الموضوع: نقره فى العجل اللى قدام شمال

صوت من داخل الكاوتش ؟؟؟
خلى بتاع الكاوتش يفك العجله و يشوفها من جوه ممكن يكون مكان خابور قديم و دخل جوه الكاوتش او زلطه او رمل
بيحصل على فكره

هو لازم انك توصف المشكلة وصف دقيق على قد ما تقدر عشان تلاقي المساعدة المطلوبة

يعني من انهي جهة والصوت عامل ازاي هل مثلا بيزيد مع زيادة السرعة ولا مع الحمولة ولما غيرت مكان الكاوتش الصوت مكانه اتغير ولا فضل زي ما هو

في صوت ساعات بيحصل من الغطاء الصغرة اللي بيكون ف منتصف الجنط وممكن الصوت يكون من الكارتيرة او الرفرف لما بتمشي الهواء بيحركه (مشكلة ف تثبيته او مسمار فك)

المشاركة الأصلية كتبت بواسطة omar_saad

لو الصوت ده عامل كده كأن مسمار مفكوك مثلا -- يبقي نفس اللي عندي شمال برده -- ملوش دعوة بالعجلة -- ناس بتقول التيل -- بس عامة -- التوكيل نفسه مش عارف حاجة و بيقول ما فيش حاجة --- مودرن موتورز سوزوكي

لا مش صوت مسمار مفكوك الصوت اللى اقصده بيكون كان عندك زلطه فعلا جوه العجله و كل ما تمشى اسرع الصوت يبان اكتر
اللى اعرفه ان صوت التيل عامل زى صوت الهوا
التوكيل و اى صناعى هيطلع صاحب العربيه هو اللى موسوس و بيسمع اصوات مش موجوده

المشاركة الأصلية كتبت بواسطة mhopa2440

هو لازم انك توصف المشكلة وصف دقيق على قد ما تقدر عشان تلاقي المساعدة المطلوبة

يعني من انهي جهة والصوت عامل ازاي هل مثلا بيزيد مع زيادة السرعة ولا مع الحمولة ولما غيرت مكان الكاوتش الصوت مكانه اتغير ولا فضل زي ما هو

في صوت ساعات بيحصل من الغطاء الصغرة اللي بيكون ف منتصف الجنط وممكن الصوت يكون من الكارتيرة او الرفرف لما بتمشي الهواء بيحركه (مشكلة ف تثبيته او مسمار فك)

فعلا الوصف الدقيق بيسهل كتير جدا فتحديد سبب المشكله و بالتالى الوصول للحل ان شاء الله
و فيه صوت حصل مع اخويا فالعربيه و استمر حوالى شهر مش عارفين صوت ايه و محدش عرف يوصله خالص و فالأخر طلعت حاجه شبه الحلقه كانت ماسكه فالشكمان واللحام بتاعها فك و كانت بتخبط كل شويه و تعمل الصوت اللى ده

المشاركة الأصلية كتبت بواسطة omar_saad

لو الصوت ده عامل كده كأن مسمار مفكوك مثلا -- يبقي نفس اللي عندي شمال برده -- ملوش دعوة بالعجلة -- ناس بتقول التيل -- بس عامة -- التوكيل نفسه مش عارف حاجة و بيقول ما فيش حاجة --- مودرن موتورز سوزوكي

صدقنى انا شاكك فى التيل بس هو مبقلوش 7 كم و نوعه highq