد الى هوا امبارح المهم كلمته انهاردة الصبح قالى انا مش موجود قلتله احنا مش اخر اتفاقنا انهاردة قالى اه على الظهر قلتله اجيلك واحده قالى لا 12 بالظبط عشان ماتتأخرش
ورحت بالدقيقة لاقيت البهوات خلصوا الدهان وقفلوها ومرميه ماتعملتش الفاتورة والا اتغسلت قلت مش مشكله دي فاتورة اخرها 5 دقايق ربع ساعه بالكتير المهم كل شوية اسئل المهندس لسه بيقفله ربع ساعه طيب نص ساعه المهم قعدت من 12 لغاية الساعه 3:30 وماعرفتش استلمها الا لما دخلت لمدير الفرع وخلصوها فى خمس دقايق وبعد اما خرجت كانت المفاجأه اتجاهات المراية بايظة طبعا شط فيهم وزعقت من خنقتى وانا كمان كنت تعبان ومش طايق نفسي ودخلوها تانى وعملوها
بجد بصفع عامه خدمه عملا هناك سئ جدااااااااااااااااااااااا ااا ومافيش عمال هناك تغطى كمية العربيات الى داخله ومعامله سئ جدااااااااااااااااااااااا وانا حرمت اروح تانى مع ان الفرع دا جنب بيتى ومع انى كنت قابله على مشكلة فى العربية يعملهوها وطبعا والا اتعمل فيها اى حاجة وبجد توكيل القطامية احسن مليون مرة من الفرع دا على الاقل فى اهتمام وبجد شكر خاص جدا للمهندس هشام فى القطامية يارب يكون لسه موجود لان للاسف الناس الممتازة هيا الى بتمشي
واسف على الاطاله
المفضلات